Surat: પોલીસે કારના બોનેટમાં દારૂ છૂપાવી હેરાફેરી કરતા બુટલેગરોને ઝડપી લીધા, PCBએ 17 લાખનો મુદ્દામાલ કબ્જે કર્યો

સુરત પોલીસે બે બુટલેગરોને ઝડપી પાડ્યા છે. લોકોને દારૂનો સપ્લાય કરે તે પહેલા બુટલેગરો ઝડપાયા છે. બુટલેગર કિરીટ બારૈયા, ભાવેશ પટેલને પોલીસે દારૂના જથ્થા સાથે ઝડપી લીધા છે. કારમાં લાઇટની અંદર બોનેટમાં દારૂ છૂપાવી હેરાફેરી કરતા હતા. પોલીસે દારૂ સહિત 17 લાખનો મુદ્દામાલ કબ્જે કર્યો છે. પોલીસે આરોપીઓને ઝડપી તેની સામે કાયદેસરની કાર્યવાહી હાથ ધરી છે.

સુરત પોલીસે બે બુટલેગરોને ઝડપી પાડ્યા 

સુરત PCB પોલીસે લાખોના દારૂનો જથ્થા સાથે બે આરોપીઓને ઝડપી પાડ્યા છે.પોલીસે આરોપી કિરીટ હરીલાલ બારૈયા અને ભાવેશભાઇ દિનેશભાઇ પટેલને ઉત્રાણ વિસ્તારમાંથી ઝડપી લીધા છે. પોલીસે આરોપીઓ પાસેથી રૂપિયા 17 લાખથી વધુનો ભારતીય બનાવટના વિદેશી દારૂનો જથ્થો ઝડપી પાડ્યો છે. પોલીસે આરોપી પાસેથી ફોર વ્હીલ ગાડી અને દારૂનો જથ્થો મળી કુલ રૂપિયા 17 લાખથી વધુનો મુદ્દામાલ જપ્ત કર્યો છે.

રૂપિયા 17 લાખથી વધુનો મુદ્દામાલ જપ્ત કર્યો

આરોપીના ફોર વ્હિલ ગાડીના પાછળની લાઈટના અંદર તથા આગળના બોનેટમાંથી દારૂનો જથ્થો સંતાડી રાખ્યો હતો.આરોપીઓ દારૂ ડિલીવર કરે તે પહેલા પોલીસના હાથે ઝડપાય ગયા છે. આરોપી દારૂનો જથ્થો ક્યાંથી લાવ્યો ? કોને આપવાનો હતો ? આ સમગ્ર મામલે પોલીસે આરોપીઓ વિરુદ્ધ કાયદેસરની કાર્યવાહી હાથ ધરી છે. પોલીસે ઝડપાયેલા બે આરોપી સામે ગુનો નોંધી વધુ તપાસ હાથ ધરી છે.