વડોદરા શહેરની મહારાજા સયાજીરાવ યુનિવર્સિટી માટે પર્યાવરણીય સંશોધન ક્ષેત્રે વધુ એક ગૌરવપૂર્ણ સિદ્ધિ નોંધાઈ છે. ગુજરાત સરકાર દ્વારા યુનિવર્સિટીને ક્લાઈમેટ ચેન્જ ઈમ્પેક્ટ અને અવેરનેસ સેન્ટર ઊભું કરવા માટે રૂા.17 કરોડની માતબર ગ્રાન્ટ ફાળવવામાં આવી છે.ગુજરાત સરકાર દ્વારા સમગ્ર રાજ્યની યુનિવર્સિટીઓ અને સંશોધન સંસ્થાઓ પાસેથી ક્લાઈમેટ ચેન્જ વિજ્ઞાન અને ઈન્ફ્રાસ્ટ્રક્ચર માટે પ્રપોઝલ મંગવાયા હતા. જેમાં સરકારી યુનિવર્સિટીઓ પૈકી MSUની દરખાસ્ત શ્રેષ્ઠ સાબિત થઈ હતી.
હવામાન પરિવર્તનની ગંભીરતાને પ્રત્યક્ષ અનુભવી શકે
ત્યારબાદ ટેક્નોલોજી ફેકલ્ટી, બોટની, ઝૂઓલોજી અને કમ્પ્યુટર સાયન્સ જેવા વિવિધ વિદ્યા શાખાઓના નિષ્ણાતોની મલ્ટિ-ડિસિપ્લિનરી ટીમે આ સઘન પ્રપોઝલ ગાંધીનગરમાં શિક્ષણ મંત્રી સમક્ષ પ્રેઝન્ટ કર્યું હતું.આ અંગે MSUનાં વાઈસ ચાન્સેલર પ્રો.ડો.ભાલચંદ્ર ભાટેગેએ જણાવ્યું હતું કે, આ પ્રોજેક્ટ માત્ર શિક્ષણ વિદ્રોના સંશોધન પૂરતો સીમિત ન રહેતાં સામાન્ય નાગરિકો અને સ્કૂલ-કોલેજના વિદ્યાર્થીઓ સુધી પહોંચે તે મુખ્ય ઉદ્દેશ્ય છે. આ પ્રોજેક્ટ માટે યુનિવર્સિટી કેમ્પસનું સેન્ટ્રલ લોકેશન ગણાતા ડોનર્સ પ્લાઝા ખાતે સ્પેસ ફાળવીને સાયન્સ પાર્ક/સાયન્સ સિટીની તર્જ પર એક લાઈવ એક્સપીરિયન્સ મ્યુઝિયમ ઊભું કરવાનું પ્લાનિંગ છે. જેથી કોઈપણ વ્યક્તિ સરળતાથી પહોંચીને હવામાન પરિવર્તનની ગંભીરતાને પ્રત્યક્ષ અનુભવી શકે.