સુરત શહેરના પોશ ગણાતા વેસુ વિસ્તાર નજીક યુવતીની છેડતી કરવાની એક ચોંકાવનારી ઘટના સામે આવી છે. મળતી વિગતો અનુસાર, એક રિક્ષાચાલક પર યુવતીની છેડતી કરવાનો અને તેની સાથે અસભ્ય વર્તન કરવાનો ગંભીર આક્ષેપ મુકવામાં આવ્યો હતો. ઘટનાની જાણ આસપાસના લોકોને થતાં જ લોકોના ટોળાં સ્થળ પર એકઠા થઈ ગયા હતા અને પરિસ્થિતિ ગરમાઈ ગઈ હતી.
સ્થાનિકોએ રિક્ષાચાલકને દબોચ્યો, માર મારતો વિડીયો વાઇરલ
યુવતી સાથે બનેલી આ ઘટનાને પગલે સ્થળ પર હાજર સ્થાનિક રહીશોમાં ભારે આક્રોશ ફેલાયો હતો. રોષે ભરાયેલા સ્થાનિકોએ ભાગવાનો પ્રયાસ કરતા રિક્ષાચાલકને સ્થળ પર જ પકડી પાડ્યો હતો. ત્યારબાદ સ્થાનિકો દ્વારા રિક્ષાચાલકને માર મારવામાં આવ્યો હોવાના દ્રશ્યો પણ સામે આવ્યા છે, જેનો વિડીયો સોશિયલ મીડિયામાં પણ વાઇરલ થયો છે. ઉશ્કેરાયેલી ભીડે રિક્ષાચાલકને કાબૂમાં રાખીને તાત્કાલિક પોલીસને જાણ કરી હતી.