શ્રાવણ મહિનામાં તહેવારોની શરૂઆત થાય તે પહેલાં જ સામાન્ય જનતા અને ગૃહિણીઓના બજેટ પર મોંઘવારીનો મોટો ફટકો પડ્યો છે. તહેવારોની મોસમમાં જ રાજ્યમાં ખાદ્યતેલના ભાવમાં સાર્વત્રિક ભડકો જોવા મળ્યો છે. માર્કેટમાં તહેવારોને કારણે ખાદ્યતેલની માગમાં અચાનક ઉછાળો આવતા અને સામે યાર્ડોમાં કપાસિયા તેમજ મગફળીની આવક ઘટતાં વેપારીઓ દ્વારા તેલના ભાવમાં મસમોટો વધારો ઝીંકી દેવામાં આવ્યો છે.
સીંગતેલના 15 કિલોના ડબ્બાના ભાવમાં રૂ. 50 નો સીધો વધારો
સૌથી વધુ વપરાતા સીંગતેલના 15 કિલોના ડબ્બાના ભાવમાં રૂ. 50 નો સીધો વધારો થયો છે. આ વધારા સાથે સીંગતેલના ડબ્બાનો ભાવ હવે રૂ. 2950 થી વધીને રૂ. 3050 ની સપાટીએ પહોંચી ગયો છે.