રાજકોટ તેલ બજારમાં સિંગતેલના ભાવમાં ફરી એકવાર વધારો નોંધાયો છે. 15 કિલોના ડબ્બે ₹20નો ભાવ વધારો થતાં સિંગતેલનો નવો ભાવ ₹3,130 થયો છે. ચાલુ વર્ષે સિંગતેલ સહિત અન્ય ખાદ્યતેલો પણ મોંઘા રહેવાના એંધાણ વર્તાઈ રહ્યા છે.
ગૃહિણીઓના રસોડાના બજેટ પર બોજ વધ્યો
મોંઘવારીનો માર સહન કરી રહેલી સામાન્ય જનતા અને ગૃહિણીઓના રસોડાના બજેટ પર ફરી એકવાર બોજ વધ્યો છે. સૌરાષ્ટ્રના મુખ્ય તેલ બજાર એવા રાજકોટમાં સિંગતેલના ભાવમાં ફરીથી વધારો ઝીંકવામાં આવ્યો છે. સિંગતેલના 15 કિલોના ડબ્બે ₹20નો ભાવ વધારો થતાં નવો ભાવ વધીને ₹3,130 રૂપિયાની સપાટીએ પહોંચી ગયો છે.
