રાજકોટ જિલ્લાના વિંછીયા તાલુકાના અમરાપુર ખાતે કેબિનેટ મંત્રી કુંવરજીભાઈ બાવળીયાની અધ્યક્ષતામાં કોળી સમાજનું એક સ્નેહમિલન સંમેલન યોજાયું હતું.આ કાર્યક્રમમાં પૂર્વ સાંસદ દેવજીભાઈ ફતેપરાએ જસદણ વિધાનસભા બેઠકને લઈને એવું નિવેદન આપ્યું હતું કે કુંવરજીભાઈ બાવળિયા ફરીથી મંત્રી બનશે.જોકે,તેમના આ નિવેદન સામે કોળી સમાજના જ આગેવાન પ્રવીણભાઈ કોળીએ જાહેરમાં સવાલો ઉઠાવ્યા હતા.આ સ્નેહમિલન સમારોહમાં કચ્છ અને સૌરાષ્ટ્રભરમાંથી કોળી સમાજના આગેવાનો ખૂબ મોટી સંખ્યામાં ઉપસ્થિત રહ્યા હતા.
કોળી સમાજના આગેવાને ઉઠાવ્યા સવાલ
કેબિનેટ મંત્રી કુંવરજીભાઈ બાવળીયાની અધ્યક્ષતામાં આયોજિત આ મહત્વપૂર્ણ કાર્યક્રમમાં સમાજના વિવિધ પ્રશ્નો અને સંગઠન અંગે ચર્ચાઓ કરવામાં આવી હતી. આ મંચ પર ઉપસ્થિત પૂર્વ સાંસદ દેવજીભાઈ ફતેપરાએ જસદણ બેઠકને લઈને ખુલ્લું અને મહત્વનું નિવેદન આપ્યું હતું.ફતેપરાએ પોતાના વક્તવ્યમાં દાવો કરતા જણાવ્યું હતું કે કુંવરજીભાઈ બાવળિયા ફરી એકવાર મંત્રી બનશે.તેમના આ નિવેદનથી સમગ્ર સ્નેહમિલનમાં હાજર રહેલા આગેવાનો અને લોકોનું ધ્યાન સીધું જસદણ વિધાનસભા બેઠકના ભાવિ રાજકીય સમીકરણો તરફ ખેંચાયું હતું.દેવજીભાઈ ફતેપરાની આ વાત સામે કોળી સમાજના આગેવાન પ્રવીણભાઈ કોળીએ ખુલ્લેઆમ વાંધો ઉઠાવીને ગંભીર સવાલો કર્યા હતા.