સુરતના સિંગણપોર પોલીસ સ્ટેશન પાસે આવેલી ગાંધીનગર સોસાયટીમાં રમતા-રમતા દોઢ વર્ષની બાળકી રૂમમાં અંદરથી લોક થઈ જતા પરિવારજનોમાં ચિંતા ફેલાઈ હતી. પરિવારજનોએ દરવાજો ખોલવાના અનેક પ્રયાસો કર્યા, પરંતુ સફળતા મળી ન હતી. આખરે ફાયર બ્રિગેડને જાણ કરવામાં આવતા ટીમ તાત્કાલિક ઘટનાસ્થળે પહોંચી હતી.
બાળકી રૂમમાં અંદરથી બંધ થઈ જતા પરિવારજનોએ દરવાજો ખોલવા માટે અનેક પ્રયાસો કર્યા હતા. જોકે, દરવાજો ખુલ્યો ન હતો. અંદર બાળકી એકલી હોવાથી પરિવારજનોની ચિંતા સતત વધી રહી હતી.
પરિવારજનોના પ્રયાસો નિષ્ફળ જતા તાત્કાલિક ફાયર બ્રિગેડને જાણ કરવામાં આવી હતી. માહિતી મળતા જ ફાયર બ્રિગેડની ટીમ ઘટનાસ્થળે પહોંચી ગઈ હતી અને બાળકીને બહાર કાઢવા માટે રેસ્ક્યૂ કામગીરી શરૂ કરી હતી.
ફાયર બ્રિગેડના જવાનોએ પરિસ્થિતિને ધ્યાનમાં લઈને રૂમનો દરવાજો તોડી અંદર પ્રવેશ કર્યો હતો. ત્યારબાદ રૂમમાં ફસાયેલી દોઢ વર્ષની બાળકીને સહીસલામત બહાર કાઢવામાં આવી હતી.
બાળકીને કોઈ ઈજા થઈ ન હોવાનું સામે આવ્યું છે. દોઢ વર્ષની બાળકી સહીસલામત બહાર આવતા પરિવારજનોએ રાહતનો શ્વાસ લીધો હતો. થોડા સમય માટે સર્જાયેલા ગભરાટ બાદ પરિવારજનોમાં ખુશીનો માહોલ છવાયો હતો.
ફાયર બ્રિગેડની ટીમે સમયસર ઘટનાસ્થળે પહોંચી ઝડપી કાર્યવાહી કરતાં બાળકીને સુરક્ષિત બહાર કાઢી હતી. સમયસર રેસ્ક્યૂ કામગીરીના કારણે મોટી દુર્ઘટના ટળી હતી..
આ પણ વાંચો : Nepal Flood : ભયાનક પૂર વચ્ચે એકલું ઘર અડીખમ, પાણીમાં આખું ગામ તણાયું છતાં મકાન બચી ગયું જુઓ ભયાનક Video