અમદાવાદ જિલ્લામાં આવેલ બાવળા નગરપાલિકા આજે ચર્ચાનું કેન્દ્ર બની છે. સ્થાનિક સ્વરાજની ચૂંટણીમાં ભાજપે શાનદાર પ્રદર્શનું કર્યું. પાલિકા ચૂંટણીમાં ભાજપે મોટાભાગની તમામ બેઠકો પર જીત નોંધાવી. પરંતુ અમદાવાદ જિલ્લાની બાવળા નગરપાલિકામાં અન્ય પક્ષોએ ભાજપને ટક્કર આપી. ચૂંટણી પરિણામો બાદ બાવળા નગરપાલિકામાં માત્ર એક બેઠક જીતનાર BSP પાલિકામાં ગેમ ચેન્જરની ભૂમિકામાં આવી ગઈ છે.


માત્ર એક બેઠક જીતનાર BSP બની કિંગ

સ્થાનિક સ્વરાજની ચૂંટણી 16 ફેબ્રુઆરીના રોજ યોજાઈ હતી. અને 8 ફેબ્રુઆરીના રોજ પાલિકાના પરિણામ સામે આવ્યા.વોર્ડ નં.7માં કુલ 28 બેઠકો પર પાલિકાની ચૂંટણીમાં ભાજપે 14 બેઠકો પર જીત મેળવી અને કોંગ્રેસે ભાજપને ટક્કર આપતા 13 બેઠક પર જીત નોંધાવી. જ્યારે બસપાએ 1 બેઠક પર જીત નોંધાવી. બાવળા પાલિકામાં બહુમતી મેળવવા કોઈપણ પક્ષે 15ના આંકડા પર પંહોચવું જરૂરી છે. ભાજપે વધુ બેઠકો પર જીત મેળવી હોવા છતાં પણ બાવળા પાલિકા પર સત્તા સંભાળવા 1 બેઠકથી દૂર છે. બસપા ઉમેદવાર કાળુભાઇ ચૌહાણને પોતાના પક્ષમાં ખેંચવા ભાજપ અને કોંગ્રેસ સક્રિય બની છે.

Also Read

સરેરાશ 65.51 ટકા મતદાન નોંધાયું

મહત્વનું છે કે અમદાવાદની બાવળા નગરપાલિકામાં કુલ 28 બેઠકો પર મતદાન કરવામાં આવ્યું હતું. મતદાનના દિવસે બાવળાના સ્થાનિકોમાં અનેરો ઉત્સાહ જોવા મળ્યો. બાવળામાં મતદારોએ મોટી ચૂંટણીની જેમ આ ચૂંટણીમાં મતદાન કરતાં સરેરાશ 65.51 ટકા મતદાન જોવા મળ્યું. મતદાન દરમ્યાન ચૂંટણી પંચ દ્વારા તમામ મતદાન કેન્દ્રો પર ચુસ્ત પોલીસ બંદોબસ્તની સઘન વ્યવસ્થા કરવામાં આવી હતી.દરમિયાન હવે બાવળા પાલિકામાં કયો પક્ષ સત્તા પર આરૂઢ થશે તેને લઈને ચર્ચાનો દોર શરૂ થયો છે. બાવળા પાલિકામાં BSP કિંગ મેકર બની શકે છે.

  • Follow us on: