રાજકોટના માર્ગો પર ચાલુ વાહને મોબાઈલમાં વાત કરતા વાહન ચાલકોનું જોખમી વલણ સતત વધી રહ્યું છે. આ બેદરકારીભર્યું વર્તન માત્ર પોતાનો જીવ જ નહીં, પરંતુ અન્ય નિર્દોષ લોકોનો જીવ પણ જોખમમાં મૂકે છે. વાહન ચાલકનું ધ્યાન મોબાઈલમાં હોય છે, જેના કારણે તે રોડ પરની પરિસ્થિતિ પરથી કાબૂ ગુમાવે છે અને ગંભીર અકસ્માત સર્જાય છે. આવા અકસ્માતોમાં નિર્દોષ રાહદારીઓ અથવા અન્ય વાહનચાલકો ગંભીર ઈજા કે મૃત્યુનો ભોગ બને છે.
કાયદા અને વ્યવસ્થાનો અભાવ
આ પ્રકારની બેજવાબદારી દર્શાવે છે કે આવા જોખમી વાહન ચાલકોને કાયદો અને વ્યવસ્થાનો સહેજ પણ ડર નથી. ટ્રાફિકના નિયમોનું ઉલ્લંઘન કરી, તેઓ જાણે છે કે ચાલુ વાહને વાત કરવી એ ગુનો છે, છતાં તેઓ ખુલ્લેઆમ આ નિયમો તોડે છે. મોબાઈલ પર વાત કરીને તેઓ વાહન ચલાવવામાં સંપૂર્ણપણે નિષ્ફળ જાય છે, જેનાથી રસ્તાઓ પરનું જોખમ અનેકગણું વધી જાય છે. આ વલણ સમાજ માટે એક મોટો પડકાર છે.
