સુરત જિલ્લાના સહકારી ક્ષેત્રમાંથી એક અત્યંત દુઃખદ સમાચાર સામે આવ્યા છે. મહુવા સુગર ફેક્ટરીના ડિરેક્ટર અને સહકારી આગેવાન હિમાંશુ પટેલનું હાર્ટ એટેક આવવાથી અચાનક નિધન થયું છે. તેમના આકસ્મિક અવસાનથી મહુવા વિસ્તાર અને સહકારી આખી બેંક કે સુગર વર્તુળોમાં ભારે શોકની લાગણી ફેલાઈ ગઈ છે. તેઓ લાંબા સમયથી ખેડૂતો અને સહકારી પ્રવૃત્તિઓ સાથે સક્રિય રીતે જોડાયેલા હતા.
તાજેતરમાં જ મેળવી હતી જીત
થોડા દિવસો પહેલા જ મહુવા સુગરની ચૂંટણીઓ યોજાઈ હતી, જેમાં હિમાંશુ પટેલે ઝોન 16 ની બિન-ઉત્પાદક પ્રતિનિધિ બેઠક પરથી ઉમેદવારી નોંધાવી હતી. આ ચૂંટણીમાં તેઓ ભારે મતદારોના સમર્થનથી વિજેતા જાહેર થયા હતા. તેઓ અગાઉ પણ સતત ત્રણ ટર્મથી મહુવા સુગરમાં ડિરેક્ટર તરીકે સેવા આપી રહ્યા હતા અને ખેડૂતોમાં લોકપ્રિય નેતા તરીકે જાણીતા હતા.
