આજે સમગ્ર વિશ્વમાં 12માં આંતરરાષ્ટ્રીય યોગ દિવસની રાજ્ય કક્ષાની ઉજવણી કરવામાં આવી રહી છે. ત્યારે ગુજરાતમાં પણ યોગા દિવસની ભવ્ય ઉજવણી કરાઈ છે. ગાંધીનગરના માણસા ખાતે રાજ્યકક્ષાના યોગ દિવસની ઉજવણી કરવામાં આવી છે. જ્યાં મુખ્યમંત્રીએ વિવિધ યોગાસન કર્યા હતાં. આ ઉપરાંત અમદાવાદમાં પ્રહલાદનગર ગાર્ડન ખાતે કેન્દ્રીય ગૃહમંત્રી અમિત શાહ અને નાયબ મુખ્યમંત્રી હર્ષ સંઘવીએ યોગ કર્યા હતાં.
વડોદરામાં સમા ખાતે યોગ દિવસની ઉજવણી
વડોદરામાં સમા ખાતે યોગ દિવસની ઉજવણી કરાઈ હતી. શહેરમાં સ્પોર્ટ્સ કોમ્પલેક્સ ખાતે યોગા દિવસની ઉજવણી થઈ હતી. આ કાર્યક્રમમાં રાજ્ય સરકારના મંત્રી જીતુ વાઘાણી હાજર રહ્યા હતાં. તેમણે વિવિધ યોગાસન કર્યા હતાં. આ કાર્યક્રમમાં શહેરમાથી મોટી સંખ્યામાં યોગ પ્રેમીઓ જોડાયા હતાં. જીતુ વાઘાણીની સાથે સ્થાનિક નેતાઓ પણ આ કાર્યક્રમમાં હાજર રહ્યા હતાં.
