Gujarat Breaking News Updated: સુરતની પીપોદરા GIDCમાં બીજી વખત લાગી આગ

સુરતની પીપોદરા GIDCમાં બીજી વખત લાગી આગ 

સુરતની પીપોદરા GIDCમાં બીજી વખત આગ લાગી છે. પેપર ટ્યુબના જથ્થામાં આગ લાગી છે. ખાનગી કંપનીએ સંગ્રહ કરેલા જથ્થામાં આગ લાગી છે. ફાયરની ટીમે આગ પર કાબુ મેળવવા પ્રયાસ હાથ ધર્યા છે. 

રાજકોટ મનપાના સ્થાપના દિવસની ઉજવણીમાં હોબાળો

રાજકોટ મનપાના સ્થાપના દિવસની ઉજવણીમાં હોબાળો થયો છે. મ્યુઝિકલ નાઈટના કાર્યક્રમમાં હોબાળો મચ્યો છે. ટોળાને સ્ટેજ નજીકથી ખેસડતા હોબાળો થયો છે. યુવક અને પોલીસ વચ્ચે ઝપાઝપી થઈ અને મનપાના હોદ્દેદારોએ વચ્ચે પડવાની ફરજ પડી હતી. 

Bitcoin Scam: પૂર્વ IPSના આરોપ વિરૂદ્ધ ચૂંટણી પંચ પહોંચી સુપ્રિયા સુલે 

મહારાષ્ટ્રમાં આવતીકાલે બુધવારે વિધાનસભાની ચૂંટણી યોજાવવાની છે. તેના એક દિવસ પહેલા જ પૂણેના એક પૂર્વ IPS અધિકારીએ NCP (SP)ના નેતા અને લોકસભા સાંસદ સુપ્રિયા સુલે અને મહારાષ્ટ્ર કોંગ્રેસના અધ્યક્ષ નાના પટોલે પર મોટો આરોપ લગાવ્યો છે. ભૂતપૂર્વ IPSનો આરોપ છે કે બંને નેતાઓએ 2018માં બિટકોઈનની ઉચાપત કરી હતી અને વર્તમાન વિધાનસભા ચૂંટણીમાં તે નાણાંનો ઉપયોગ થઈ રહ્યો છે. સુપ્રિયા સુલેએ આ આરોપો સામે ચૂંટણી પંચને પત્ર લખ્યો છે. સુપ્રિયા સુલે વતી તેમના વકીલે પત્રમાં જણાવ્યું હતું કે સુપ્રિયા સુલે વિરુદ્ધ ખોટી માહિતી ફેલાવનારા પૂણેના પૂર્વ IPS અધિકારીઓ રવિન્દ્રનાથ પાટીલ અને ગૌરવ મહેતા વિરુદ્ધ સાયબર છેતરપિંડીની ફરિયાદ તાત્કાલિક દાખલ થવી જોઈએ

રાષ્ટ્રપતિ લૂલા અને PM મોદી વચ્ચે મહત્વની ચર્ચા

વડાપ્રધાન નરેન્દ્ર મોદી બ્રાઝિલના પ્રવાસે છે. તેઓ રિયો ડી જનેરિયોમાં G20 સમિટમાં ભાગ લઈ ચૂક્યા છે. રિયો ડી જેનેરિયોમાં G20 સમિટ દરમિયાન બ્રાઝિલના રાષ્ટ્રપતિ લુઈઝ ઈનાસિયો લૂલા દા સિલ્વા સાથે વાતચીત કરી. રાષ્ટ્રપતિ લૂલાએ પીએમ નરેન્દ્ર મોદી સાથેની તેમની મુલાકાતમાં કહ્યું કે, અમે G20 સમિટની યજમાની તે જ રીતે કરવા માગીએ છીએ જે રીતે ગયા વર્ષે ભારતે કર્યું હતું.

ગાંધીનગરમાં મેટ્રો સ્ટેશન સાથે એસ.ટી.ની કનેક્ટિવિટી અપાઈ 

ગાંધીનગરમાં મેટ્રો સ્ટેશન સાથે બસની કનેક્ટિવિટી અપાઈ છે. શહેરી, પોઈન્ટ, લોકલ, એક્સપ્રેસ બસો મેટ્રો સ્ટેશને ઉભી રહેશે. સેક્ટર-1 મેટ્રો સ્ટેશનેથી પથિકાશ્રમની બસ મળી રહેશે. મેટ્રોથી સચિવાલય માટે એસટી બસોનો ઉપયોગ કરી શકાશે. 

અંકલેશ્વર નજીક હાઇવે પર કેમિકલ ઢોળાયું

અંકલેશ્વર નજીક હાઇવે પર કેમિકલ ઢોળાયું છે. ચાલુ ટ્રકમાંથી કેમિકલના બેરલ રોડ પર પડ્યા.  કેમિકલ ઢોળાતા વાહનચાલકોને ભારે હાલાકી પડી રહી છે. 

Ahmedabadની સ્ટર્લિંગ હોસ્પિટલ વિવાદમાં, પરિવારજનોને મૃતદેહ આપવાનો કર્યો ઈન્કાર

અમદાવાદ ગુરુકુળ પાસે આવેલી મેમનગરની સ્ટર્લિંગ હોસ્પિટલમાં પુષ્પાબેન દરજી નામની મહિલાને સારવાર અર્થે દાખલ કરવામાં આવ્યા હતા, તેમનું સારવાર દરમિયાન સવારમાં મોત થયું હોવાનું ત્યાંના તબીબ દ્વારા જણાવવામાં આવ્યું હતું. ત્યારબાદ પરિવારજનોને સ્ટર્લિંગ હોસ્પિટલ દ્વારા મૃતક  પુષ્પાબેનના મૃતદેહને સોંપવામાં આવ્યો ન હતો. મૃતક દર્દીનું વેન્ટિલેટર સ્ટર્લિંગ હોસ્પિટલમાં કાઢવાના બદલે અન્ય હોસ્પિટલમાં મોકલી મૃત જાહેર કરાવવાનું હોસ્પિટલે કાવતરું કર્યું હતું.

ટૂ વ્હીલરમાં હેલ્મેટના નિયમની અમલવારી માટે પત્ર

ટૂ વ્હીલરમાં હેલ્મેટના નિયમની અમલવારી માટે પત્ર લખવામાં આવ્યો છે. રાજ્ય પોલીસ વડાએ યુનિવર્સિટીને પત્ર લખ્યો છે. રાજ્યની તમામ યુનિવર્સિટીના વાઈસ ચાન્સેલરોને પત્ર લખવામાં આવ્યો છે. કર્મચારીઓ અને વિદ્યાર્થીઓને હેલ્મેટ પહેરવવા વિનંતી કરવામાં આવી છે. 

વડોદરાની વિઠ્ઠલદાસ પોળમાં બીજા દિવસે પણ પથ્થર ફેંકાયા

વડોદરાની વિઠ્ઠલદાસ પોળમાં બીજા દિવસે પણ પથ્થર ફેંકાયા છે. પોળમાં સતત બીજા દિવસે બોટલ અને પથ્થર ફેંકાયા છે. અજાણ્યા શખ્સો બોટલ-પથ્થર ફેંકી ફરાર થયા છે. પોલીસની ટીમો તાત્કાલિક ઘટનાસ્થળે પહોંચી છે. 

વેરાવળ બંદર પર તંત્રનું ડિમોલિશન

વેરાવળ બંદર પર તંત્ર દ્વારા ડિમોલિશન કરવામાં આવ્યું છે. ફિશરીઝ વિભાગ દ્વારા ડિમોલિશન કરવામાં આવ્યું છે. જેમાં 100થી વધુ કેબિન અને દુકાનો પર બુલડોઝર ફેરવવામાં આવ્યું છે. નોટિસ વગર ડિમોલિશન કર્યાનો સ્થાનિકોનો આક્ષેપ છે. ત્યારે ફિશરીઝ વિભાગની કામગીરીને લઈ સવાલો ઉઠ્યા છે. 

ભાવનગરમાં રાધનપુરીબજારમાં લાગી આગ

ભાવનગરમાં રાધનપુરીબજારમાં આગ  લાગી છે. મોટા ફળિયામાં કટલરીની દુકાનમાં આગ લાગી છે. જનતા કટલરી હોલસેલ વેપારીના બિલ્ડિંગમાં આગ લાગી છે. આગથી કટલરીનો સામાન બળીને ખાખથઈ ગયો છે.

• પોલીસ વિભાગમાં ભારે હડકંપ, અમદાવાદના 13 વહીવટદારોની અન્ય જિલ્લામાં કરાઈ બદલી

અમદાવાદ શહેરમાં વહીવટ કરતા 13 વહીવટદારોની બદલી કરવાના આદેશ આપવામાં આવ્યા છે. 

જિલ્લા બહાર આ તમામ વહીવટદારોની બદલીના આદેશ કરવામાં આવ્યા છે. વહીવટી એડીજીપી ખુરશીદ અહેમદે આ બદલીના આદેશ કર્યા છે. ત્યારે અમદાવાદથી લઈને અન્ય જિલ્લામાં બદલી કરવામાં આવતા પોલીસ વિભાગમાં ભારે હડકંપ મચી ગયો છે. લાંબા સમયથી વહીવટ કરતા પોલીસ કર્મીની બદલી કરવામાં આવી છે. 

ચોટીલાના હબીયાસરમાં જૂથ અથડામણ

ચોટીલાના હબીયાસરમાં જૂથ અથડામણ થયું છે. એક જ જ્ઞાતિના લોકો વચ્ચે જૂથ અથડામણ થયું છે. 

અથડામણમાં 5 લોકોને સામાન્ય ઇજા પહોંચી છે. ગેમ રમવા બાબતે બાળકો વચ્ચે માથાકૂટ થઇ હતી, બાળકો વચ્ચેના ઝઘડાએ મોટું સ્વરૂપ ધારણ કર્યું. બે પક્ષો વચ્ચે ધોકા સહિતના હથિયારો વડે મારામારી થઈ છે. 

ભાવનગરમાં વકીલ ઉપર જીવલેણ હુમલો

ભાવનગરમાં વકીલ ઉપર જીવલેણ હુમલો કરવામાં આવ્યો છે. સબ-રજિસ્ટ્રારની કચેરીમાં વકીલ પર હુમલો કરાયો છે. ટેક્સના રૂપિયા ચૂકવવાની બાબતે હુમલો કર્યો છે. મકાન માલિકે ઉશ્કેરાઈ જઈ જીવલેણ હુમલો કર્યો છે. 

સુરતના સચિનમાં બે વર્ષના બાળકનું મોત

સુરતમાં બે વર્ષના બાળકનું મોત નીપજ્યું. સચિન GIDC સ્થિત તલંગપૂર વિસ્તારનો બનાવ. બાળક બોલ સાથે રમી રહ્યો હતો તે દરમિયાન બોલ ખુલ્લા નાળામાં પડી ગયો. બાળક બોલ લેવા જતા, નાળામાં પડી ગયો. બાળક ગત સાંજે નાળામાં પડ્યો હતો. આજે નાળાની સાફ સફાઈ કર્યા બાદ મૃતદેહ મળ્યો.

પાટણમાં રેગિંગ બાદ યુવકના મોતની ઘટના

15 વિદ્યાર્થીઓના 1 દિવસના રિમાન્ડ મંજૂર કરવામાં આવ્યા. પોલીસે કોર્ટમાં 3 દિવસના રિમાન્ડ માંગ્યા હતા. ધારપુરની મેડિકલ કોલેજમાં વિદ્યાર્થીનું રેગિંગ થયું હતું. રેગિંગ બાદ અનિલ મેથાણિયાનું મોત થયું હતું.

દાહોદના લીમખેડામાં નવજાત શિશુ મળી આવ્યું

દાહોદમાં નવજાત શિશુ મળી આવ્યું. લીમખેડાના ચેડિયા ગામના તુવેરના ખેતરમાં બાળકના રડવાની અવાજ આવતા ગ્રામજનો દોડી આવ્યા. ખેતરમાં કપડાં વગર નવજાત શિશુ મળતા લોકો ચોંકી ઉઠ્યા. ઘટનાને લઈ પોલીસને જાણ કરાઈ. બાળકને 108ની મદદથી સારવાર માટે હોસ્પિટલ ખસેડ્યો. પોલીસે ઘટના સ્થળે પહોંચી પરિવારની શોધખોળ હાથ ધરાઈ. ઘટનાને લઈ વિસ્તારમાં ચકચાર.

અમિત શાહના હસ્તે સાબરડેરીના 800 મેટ્રિક ટનની ક્ષમતાવાળા કેટલ ફીડ પ્લાન્ટનું ઉદઘાટન

હિંમતનગર ખાતે કેન્દ્રીય ગૃહ અને સહકારિતા મંત્રી અમિત શાહે સાબર ડેરીના રૂ. 210 કરોડના ખર્ચે 800 મેટ્રિક ટન પ્રતિ દિનની ક્ષમતાવાળા અત્યાધુનિક કેટલ ફીડ પ્લાન્ટના ઉદ્ઘાટન પ્રસંગે જણાવ્યું હતું કે, આ કેટલ ફીડ પ્લાન્ટનો પ્રારંભ થવાથી સાબરકાંઠા અને અરવલ્લી જિલ્લામાં દૂધ ઉત્પાદકોના દૂધાળા પશુઓ માટે સમતોલ અને પોષણયુક્ત આહારનો પુરવઠો વધુ માત્રામાં મળશે. એટલુ જ નહી, ભુરા કાકાએ 60 વર્ષ પહેલાં જે બીજ વાવ્યું હતુ એ આજે સાબર ડેરી તરીકે વટવૃક્ષ બન્યુ છે. 1976ની શરુઆતથી લઇને આજના પ્લાન્ટના ઉદ્ઘાટન બાદ 2000 મેટ્રીક ટન સાબર દાણનું ઉત્પાદન શકય બન્યું છે.

પોલીસ ભરતી મુદ્દે હાઇકોર્ટમાં સરકારનો જવાબ

પોલીસ ભરતી મુદ્દે હાઇકોર્ટમાં સરકારે જવાબ આપતા જણાવ્યું કે, પોલીસ જવાનો માટે ટ્રેનીંગ સેન્ટર બનાવાશે. ખેડાના કઠલાલ ખાતે 2500ની કેપેસિટીવાળું ટ્રેનિંગ સેન્ટર બનશે. હાઇકોર્ટમાં રાજ્ય સરકરે એફિડેવિટ ફાઇલ કર્યું. વર્તમાન સમયમાં 11377 પોલીસ ભરતી બહાર પાડી છે. એફિડેવિટ મુજબ કામગીરી કરવા કોર્ટની સરકારને મૌખિક ટકોર.

દાહોદમાં શિક્ષક તરીકે હાજર થવા પૈસા માગવાની ઘટના

આદિજાતિ વિભાગ પાસે રિપોર્ટ માગવામાં આવ્યો. આદિજાતિ વિભાગ રાજ્ય સરકારને રિપોર્ટ સોંપશે. સમગ્ર ઘટનામાં વીડિયોના આધારે રિપોર્ટ તૈયાર કરાશે.

‘દૂધ મંડળીમાં કરોડોના ચેક માત્ર ગુજરાતમાં જ શક્ય’ સાબરડેરીના કાર્યક્રમમાં અમિત શાહે કહ્યું

સાબર ડેરી ખાતે કેન્દ્રીય ગૃહ અને સહકાર મંત્રી અમિતભાઈ શાહે સાબર ડેરીના 800 મેટ્રિક ટન પ્રતિદિનની ક્ષમતાવાળા અત્યાધુનિક કેટલફીડ પ્લાન્ટનું ઉદઘાટન કરીને મહિલા જાગૃતિ કાર્યક્રમ અંતર્ગત મહિલા દૂધ ઉત્પાદકો સાથે સંવાદ સાધ્યો હતો. 

રાજ્યમાં બિનખેતી પરવાનગીને લઈને મહત્વનો નિર્ણય

રાજ્યમાં રિવાઇઝડ બિનખેતી પરવાનગીને લઈને મહત્વનો નિર્ણય લેવામાં આવ્યો છે. કોઈપણ હેતુ માટે અગાઉ પ્રિમીયમ વસૂલ કરવાપાત્ર હોવા છતાં પ્રિમીયમ વસૂલ થયા વિના બિનખેતી થયેલ હોય તેવી જમીન પુન: હેતુફેર માટે આવે ત્યારે પ્રવર્તમાન જંત્રી કિંમતના 10 ટકા વસૂલ કરીને હેતુફેર N.A. કરી આપવામાં આવશે. હાલ આવું પ્રિમીયમ પ્રવર્તમાન જંત્રી દરના 30 ટકા પ્રમાણે વસૂલ કરવાની પ્રથા અમલમાં છે.

US: સંકટની શક્યતા વચ્ચે અમેરિકા પહેલેથી જ તૈયાર, મસ્કે આપ્યા સંકેત!

અમેરિકાના અબજોપતિ ઉદ્યોગપતિ એલોન મસ્ક કેટલાક દિવસોથી વસ્તી સંકટ અંગે સતત ચિંતા વ્યક્ત કરી રહ્યા છે. જો કે તેઓ ઘણા વર્ષોથી વધુ બાળકો પેદા કરવાની હિમાયત કરી રહ્યા છે, પરંતુ હવે જ્યારે તેઓ ટ્રમ્પ સરકારનો ભાગ બનવા જઈ રહ્યા છે, ત્યારે તેમના નિવેદનોને અમેરિકાની આગામી સરકારની નીતિઓનો સંકેત માનવામાં આવી રહ્યા છે.

સાંજે 06 વાગ્યા સુધીના સૌથી મોટા સમાચાર

1. Gandhinagar: ગુજરાત સરકારની નીતિ-નિયતથી ખેડૂતો બરબાદ થયા: અમિત ચાવડા 

2. Stock News: ભારતીય શેરબજારમાં તેજી, સેન્સેક્સ-નિફ્ટીમાં નજીવો વધારો 

3. Chhotaudepur: સિંચાઈ વિભાગના કાર્યપાલક ઈજનેર એક લાખની લાંચ લેતા ઝડપાયા 

4. Khyati Hospital: આરોપીને જેલમાં VIP ટ્રીટમેન્ટ!, સંદેશ ન્યૂઝના અહેવાલ બાદ પોલીસ સતર્ક 

5. Ambaji: દિવાળીથી દેવ દિવાળીના પર્વમાં માં અંબાનો ભંડારો છલકાયો, કરોડો રૂપિયાની આવક 

6. Maharashtra Election: ભાજપના મહાસચિવ વિનોદ તાવડે સામે ECએ FIR દાખલ કરી 

7. Gir Somnath: ઉનામાં આવેલી મહેતા હોસ્પિટલને PMJAY યોજનામાંથી કરાઈ સસ્પેન્ડ 

8. Surendranagar: પાટડી પોલીસના PI એમ.કે.ઝાલા સહિત 3 કોન્સ્ટેબલને કરાયા સસ્પેન્ડ 

9. શું અનમોલ બિશ્નોઈને ભારત લાવવામાં આવશે? જાણો એજન્સીઓ શું કરી રહી છે 

10. મોડા આવવાની સજા! પ્રિન્સિપાલે 18 વિદ્યાર્થિનીઓનાં વાળ કાપ્યા 

મુખ્યમંત્રી ભૂપેન્દ્ર પટેલની અધ્યક્ષતામાં કેબિનેટ બેઠક

આવતીકાલે સવારે 10 વાગે કેબિનેટ બેઠક મળશે. ખ્યાતિકાંડ અંગે કેબિનેટ બેઠકમાં ચર્ચા થશે. આરોગ્ય વિભાગે લીધેલા પગલા પર ચર્ચા થશે. મગફળીની ટેકાના ભાવે ખરીદીની સમીક્ષા થશે. ખાતરના જથ્થાની અછત બાબતે પણ સમીક્ષા કરવામાં આવશે. કાયદો વ્યવસ્થાની સ્થિતિની સમીક્ષા થશે. આગામી ચિંતન શિબિર તેમજ રાજ્ય સરકારના નીતિગત વિષયો પર પણ ચર્ચા થશે.

GTUએ CCC કૌભાંડી કેયૂર શાહને કર્યો સસ્પેન્ડ 

GTU દ્વારા CCC કૌભાંડી કેયૂર શાહને સસ્પેન્ડ કરવામાં આવ્યો છે. CCCમાં પૈસા લઇ માર્ક સુધારણાંમાં ગેરરીતી બદલ સસ્પેન્ડ કરવામાં આવ્યો. CCCમાં કરોડો રૂપિયાનું કૌભાડ સામે આવતા આખરે GTUએ કેયૂર શાહને સસ્પેન્ડ કર્યો છે. ઘણાં લાંબા સમયથી આ મુદ્દે તપાસ ચાલતી હતી.

વડોદરામાં તપન પરમારની હત્યા કરનાર આરોપીઓના રિમાન્ડ મંજૂર

આરોપીઓના 3 દિવસના રિમાન્ડ મંજૂર થયા છે. પોલીસે માંગ્યા હતા 10 દિવસના રિમાન્ડ. 4 આરોપીઓને કોર્ટમાં રજૂ કરાયા. બાબર ખાન પઠાણ, વસીમ મન્સૂરી, શકીલહુસેન શેખ, એજાજ હુસેન શેખ, શબનમ મન્સૂરી નામના આરોપીઓને કોર્ટમાં રજૂ કરવામાં આવ્યા. આરોપીઓના રિમાન્ડ મામલે ડીસીપી અભય સોનીએ નિવેદન આપતા જણાવ્યું કે, ગુનામાં વપરાયેલ હથિયાર કબજે કરવાનું બાકી હોવાથી દસ દિવસના રિમાન્ડ માગ્યા હતા. તમામ આરોપીઓના ત્રણ દિવસના રિમાન્ડ મંજૂર કરવામાં આવ્યા છે. આજ ગુનામાં વધુ બે આરોપીઓ ઝડપાયા છે તેમની પણ તપાસ ચાલી રહી છે.

ખ્યાતિ હોસ્પિટલનું વધુ એક કાંડ બહાર આવ્યું

ખ્યાતિ હોસ્પિટલે એક મહિના પહેલા એક ભાઈનું ઓપરેશન કર્યું હતું. ઓપરેશન બાદ 1 મહિનાથી હાલત ખરાબ હતી. રાજસ્થાનના રહેવાસી લલિત લબાનાને લઈને તેમના ભત્રીજા આવ્યા હતા ખ્યાતિ હોસ્પિટલમાં. ભત્રીજા આકાશએ જણાવ્યું કે, એક મહિના પહેલા અમે હોસ્પિટલ આવ્યા ત્યારે અમને ડરાવ્યા હતા. ત્રણેય નસ  બંધ છે પાંચ જ મિનીટમાં ઓપરેશન કરાવવું પડશે તેવું કહી અમને ડરાવ્યા હતા. અમે કંઈ વિચારીએ એના પહેલા અમને ઓપરેશન કરાવવા મજબૂર કર્યા હતા. ૩ લાખના પેકેજમાં મારા ફુવાનું ઓપરેશન કર્યુ. આજે પણ તેમની હાલત ખરાબ છે.

અમદાવાદમાં નવનિર્મિત શેલા તળાવનું લોકાર્પણ 

કેન્દ્રીય ગૃહ અને સહકાર મંત્રી અમિત શાહ તળાવને ખુલ્લું મૂકશે. ધારાસભ્ય કનુ પટેલ અને જિલ્લા ભાજપ હોદ્દેદારો હાજર રહ્યા. શેલા તળાવને પદ્મભૂષણ શ્રી રજનીકાંત શ્રોફ સરોવર અને ઉદ્યાન નામકરણ રાખવામાં આવ્યું.

મહેસાણામાં લુહાણી ગેંગના આતંકની ઘટના

મહેસાણાના કસ્બા વિસ્તારમાં લુહાણી ગેંગ દ્વારા બે દિવસની માથાકૂટને લઈને તિક્ષ્ણ હથિયારો સાથે હુમલો કરવામાં આવ્યો હતો. ઘાયલ થયેલા ત્રણ વાઇબ્રન્ટ હોસ્પિટલના ICUમાં સારવાર હેઠળ છે. હુમલાખોર બુટલેગર ખુલ્લેઆમ દારૂનો વેપાર કરે છે. પોલીસને હપ્તા આપતા હોવાનું પરિવારે આક્ષેપ કર્યા. ઘાયલોના પરિવારે આક્રોશ વ્યક્ત કર્યો. પોલીસ પ્રશાસને હજુ સુધી આરોપીઓની ધરપકડ કે કોઈ કાર્યવાહી કરેલ નથી. મહેસાણામાં શાંતિ ના ડહોળાય એ માટે ન્યાયિક પગલાં લેવા અપીલ. પોલીસ દ્વારા કોઈ કાર્યવાહી કરવામાં નહિ આવે તો પરિવાર ગૃહમંત્રી ને રજૂઆત કરશે.

અમદાવાદના ઇસનપુરમાં માર મારવાની ઘટના

અમદાવાદના ઇસનપુર પોલીસ સ્ટેશન વિસ્તારમાં જાહેરમાં લાકડી અને દંડા વડે માર મારવાનો મામલો સામે આવ્યો છે. ઇસનપુર પોલીસે 3 આરોપીઓની ધરપકડ કરી. 3 કારમાં આવેલા 8 શખ્સોએ 2 વ્યક્તિઓ પર હુમલો કર્યો હતો. રૂપિયાની લેતી દેતી મામલે આરોપી અને ફરિયાદી વચ્ચે ફોન પર માથાકૂટ થઈ હતી. માથાકૂટ બાબતે સમાધાન કરવા નારોલ ચાર રસ્તા પાસે આરોપી અને ફરિયાદી મળ્યા હતા. આ દરમ્યાન બોલાચાલી ઉગ્ર થતા 8 શખ્શોએ ફરિયાદી પર લાકડી વડે હુમલો કર્યો હતો.

નર્સિંગ કાઉન્સિલની ટીમ ખ્યાતિ હોસ્પિટલની મુલાકાતે

ખ્યાતિ હોસ્પિટલ ખાતે નર્સિંગ કાઉન્સિલની ટીમ પહોંચી છે. ખ્યાતિ હોસ્પિટલ બંધ થતાં ખ્યાતિ નર્સિંગ કોલેજ પર ખતરો જોવા મળી રહ્યો છે. નર્સિંગ કાઉન્સિલમાં નિર્ણય લેવાયો. જો સરકાર હોસ્પિટલનું લાયસન્સ સસ્પેન્ડ કરશે તો નર્સિંગ કોલેજ બંધ થશે.

ધારાસભ્ય મોહન કોંકણી સામે ધર્માંતરણનો આક્ષેપ

વ્યારા બેઠકના ભાજપના ધારાસભ્ય મોહન કોંકણીનું પૂતળાં દહન કરવામાં આવ્યું. દેવ બિરસા મુંડા સેના દ્વારા પૂતળાં દહન કરવામાં આવ્યું. ધારાસભ્ય મોહન કોંકણી દ્વારા ધર્માંતરણ કરાવાતું હોવાનો આક્ષેપ. આદિવાસીઓને ધર્માતરણ કરાતો હોવાનો આક્ષેપ. ગતરોજ વ્યારાના ચિખલવાવ ગામે યોજાયેલા ત્રણ દિવસીય ખ્રિસ્તી કાર્યક્રમમાં ધારાસભ્ય મોહન કોંકણીએ હાજરી આપી હતી. ત્યાં આપેલા ભાષણમાં ધારાસભ્ય કોંકણીએ ઉપસ્થિત લોકોને બીજા લોકોને પણ કાર્યક્રમમાં લાવવા અનુરોધ કર્યો હતો. દેવ બિરસા મુંડા સેનાના પ્રમુખ અરવિંદ વસાવા સહિત કાર્યકરોને પોલીસે ડીટેઈન કર્યા.

બગસરા જેતપુર હાઇવે પર દબાણો હટાવવા નોટિસ

અમરેલી જિલ્લાના બગસરા જેતપુર હાઇવે પર બિન અધિકૃત દબાણો હટાવવા નોટિસો આપવામાં આવી. બગસરા જેતપુર હાઇવે અને અટલજી પાર્ક પાસે બિન અધિકૃત હોટેલ રેસ્ટોરન્ટના દબાણો હટાવવા નોટિસ. સ્વૈચ્છીક દબાણો હટાવી લેવા પાલિકા તંત્ર દ્વારા નોટિસ અપાઈ. બિન અધિકૃત દબાણો નહિ હટાવાય તો બગસરા પાલિકા અને આર એન્ડ બી સંયુક્ત ડીમોલેશન કામગીરી કરાશે.

રાજ્યમાં DAP ખાતરની અછત અંગે કૃષિમંત્રીની કબૂલાત

કૃષિમંત્રીએ જણાવ્યું કે, DAP સહિતના ખાતરની અછત ઉભી થઇ છે. હાલમાં ખેડૂતો માટે ખેતીની સિઝન છે. કેન્દ્ર પાસેથી પુરતો જથ્થો ફાળવ્યો છે. કોઇ કારણોસર પુરતો જથ્થો પહોંચ્યો નથી. એકસાથે વાવેતરની સિઝનથી સમસ્યા ઉભી થઇ છે. એક સપ્તાહમાં ખાતરની સમસ્યા દૂર થઇ જશે.

દારુબંધી છે તો દારુના ગીતો ન ગાવા જોઇએ: અમાલ મલિક

રાજકોટ મહાનગર પાલિકાની સંગીત સંધ્યા દરમિયાન બોલીવુડ ગાયક અમાલ મલિકએ કહ્યું દારૂ બંધી છે તો દારૂ વાળા ગીતો ન ગાવા જોઈએ. મેં દારૂના ગીત ગાયા નથી,  હું પણ તમારી સાથે છું આવા ગીત જ્યા દારૂબંધી છે ત્યાં ન ગાવા જોઈએ. ગીતો મસ્તી વાળા ગાવા જોઈએ. આજે રાજકોટમાં લોકોના દિલ જીતીશું. કલાકારોને ધમકીઓ મળવા અંગે કહ્યું મને ધમકી નથી મળી. ધાર્મિક બાબતોને લઈને ધમકીઓ મળતી હોય છે. લોકોએ લોકોની લાગણી સમજી ધ્યાન રખવું જોઈએ.લમાન ખાન અંગે પણ કહ્યું કે વર્ષોથી બોલીવુડને ધમકીઓ મળે છે. અમે કલાકાર છીએ, હાલ આવું વાતાવરણ છે. લોકોએ સમજી વિચારીને બોલવું જોઈએ.

બે દિવસમાં આવેલ ભૂકંપના આંચકા બંને અલગ

બન્ને દિવસે આવેલ ભૂકંપના આંચકામાં કોઈ સામ્યતા નથી. પાટણ અને રાજસ્થાન અડીને આવેલ વિસ્તારમા એક ફોલ્ટ હોવાનાં કારણે આંચકા આવે છે. કચ્છમા પહેલેથી એક ફોલ્ટ એક્ટિવ છે. કચ્છમા આ વર્ષે 3 આંચકા 4ની તીવ્રતાનો ભૂકંપ નોધાયો હતો. ગયાં વર્ષે પણ 4 આચકા નોંધાયા હતાં. દક્ષિણ ગુજરાત અને સૌરાષ્ટમા સિઝનલ આંચકા આવે છે.

બપોરના 03 વાગ્યા સુધીના સૌથી મોટા સમાચાર

1. Delhi: ગેસ ચેમ્બરથી છુટકારો મેળવવા હવે કૃત્રિમ વરસાદ? ગોપાલ રાયનો કેન્દ્રને પત્ર 

2. Gandhinagar: દેશની આંતરિક સુરક્ષા મજબૂત બનાવવાની છે: અમિત શાહ 

3. કોણ છે શ્રીલંકાના નવા PM હરિની અમરસૂર્યા? ભારતમાં કર્યો અભ્યાસ, જાણો 

4. Ahmedabad: ખ્યાતિ હોસ્પિટલકાંડની તપાસ ક્રાઈમબ્રાન્ચને સોંપવામાં આવી, 3 PIની નિમણૂક 

5. Vadodara: હાય રે બાબર હાય હાયના સૂત્રોચ્ચાર સાથે પૂર્વ કોર્પોરેટરના પુત્રની અંતિમયાત્રા 

6. Agriculture News: ટામેટાં ઉગાડતી વખતે આ બાબતોનું રાખો ધ્યાન...ઉપજમાં નોંધપાત્ર થશે વધારો 

7. G20 PM Modi: યુદ્ધથી ‘3F’નું સંકટ, PM મોદીએ G20 સમિટમાં વિશ્વને ચેતવ્યા 

8. Jamnagar: જામનગરમાં બાળકીની સોનોગ્રાફીને લઈ તપાસના આદેશ, જાણો મામલો 

9. Gold-Silver Price: લગ્ન સિઝન પહેલા સોના-ચાંદીની ચમક વધી, જાણો તમારા શહેરનો ભાવ 

10. Rajkot: રાજકોટ નાગરિક સહકારી બેંકની ચૂંટણીના પરિણામ જાહેર, વાંચો કોણ-કોના પર ભારે 

ભાવનગરમાંથી 500ની નકલી નોટો ઝડપાઇ

ભાવનગર શહેરના નવાપરા વિસ્તારમાંથી 500ના દરની શંકાસ્પદ નોટનો જથ્થો ઝડપાયો છે. શહેરના રોયલ કોમ્પલેક્ષના પાછળની સાઈડમાં કચરાના ઢગલામાંથી 500ના દરની શંકાસ્પદ ચલણી નોટનો જથ્થો ઝડપાયો. રોયલ કોમ્પ્લેક્ષ પ્રિન્ટીંગ પ્રેસ માટેનું હબ ગણાઈ છે તે જ કોમ્પ્લેક્ષમાંથી 500ના દરની શંકાસ્પદ નોટનો જથ્થો ઝડપાતા SOGની ટીમ દોડી આવી. 500ના દરની નોટનો જથ્થો કબ્જે કરી નોટની ચકાસણી કરવામાં આવી. 500ના દરની શંકાસ્પદ નોટ પ્રિન્ટ કરેલી હોય તેવું લાગતા SOGની ટીમ દ્વારા તપાસ હાથ ધરવામાં આવી. SOGની ટીમએ શંકાસ્પદ નોટનો કબજો લઈ વધુ તપાસ હાથ ધરી.

ખ્યાતિ હોસ્પિટલકાંડની તપાસ ક્રાઈમબ્રાન્ચને સોંપવામાં આવી

ખ્યાતિ હોસ્પિટલ તપાસ સંદર્ભે JCP શરદ સિંઘલએ નિવેદન આપતા જણાવ્યું કે, તપાસ ક્રાઇમબ્રાંચને સોંપવામાં આવી છે. 3 અલગ અલગ PIની આ કેસમાં નિમણુક કરવામાં આવી છે. 

આરોપીઓને ઝડપવા માટે લુક આઉટ નોટિસ જાહેર કરવામાં આવી છે. FIRમાં 5 નામ છે પણ તમામ બાબતોને ધ્યાનમાં લઈ તપાસ કરાશે. ઘટનામાં જોડાયેલા તમામ લોકો સામે કાર્યવાહી કરાશે. એક આરોપી ઓસ્ટ્રેલિયા છે તેની માહિતી મળી છે, અન્ય આરોપીઓને ઝડપવા માટે તપાસ શરૂ કરાઈ છે. ક્રાઇમબ્રાંચની ટીમ આજે આરોગ્ય વિભાગ અને આ કેસના તપાસ અધિકારી સાથે મીટીંગ કરશે. કેસમાં અત્યાર સુધીમાં કરવામાં આવેલી તપાસ અંગે માહિતી મેળવાશે.

બગોદરા નજીક ડમ્પર અને કાર વચ્ચે અકસ્માત

બગોદરા નજીક મીઠાપુર પાટીયા નજીક ડમ્પર અને કાર વચ્ચે અકસ્માત થતા કાર પલટી. બીપીનભાઈ ગુણવંતભાઈ પંડ્યા ઈજાગ્રસ્ત થયા. જુનાગઢથી અમદાવાદ જતા બનાવ બન્યો. ડમ્પર અને કાર સામ સામે અથડાયા. બગોદરા 108 ઘટના સ્થળે પહોંચી. કારમાં ફસાયેલ કાર ચાલકને કાચ તોડી બહાર કાઢવામાં આવ્યો. કારચાલક પી.જી.માં રહેતા દીકરાને નાસ્તો આપવા જતા બન્યો બનાવ.

સોમનાથમાં કોળી સમાજનું આંદોલન યથાવત્

ગીર સોમનાથ ખાતે કોળી સમાજના આંદોલનનો મામલો સામે આવ્યો છે. કોળી સમાજે વિશાળ બાઇક રેલી યોજી હતી. સોમનાથના ધારાસભ્ય વિમલ ચુડાસમાએ હુંકાર કરતા કહ્યું કે, જો માગ નહીં સ્વીકારે તો ચિંતન શિબિરમાં ચિંતા ઉભી કરી દેશું. આગામી સમયમાં 2 લાખ કોળી સમાજના લોકો સોમનાથમાં આવી પહોંચશે. સોમનાથ ટ્રસ્ટ દ્વારા કોઈ હકારાત્મક વલણ ના અપનાવતું હોવાનો આરોપ.

સંદેશ ન્યૂઝના અહેવાલ બાદ પોલીસ હરકતમાં

સંદેશ ન્યૂઝના અહેવાલ બાદ ગૃહવિભાગ આકારાપાણીએ. પ્રશાંત વજીરાણીને VVIP ટ્રીટમેન્ટનો આપવાનો અહેવાલ પ્રકાશિત કરવામાં આવ્યો હતો. ગ્રામ્ય SP ઓમપ્રકાશ જાટને  તપાસ સોંપાઈ. ગ્રામ્ય એસપી ઓમ પ્રકાશ જાટ છેલ્લા 3 કલાકથી તપાસ કરી રહ્યા છે. વસ્ત્રાપુર પીઆઇની કેબીન, ભોજનાલય સંચાલક, સહિતના નિવેદનો લેવાયા. વીડિયો ફુટેજના આધારે pso, પીઆઈની પૂછપરછ કરવામાં આવી. રિમાન્ડ સમયે આરોપીએ શુ ખુલાસા કર્યા તે અંગે પણ પૂછપરછ કરાઈ. રિમાન્ડ સમયે જમવાની સહિતની વ્યવસ્થા કરાઈ તો પૂછપરછમાં શુ તપાસ કરે તે દિશામાં પીઆઇને અધિકારીએ ખખડાવ્યા. 

ગોંડલ માર્કેટિંગ યાર્ડમાં ડુંગળી, મગફળી બમ્પર આવક

સૌરાષ્ટ્રના અગ્રીમ ગણાતા ગોંડલ માર્કેટિંગ યાર્ડમાં ડુંગળી અને મગફળીની આવક વધી. યાર્ડની બહાર બન્ને બાજુ ડુંગળી અને મગફળી ભરેલ વાહનોની લાંબી કતાર લાગી. યાર્ડમાં ડુંગળીના 1.20 લાખ કટ્ટાની આવક થઈ. જ્યારે મગફળીની 80 હજાર ગુણીની આવક થઈ. હરાજીમાં ડુંગળીના 20 કિલોના ભાવ રૂ.200 થી રૂ.900 સુધીના બોલાયા હતા. જ્યારે મગફળીની હરાજીમાં 20 કિલોના રૂ.800 થી રૂ.1200 સુધીના ભાવ ખેડૂતોને મળ્યો હતો. જ્યાં સુધી યાર્ડના સત્તાધીશો દ્વારા ડુંગળી અને મગફળીની જણસીની આવકને અન્ય જાહેરાત ન કરવામાં આવે ત્યાં સુધી બન્ને જણસીની આવક બંધ કરવામાં આવી. સમગ્ર સૌરાષ્ટ્રમાંથી ખેડૂતો પોતાની જણસી વેચવા ગોંડલ માર્કેટીંગ યાર્ડમાં આવતા હોય છે.

વડોદરાના દિવાળીપુરામાં તસ્કરોનો આતંક

દિવાળીપુરા વિસ્તારમાં પેરિસ નગર સોસાયટીમાં તસ્કરોએ હાથફેરો કર્યો. પોલીસના નાઈટ પેટ્રોલિંગના ધજાગરા ઉડાડી તસ્કરોએ વૃદ્ધાનો અછોડો તોડી ફરાર થયા. વહેલી સવારે 5.30 થી 6 વાગ્યાના ગાળામાં પેરિસ નગર સોસાયટીમાં બનાવ બન્યો. પેરિસ નગર સોસાયટીમાં રહેતા સિનિયર સિટીઝન દંપત્તિને નિશાન બનાવ્યું. ત્રણ ઘર છોડીને આવેલા મંદિરે દર્શન કરવા ગયેલ દંપતીના ઘરમાં હાથફેરો કર્યો. વૃદ્ધ દાદા ચાલી શકે નહીં તેવી પરિસ્થિતિ હોય પત્ની પણ ટેકો આપી લઈ ગયા હતા મંદિર. 10 થી 15 મિનિટના ગાળામાં જ ત્રણથી ચાર લાખ મત્તાની ચોરી કરી ત્રણ તસ્કરો બાઈક પર ફરાર થયા. અકોટા પોલીસે સીનીયર સીટીઝનની ફરિયાદ લઈ તપાસ હાથ ધરી. 

જામ ખંભાળીયામાં પુજારીનો મૃતદેહ મળ્યો

દેવભૂમિ દ્વારકાના જામ ખંભાળીયામાંથી 56 વર્ષના યુવકનો મૃતદેહ મળી આવ્યો. સલાયાના રામ મંદિરના પુજારી અશોકભાઇ મહેતા ચારેક દિવસથી ગુમ હતા. આજરોજ ચાર રસ્તા નજીક તેલી પુલ નીચે કોહવાઇ ગયેલો મૃતદેહ મળી આવ્યો. પોલીસે મૃતદેહનો કબ્જો મેળવી મૃતદેહને પીએમ અર્થે હોસ્પિટલ ખસેડાયો.

વડોદરામાં તપન હત્યા કેસમાં વધુ 2ની ધરપકડ

ભાજપના પૂર્વ નગરસેવકના પુત્ર તપનની હત્યા મુદ્દે વધુ બે આરોપીઓની એસ.ઓ.જી દ્વારા ધરપકડ કરવામાં આવી છે. મહેબૂબ પઠાણ અને સલમાન ઉર્ફે સોનુની ધરપકડ કરવામાં આવી. આજવા ચોકડીથી બંનેને ઝડપી પાડવામાં આવ્યા. મહેબૂબ પઠાણ સામે જુગારના 15 થી વધુ ગુના દાખલ થયા છે. કુલ ધરપકડનો આંકડો 8 પર પહોંચ્યો. હજુ પણ 1 આરોપી વોન્ટેડ.

દાહોદમાં તાલુકા પંચાયતમાં લાંબી લાઇનો

દાહોદમાં તાલુકા પંચાયત ખાતે રાત્રિ દરમિયાનથી લાઈન લાગી હતી. આધાર કાર્ડ, રાશન કાર્ડ સહિત કામગીરી અને KYC માટે લોકોએ ગઈકાલ રાતથી જ લાઈન લગાવી હતી. લોકોએ પગરખાં મૂકીને લાઈન બનાવી. રાત્રીના 11 વાગ્યા બાદથી ગ્રામ્ય વિસ્તારના લોકો તાલુકા પંચાયત બહાર સૂતા નજરે પડ્યા. કડકડતી ઠંડીમાં લોકો તાલુકા પંચાયત બહાર સૂતા, સામાજિક કાર્યકર સીરીષ બામણીયા રાત્રિ દરમિયાન તાલુકા પંચાયત ખાતે પહોંચી લોકો સાથે વાતચીત કરી. લોકોને સારી સુવિધાઓ આપવામાં આવે તેવી માગ કરાઈ.

અમરેલીમાં બિસ્માર રોડને લઇ કોંગ્રેસનો વિરોધ

અમરેલીના વડીયા કોંગ્રેસ પરિવાર દ્વારા અનોખો વિરોધ કરવામાં આવ્યો. વડીયાથી બાટવા દેવલીનો બિસ્માર રોડને લઈ કોંગ્રેસી કાર્યકર્તાઓએ વિરોધ કર્યો. હાથમાં ભાજપ વિરોધી બેનરો લઈ સુત્રોચાર કરી દેખાવો કર્યા. શ્રીરામ જય રામ જય જય રામની ધૂન બોલાવી ભાજપ સરકાર સુધી અવાજ પહોંચાડવા કાર્યક્રમ કર્યો. છેલ્લા અઢી વર્ષથી વડીયા બાટવા દેવળી રોડ બિસ્માર હાલતે હોવાથી કોંગ્રેસ કાર્યકર્તાઓએ દેખાવો કર્યા.

કેન્દ્રીય ગૃહમંત્રી અમિત શાહ ગાંધીનગરમાં

રક્ષાશક્તિ યુનિવર્સિટીના કાર્યક્રમમાં હાજર રહ્યા. અખિલ ભારતીય પોલીસ વિજ્ઞાન અધિવેશન કાર્યક્રમમાં તેમની સાથે CM ભૂપેન્દ્ર પટેલ પણ હાજર રહ્યા.

ધારપુર રેગિંગકાંડના આરોપીઓને કોર્ટમાં રજૂ કરાશે

પાટણ ઘારપુર હોસ્પિટલમા રેગિંગ બાદ મોતનો મામલો સામે આવ્યો છે. ધારપુર મેડિકલ હોસ્પિટલમા MBBSના પ્રથમ વર્ષમાં અભ્યાસ કરતા અનિલનું મોત નીપજ્યું હતું. ગત મોડી રાત્રે પોલીસે રેગિંગ કરનાર mbbsના બીજા વર્ષના સિનિયર વિદ્યાર્થીઓની પોલીસે અટકાયત કરી હતી. અટકાયત કરેલ 15 વિદ્યાર્થીઓના મેડિકલ ચેકઅપ બાદ આજે સાંજે કોર્ટમા રજૂ કરાશે. 

કોર્ટમા રજૂ કર્યા બાદ 15 આરોપી વિદ્યાર્થીઓના રિમાન્ડ માગશે. રેગિંગ કરનાર 15 વિદ્યાર્થીઓનો એન્ટી રેગિંગ કમિટીના રિપોર્ટમા દોષિત કરાયા હતા. હાલ તમામ 15 વિદ્યાર્થીઓ બાલીસણા પોલીસ મથકે છે. 

વાઘોડિયાના આસોજમાં મહિલાનો મૃતદેહ મળ્યો

વાઘોડિયાના જરોદ પોલીસ સ્ટેશનના હદ વિસ્તારમાંથી ભાડાના બંધ મકાનમાં મહિલાનો મૃતદેહ પોલીસને મળી આવ્યો. આસોજ ગામે મકાન ભાડે રાખીને મહિલા પુરુષ રહેતા હતા. મકાનમાં અસહ્ય દુર્ગંધ આવતા મકાન ખોલી તપાસ કરતા મકાનમાંથી મહિલાનો મૃતદેહ મળી આવ્યો. સાથી પુરુષ ગુમ, જરોદ પોલીસએ તપાસ હાથ ધરી. હત્યા કે આત્મહત્યા પોલીસ તપાસમાં બહાર આવશે.

ખ્યાતિકાંડ બાદ સરકારનો નિર્ણય, 7 હોસ્પિટલ બ્લેકલિસ્ટ, 4 સ્પેશિયાલિસ્ટ ડોક્ટર સસ્પેન્ડ

અમદાવાદની ખ્યાતિ હોસ્પિટલ કાંડ બાદ રાજ્ય સરકાર એક્શનમાં આવી છે. જેમાં રાજ્યની સાત હોસ્પિટલને બ્લેકલિસ્ટ કરી દેવાઈ છે. તો સાથે જ ચાર સ્પેશ્યાલિસ્ટ ડોક્ટરને પણ સસ્પેન્ડ કરી દેવામાં આવ્યા છે. પીએમજેવાય યોજનામાંથી ખ્યાતિ સહિત સાત હોસ્પિટલોને સસ્પેન્ડ કરી દેવામાં આવી છે. જેમાં અમદાવાદની 3, સુરત-વડોદરા-રાજકોટની 1-1 તથા ગીર સોમનાથની એક હોસ્પિટલનો સમાવેશ થાય છે. સાત હોસ્પિટલની સાથે-સાથે ચાર સ્પેશિયાલિસ્ટ ડોક્ટરોને પણ સસ્પેન્ડ કરવામાં આવ્યા છે. જેમાં ડો. પ્રશાંત વઝીરાણી, ડો.હિરેન મશરૂ, ડો.કેતન કાલરીયા અને ડો.મિહિર શાહ છે.

Vadodara: હાય રે બાબર હાય હાયના સૂત્રોચ્ચાર સાથે પૂર્વ કોર્પોરેટરના પુત્રની અંતિમયાત્રા

વડોદરા શહેરના ભાજપના પૂર્વ કોર્પોરેટર રમેશ પરમારના પુત્રની સયાજી હોસ્પિટલમાં હત્યાના બનાવ બાદ પોલીસે ગણતરીના કલાકોમાં જ બાબર પઠાણ સહિતના પાંચ આરોપીને દબોચી લઈ કાયદાનું ભાન કરાવ્યું હતું. તપન પરમાર નામના નિર્દોષ યુવકની હત્યા નીપજાવી દેવાતાં આજે સવારે પૂર્વ કોર્પોરેટરના ઘરેથી તપન પરમારની અંતિમયાત્રા નીકળી હતી. જેમાં હજારોની સંખ્યામાં લોકો જોડાયા હતા.

જામખંભાળિયામાં DAP ખાતરને લઈ ખેડૂતોમાં રોષ

જામખંભાળિયામાં DAP ખાતરને લઈ ખેડૂતોમાં રોષ વ્યાપ્યો છે. શિયાળુ પાક સમયે જ DAP ખાતરની અછતથી ખેડૂતો હાલાકી ભોગવવાનો વારો આવ્યો છે. DAP ખાતર લેવા ખેડૂતોની લાંબી કતારો લાગી છે. 

બપોરના 12 વાગ્યા સુધીના સૌથી મોટા સમાચાર

01. Khyati Hospital Case: ખ્યાતિકાંડ બાદ તપાસનો ધમધમાટ, PMJAY યોજનામાંથી 7 હોસ્પિટલો સસ્પેન્ડ

02. Rajkot: રાજકોટ નાગરિક સહકારી બેંકની ચૂંટણીના પરિણામ જાહેર, વાંચો કોણ-કોના પર ભારે

03. Surendranagar: લો બોલો! પાટડીમાં વડોદરા ACB PIના ભાઈનું જુગારધામ ઝડપાયું

04. Surat: સુરતમાં ભયાનક રોગચાળાથી મૃત્યુઆંક વધ્યો, તાવ, શરદી-ખાંસી, વાયરલ ઈન્ફેક્શનના કેસોમાં વધારો

05. Assembly Election: મહારાષ્ટ્ર અને ઝારખંડમાં પ્રચાર પડઘમ શાંત, 20 નવેમ્બરે થશે મતદાન

06. Air Pollution Delhi-NCR: દિલ્હી-NCRમાં પ્રદૂષણની સ્થિતિ વણસી, ઘણા વિસ્તારોમાં AQI 500ને પાર

07. Delhiમાં ગાઢ ધુમ્મસ, UPમાં કડકડતી ઠંડી, IMDએ હવામાનને લઇ કરી આગાહી

08. Rio de jenero: નવી દિલ્હીના જનકેન્દ્રિત નિર્ણયોને બ્રાઝિલે આગળ વધાર્યા:મોદી

09. Gold-Silver Price: લગ્ન સિઝન પહેલા સોના-ચાંદીની ચમક વધી, જાણો તમારા શહેરનો ભાવ

10. ઓસ્ટ્રેલિયા સામે ODI સિરીઝ માટે ટીમ ઈન્ડિયાની જાહેરાત, જાણો કોને મળ્યું સ્થાન

ગેરકાયદે ખનન કેસમાં EDએ 2 આરોપીઓની ધરપકડ કરી

એન્ફોર્સમેન્ટ ડિરેક્ટોરેટ (ED) એ ગેરકાયદેસર ખાણકામના કેસમાં 2 આરોપીઓની ધરપકડ કરી છે. આ આરોપીઓની હિમાચલ પ્રદેશમાંથી ધરપકડ કરવામાં આવી છે. સૂત્રોના હવાલાથી આ માહિતી બહાર આવી છે. યુપી પોલીસની એફઆઈઆરના આધારે ઈડીએ માઈનિંગને લઈને નવો કેસ નોંધ્યો હતો.

રાજ્યમાં વધતી ગુનાખોરીથી રાજ્ય સરકાર નારાજ

રાજ્યમાં વધતી ગુનાખોરીથી રાજ્ય સરકાર નારાજ છે. વધતી ગુનાખોરી અટકાવવા ગૃહ વિભાગ સક્રિય થયુ. આવનારા દિવસોમાં અન્ય અધિકારીઓ પર પણ પગલાં લેવાઇ શકે છે. લો એન્ડ ઓર્ડરની સ્થિતિ સુધારવા આકરા પગલાં લેવાશે. હવે પોલીસ અધિકારીઓની બેદરકારી સાંખી લેવામાં નહીં આવે. ગઈકાલે રાજ્યમાં 3 PI સસ્પેન્ડ થઈ ચૂક્યા છે. એલિસબ્રિજ અને કાગડાપીઠના PIને સસ્પેન્ડ કરાયા.

વલસાડના કોસંબામાં દુકાનમાં આગથી દોડધામ

વલસાડના કોસંબામાં મોબાઈલની દુકાનમાં આગથી દોડધામ મચી, આગમાં સમગ્ર દુકાન બળીને ખાખ થયો છે. ફાયર વિભાગની ટીમે આગ પર કાબૂ  મેળવ્યો છે.

વલસાડમાં 2.5ની તીવ્રતાનો ભૂકંપનો આંચકો, સ્થાનિકોમાં ભય

વલસાડમાં ભૂકંપનો આંચકો અનુભવાયો હતો. 2.5ની તીવ્રતાનો ભૂકંપ આંચકો 11.03 કલાકે નોંધાયો હતો. ભૂકંપના આંચકાથી લોકોમાં ભયનો માહોલ સર્જાયો હતો.

CJIની બેન્ચે દિલ્હીના પ્રદૂષણ પર વરિષ્ઠ વકીલ સાથે ચર્ચા કરી

દિલ્હી વાયુ પ્રદૂષણ કેસમાં CJI સંજીવ ખન્નાની આગેવાની હેઠળની બેન્ચે વરિષ્ઠ વકીલ સાથે ચર્ચા કરી. વરિષ્ઠ વકીલ કપિલ સિબ્બલે કહ્યું કે પ્રદૂષણ નિયંત્રણની બહાર થઈ રહ્યું છે. CJIએ કહ્યું કે અમે અહીંના તમામ ન્યાયાધીશોને જ્યાં પણ શક્ય હોય ત્યાં વર્ચ્યુઅલને મંજૂરી આપવા કહ્યું છે. સિબ્બલે કહ્યું કે આ સંદેશ અન્ય કોર્ટ સુધી પહોંચાડવાની જરૂર છે.

ખ્યાતિકાંડ બાદ હોસ્પિટલો પર તવાઈ, PMJAY યોજનામાંથી 7 હોસ્પિટલો સસ્પેન્ડ

• અમદાવાદની 3, સુરત - વડોદરાની 1 - 1 હોસ્પિટલ સસ્પેન્ડ
• રાજકોટની 1, ગીરસોમનાથની 1 હોસ્પિટલ સસ્પેન્ડ
• સ્પેશિયાલિસ્ટ ડોક્ટરોને પણ કરાયા સસ્પેન્ડ
• ડો. પ્રશાંત વજીરાણી સ્પેશિયાલિસ્ટ ડોક્ટરમાંથી સસ્પેન્ડ
• 4 ડોક્ટરોને સ્પેશિયાલિસ્ટ તરીકે કરાયા સસ્પેન્ડ
• શ્રી જીવનજ્યોત આરોગ્ય સેવાસંઘ, ગીરસોમનાથ સસ્પેન્ડ
• નારીત્વ - ટ્રનિંગ પોઈન્ટ હેલ્થ કેર હોસ્પિટલ સસ્પેન્ડ
• શિવ હોસ્પિટલ, અમદાવાદ સસ્પેન્ડ
• નીહિત બેબીકેર ચિલ્ડ઼્રન હોસ્પિટલ, રાજકોટ સસ્પેન્ડ
• ખ્યાતિ મલ્ટિસ્પેશ્યાલિટી હોસ્પિટલ, અમદાવાદ સસ્પેન્ડ
• સનસાઈન ગ્લોબલ હોસ્પિટલ, સુરત સસ્પેન્ડ
• સનસાઈન ગ્લોબલ હોસ્પિટલ, વડોદરા સસ્પેન્ડ

ગાંધીનગર: ચાલકને ઊંઘનું ઝોંકું આવતા ટ્રક પલટી

ગાંધીનગર: ચાલકને ઊંઘનું ઝોંકું આવતા ટ્રક પલટી ગઇ. કલોલની સંત અન્ના શાળા પાસે બ્રિજ પર આ ઘટના બની છે. વહેલી સવારે બ્રિજ ચઢતા દરમિયાન ટ્રક પલટી ગઇ. હાલ કલોલને જોડતો સર્વિસ રોડ બંધ થયો છે. ટ્રક હટાવ્યા બાદ ફરીથી રોડ ચાલુ થશે.

વડોદરા ACBના PIનો ભાઇ જુગાર ચલાવતો હોવાનો ખુલાસો

સુરેન્દ્રનગર: પાટડીમાં SMCના દરોડાનો મામલે વડોદરા ACBના PIનો ભાઇ જુગાર ચલાવતો હોવાનું ખુલ્યું છે. રોકડ 4.58 લાખ સાથે 6 લાખથી વધુનો મુદ્દામાલ કબજે કરવામાં આવ્યો છે. SMCએ પાટડી વિસ્તારમાં જુગાર પર દરોડા પાડ્યા હતા.

સુરત: કીમ ઓવરબ્રિજ પાસે ખાનગી બસ ડીવાઈડર પર ચડી ગઈ

સુરત: કીમ ઓવરબ્રિજ પાસે ખાનગી બસ ડીવાઈડર પર ચડી ગઈ. ખાનગી બસચાલકે સ્ટેરીંગ પરનો કાબૂ ગુમાવતા બસનો અકસ્માત થયો. બસમાં સવાર મુસાફરોના જીવ તાળવે ચોંટી ગયા. લક્ઝરી બસ સુરતથી સૌરાષ્ટ્ર જઈ રહી હોવાનું જાણવા મળ્યું.

રાજકોટ નાગરિક સહકારી બેંકમાં સહકાર પેનલનો વિજય

• સહકાર પેનલના તમામ ઉમેદવારોનો વિજય
• નાગરિક બેંકની ચૂંટણીમાં મામાની જીત, ભાણેજની હાર
• જ્યોતિન્દ્ર મહેતાની સહકાર પેનલનો વિજય
• કલ્પક મણિયારની સંસ્કાર પેનલની હાર

ઊંઝામાં ડિસેમ્બરમાં યોજાશે ગાયત્રી મહાયજ્ઞ

ઊંઝામાં 14થી 17 ડિસેમ્બરે 108 કુંડી રાષ્ટ્ર જાગરણ અભિયાન ગાયત્રી મહાયજ્ઞ યોજાશે. મહાયજ્ઞના સ્થળ પર વૈદિક મંત્રોચ્ચાર સાથે ભૂમિપૂજન કરાયું છે. આ અવસર પર ભૂમિપૂજન-ધર્મ ધજા આરોહણનો કાર્યક્રમ યોજાયો છે. મોટી સંખ્યામાં ગાયત્રી પરિવારના લોકો હાજર રહ્યા.

રાજકોટ નાગરિક સહકારી બેંકની ચૂંટણીની મત ગણતરી

• સહકાર પેનલના કીર્તિદાબેન જાદવની જીત
• સહકાર પેનલના જ્યોતિબેન ભટ્ટની જીત
• કીર્તિદાબેન જાદવને 286 મત મળ્યા
• જ્યોતિબેન ભટ્ટને 290 મત મળ્યા

 પાટડીમાં વડોદરા ACB PIના ભાઈનું જુગારધામ ઝડપાયું

રાજ્યમાં ગુનાખોરીનો ગ્રાફ ઘટવાને બદલે ધીમે ધીમે વધી રહ્યો છે, ત્યારે આવી જ એક ગેરકાયદેસર પ્રવૃતિ સુરેન્દ્રનગરના પાટડીમાંથી ઝડપાઈ છે. મળતા અહેવાલ પ્રમાણે સુરેન્દ્રનગર જિલ્લાના પાટડીમાં ગેરકાયદેસર રીતે ધમધમતા જુગારધામ પર ગાંધીનગર સ્ટેટ મોનિટરીંગ સેલના દરોડા પડ્યા હતા. આ દરોડામાં 25 પુરૂષો અને 5 મહિલાઓ જુગાર રમતા રંગે હાથ ઝડપાયા છે.ગાંધીનગર સ્ટેટ મોનિટરિંગ સેલને બાતમી મળી હતી કે એક ઘરમાં મોટા પાયે જુગારધામ ચાલી રહ્યું છે. બાતમીના આધારે SMCની ટીમે દરોડા પાડ્યા હતા. . ACBના PIના ભાઇ કિરણ ઠાકોરના ઘરે જુગારનો અડ્ડો ધમધમતો હોવાનું સામે આવ્યુ છે. રાત્રે 12 વાગ્યાના અરસામાં આ જુગારધામ પર દરોડા પાડવામાં આવ્યા હતા. પાટડીના વેલનાથનગરમાં જુગારનો અડ્ડો ચાલતો હતો. પોલીસે જ્યારે દરોડા પાડ્યા ત્યારે મહિલાઓએ દરવાજા બંધ કરી દીધા હતા. પોલીસે કાર, મોબાઈલ, બાઈક, રોકડ સહિત અંદાજીત 50 લાખથી વધુનો મુદ્દામાલ જપ્ત કર્યો હતો.

રાજકોટ નાગરિક બેંકની ચૂંટણીનું આજે પરિણામ

રાજકોટ નાગરિક બેંકની હાઈપ્રોફાઈલ ચૂંટણીનું આજે સવારે 10:30 કલાક સુધીમાં ચિત્ર સ્પષ્ટ થઈ જશે. વિચારધારાની જીતનો જશ્ન કોણ મનાવશે તે પણ નક્કી થઈ જશે. ભાજપ, સંઘ અને બેંક સાથે સંકળાયેલા સૂત્રોમાંથી મળતી માહિતી મુજબ 78 ટકાથી વધુ મત મામા જૂથની સહકાર પેનલને મળ્યા હોવાની વિગતો મળી રહી છે. રાજકોટ નાગરિક સહકારી બેંકની ચૂંટણીમાં મતગણતરી શરૂ થઇ ગયું છે. ચુસ્ત પોલીસ બંદોબસ્ત વચ્ચે વચ્ચે મત ગણતરી શરૂ કરવામાં આવી છે. કુલ સરેરાશ 96.39% મતદાન થયું છે. રાજકોટ મતદાન કેન્દ્ર પર 96.43% મતદાન થયું છે. 332માથી 320 ડેલીગેટ્સએ મતદાન કર્યું છે.

2 દિવસ બાદ ઠંડીનો ચમકારો શરૂ થવાની આગાહી

રાજ્યની ઠંડીને લઇ હવામાન વિભાગે આગાહી કરી છે કે 2 દિવસ બાદ ઠંડીનો ચમકારો શરૂ થશે. મોટાભાગના શહેરોમાં તાપમાન સામાન્ય કરતા 2 ડિગ્રી વધુ છે. આ વખતે રાજ્યમાં ઠંડી પડવામાં થયો વિલંબ. ઠંડી મોડી શરૂ થતા ખેડૂતોને શિયાળુ પાકમાં મુશ્કેલી પડી રહી છે. કચ્છના નલિયામાં સૌથી ઓછું 15.8 ડિગ્રી તાપમાન નોંધાયું છે. એક દિવસમાં તાપમાનનો પારો એક ડિગ્રી ગગડ્યો. ડીસામાં પણ બીજા ક્રમે સૌથી ઓછું 16 ડિગ્રી તાપમાન નોંધાયુ છે. અમદાવાદમાં લઘુત્તમ તાપમાન 18.1 ડિગ્રી નોંધાયું. અમદાવાદમાં મહત્તમ તાપમાન 32.7 ડિગ્રી નોંધાયું.

MICAના વિદ્યાર્થીની હત્યા બાદ મૃતકનાં વતન મેરઠમાં આક્રોશ

અમદાવાદનાં બોપલમાં MICAના વિદ્યાર્થી પ્રિયાંશું જૈનની હત્યા બાદ મૃતકનાં વતન મેરઠમાં આક્રોશ છે. હત્યાનો આરોપી કોન્સ્ટેબલ ઝડપાઇ ગયો છે. હાલ ઉત્તરપ્રદેશનાં મેરઠની કલેક્ટર ઓફિસમાં જૈન સમાજનાં લોકો ધરણાં પર બેઠા છે. તેમની માગ છે કે આ મામલે CBI તપાસ થાય. સમગ્ર કેસની સુનાવણી ફાસ્ટટ્રેક કોર્ટમાં થવી જોઇએ.

જૂનાગઢ: અંબાજી મંદિરના મહંત  પૂ. તનસુખ ગીરી બાપુનું નિધન

જુનાગઢ ગિરનારના અંબાજી મંદિરના.મહંત પૂ. તનસુખ ગીરી બાપુનું નિધન થયું છે. લાંબી બીમારી બાદ નસુખ ગીરી બાપુ લીધા અંતિમ શ્વાસ...રાજકોટની ગોકુળ હોસ્પિટલમાં સારવારમાં હતા. વહેલી સવારે  પૂ. તનસુખ ગીરી બાપુએ અંતિમ શ્વાસ લીધા. ગિરનાર સાધુસંતો મં શોકની લાગણી વ્યાપી.

કેન્દ્રીય ગૃહમંત્રી અમિત શાહ ગુજરાતની મુલાકાતે

• આજે ગાંધીનગર દાંડીકુટીરના કાર્યક્રમમાં રહેશે હાજર
• પોસ્ટ વિભાગના ટિકિટ પ્રદર્શનીમાં આપશે હાજરી
• રક્ષાશક્તિ યુનિવર્સિટીના કાર્યક્રમમાં રહેશે હાજર
• હિંમતનગરમાં સાબર ડેરીના કાર્યક્રમમાં હાજરી આપશે
• શેલા તળાવના બ્યુટિફિકેશનના ખાતમુહૂર્તમાં રહેશે હાજર

મલ્લિકાર્જુન ખડગે અને રાહુલ ગાંધીએ ઈન્દિરા ગાંધીને શ્રદ્ધાંજલિ અર્પણ કરી

દિલ્હીમાં, કોંગ્રેસ અધ્યક્ષ મલ્લિકાર્જુન ખડગે અને લોકસભામાં વિપક્ષના નેતા રાહુલ ગાંધીએ ભૂતપૂર્વ વડા પ્રધાન ઈન્દિરા ગાંધીને તેમની જન્મજયંતિ પર શક્તિ સ્થાને શ્રદ્ધાંજલિ આપી હતી.

રાજકોટ મહાનગરપાલિકાનો આજે 51મો સ્થાપના દિવસ

 રાજકોટ મહાનગરપાલિકાનો આજે 51મો સ્થાપના દિવસ નિમિતે રાત્રીના સંગીત સંધ્યાનું પણ મહાનગરપાલિકા દ્વારા આયોજન કરવામાં આવ્યું છે. મનપાનું જનરલ બોર્ડ સવારે 11 વાગ્યે મળશે. રોગચાળા સહિતના મુદ્દે બોર્ડ તોફાની બનવાના એંધાણ વર્તાઇ રહ્યા છે.

સુરતમાં ભયાનક રોગચાળો, તાવ, શરદી-ખાંસી, વાયરલ ઈન્ફેક્શનના કેસોમાં વધારો

સ્વચ્છતાનું બિરુદ મેળવનારા સુરતમાં ભયાનક રોગચાળો ફાટી નીકળ્યો છે. હવે સ્થિતિ એવી છે કે, સુરતમાં રોગચાળાની સાથે મૃત્યુઆંક પણ વધી રહ્યો છે. સુરત શહેરમાં ઝાડા-ઉલટી, તાવ, શરદી-ખાંસી, ઈન્ફેક્શનના કેસોમાં વધારો થયો છે. મળતી માહિતી મુજબ, સુરતમાં રોગચાળાથી મોતના આંકડામાં વધારો થયો છે. અમરોલીની 1 વર્ષય બાળકી સહીત 2 લોકોના મોત નિપજ્યા છે. અલથાણમાં ઝાડા-ઉલ્ટી બાદ 30 વર્ષય યુવકનું મોત નીપજ્યું છે. અમરોલી વિસ્તારની 1 વર્ષય બાળકીને તાવની ટૂંકી સવાર બાદ મૃત્યુ થયું હોવાના માહિતી મળી રહી છે. સુરત શહેરમાં તાવ, શરદી, ખાંસી અને વાયરલ ફીવરના કેસોમાં સતત વધારો થઇ રહ્યો છે. ખાનગી અને સરકારી હોસ્પિટલો દર્દીથી ઉભરાઈ રહી છે.

વડાપ્રધાન મોદી અને ફ્રાન્સના રાષ્ટ્રપતિ ઈમેન્યુઅલ મેક્રોંએ દ્વિપક્ષીય બેઠક યોજી 

બ્રાઝિલના રિયો ડી જાનેરોમાં 19મી જી-20 સમિટ દરમિયાન વડાપ્રધાન નરેન્દ્ર મોદી અને ફ્રાંસના રાષ્ટ્રપતિ ઈમેન્યુઅલ મેક્રોંએ દ્વિપક્ષીય બેઠક યોજી હતી.

દિલ્હી-એનસીઆરમાં પ્રદૂષણનો વિનાશ, ગાઝિયાબાદમાં AQI 472ને પાર

આજે દિલ્હીનો હવા ગુણવત્તા સૂચકાંક 494 નોંધાયો છે, જે અત્યંત ગંભીર શ્રેણીમાં આવે છે. AQI ગઈકાલ કરતાં વધુ વધ્યો છે. ઘણા વિસ્તારોમાં AQI 500 પણ નોંધવામાં આવ્યો હતો. ગુરુગ્રામનો AQI 440, ગાઝિયાબાદનો 472 અને નોઈડાનો 434 છે.

રાજ્યમાં ઠંડીમાં વધારો થવાની આગાહી

• આગામી 4 દિવસમાં પારો ગગડીને 15 ડિગ્રી થઈ શકે
• 9 શહેરમાં લઘુતમ તાપમાન 20 ડિગ્રીથી નીચું નોંધાયું
• નલિયામાં સૌથી ઓછું 15.8 ડિગ્રી તાપમાન નોંધાયું
• અમદાવાદમાં 18.9 ડિગ્રી તાપમાન નોંધાયું
• ગાંધીનગરમાં 16, વડોદરામાં 17 ડિગ્રી તાપમાન
• રાજકોટમાં 17, ડીસામાં 18.4 ડિગ્રી તાપમાન
• પોરબંદરમાં 18.8, અમરેલીમાં 19.6 ડિગ્રી તાપમાન
• ભુજમાં 19.7, ભાવનગરમાં 20.2 ડિગ્રી તાપમાન