સુરત શહેરના પાલ RTO વિસ્તાર નજીક એક મોટી દુર્ઘટના બનતા અટકી ગઈ છે. મુખ્ય માર્ગ પરથી પસાર થઈ રહેલી એક ચાલુ કારમાં અચાનક ભીષણ આગ ફાટી નીકળી હતી. કારમાંથી ધુમાડાના ગોટેગોટા અને જ્વાળાઓ નીકળતી જોઈને રસ્તા પર દોડધામ અને અફરાતફરીનો માહોલ સર્જાયો હતો.
કારમાં સવાર 3 મહિલાઓનો આબાદ બચાવ
જે સમયે કારમાં આગ લાગી ત્યારે તેમાં 3 મહિલાઓ સવાર હતી. સમયસૂચકતા વાપરીને તમામ મહિલાઓ તાત્કાલિક કારમાંથી બહાર નીકળી જતાં તેમનો આબાદ બચાવ થયો હતો અને મોટી જાનહાનિ ટળી હતી. કાર ચાલક અને મહિલાઓને સુરક્ષિત બહાર કાઢવામાં આવ્યા હતા.
