Rajkot: બામણબોર નજીક ફેક્ટરીની ઓરડીમાં કેફી પ્રવાહી પીવાથી એકનું મોત થયું, અન્ય એક યુવક હોસ્પિટલમાં સારવાર હેઠળ

રાજકોટમાં કેફી પ્રવાહી પીવાથી એકનું મોત થયું છે. બામણબોર નજીક ફેક્ટરીની ઓરડીમાં 2 પરપ્રાંતીય યુવક બેભાન મળ્યા હતા. બન્ને હોસ્પિટલ લઈ જતા 1નું મોત, 1ની હાલત ગંભીર છે. મૃતદેહને ફોરેન્સિક પોસ્ટમોર્ટમ માટે લઈ જવામાં આવ્યો છે. અન્ય એક યુવક હોસ્પિટલમાં સારવાર હેઠળ છે. એરપોર્ટ પોલીસે સમગ્ર મામલે તપાસ હાથ ધરી છે.

 કેફી પ્રવાહી પીવાથી એકનું મોત થયું

આ યુવકોએ કોઈ કેફી પ્રવાહીથી બેભાન થયાનું પ્રાથમિક તપાસમાં ખુલ્યું છે. પોલીસે એક યુવકનો મૃતદેહ પીએમ એર્થે ખસેડી દીધો છે. બામણબોર નજીક ફેક્ટરીઓમાં સિક્યુરિટી ગાર્ડ આટાં મારી રહ્યો હતો ત્યારે બે યુવકો એક ઓરડીમાં બેભાન હાલતમાં પડ્યા હતા. આ અંગે જાણ કરતા અન્ય કર્મચારીઓ એકઠા થઇ ગયા હતા. બંનેને હોસ્પિટલ ખસેડવામાં આવ્યા હતા, પરંતુ એકનું મોત થઈ ગયું હતું.

એરપોર્ટ પોલીસ મથક દ્વારા સમગ્ર મામલે તપાસ પણ શરૂ 

આ ઘટનાની જાણ પોલીસને કરતા પોલીસ હોસ્પિટલ દોડી આવી હતી. પોલીસના જણાવ્યા અનુસાર બંને યુવકોએ કેફી પીણું પીધુ હતું. તેથી એકનું મોત થયું છે જ્યારે એક ગંભીર છે. મૃતક સંદીપ પટેલનું આજે ફોરેન્સિક PM કરવામાં આવશે. જોકે હાલ તો સમગ્ર મામલે એરપોર્ટ પોલીસ મથક દ્વારા સમગ્ર મામલે તપાસ પણ શરૂ કરી છે.