સુરતના વરાછા વિસ્તારમાં આજે સવારે એક હૃદય કંપાવી દેનારો રોડ અકસ્માત સર્જાયો છે. મળતી માહિતી મુજબ, વરાછા ફ્લાયઓવર બ્રિજ પરથી એક મોટરસાયકલ પસાર થઈ રહી હતી. આ દરમિયાન બ્રિજ પર આગળ જઈ રહેલી એક ભારે માલવાહક ટ્રકની પાછળ બાઈકના ચાલકે કાબૂ ગુમાવતા બાઈક સીધી ટ્રકના પાછળના ભાગે ધડાકાભેર ઘૂસી ગઈ હતી. અકસ્માત એટલો ભયાનક હતો કે મોટરસાયકલનો કચ્ચરઘાણ વળી ગયો હતો અને બાઈક ચાલક યુવક રોડ પર પટકાતા તેને માથા તેમજ શરીરના ભાગે જીવલેણ ઈજાઓ થઈ હતી, જેના કારણે તેનું ઘટનાસ્થળે જ તડફડીને મોત નીપજ્યું હતું.
વરાછા ફ્લાયઓવર બ્રિજ પર અકસ્માત
આ અકસ્માતમાં બાઈકની પાછળ બેસેલી અન્ય એક વ્યક્તિ પણ રોડ પર ફંગોળાતા તેને શરીરે ફ્રેક્ચર સહિતની ગંભીર ઈજાઓ પહોંચી હતી. અકસ્માતને પગલે બ્રિજ પરથી પસાર થતા અન્ય વાહનચાલકો તાત્કાલિક બ્રેક મારીને ઉભા રહી ગયા હતા અને બ્રિજ પર કાળ ચીસો વચચે લોહીના ખાબોચિયા ભરાઈ ગયા હતા. સ્થાનિક લોકોએ તુરંત 108 ઈમરજન્સી એમ્બ્યુલન્સ અને પોલીસને આ અંગે જાણ કરી હતી.