Sharad Purnima 2024 : ખુબજ શુભ ધ્રુવ યોગમાં શરદ પૂર્ણિમાની ઉજવણી

જ્યોતિષીય પંચાગ મુજબ, શરદ પૂર્ણિમાનો તહેવાર દર વર્ષે અશ્વિન મહિનાના શુક્લ પક્ષની પૂર્ણિમાની તિથિએ ઉજવવામાં આવે છે. તેને રાસ પૂર્ણિમા, કોજાગરી પૂર્ણિમા, કૌમુદી વ્રત જેવા નામોથી પણ ઓળખવામાં આવે છે. જ્યોતિષ શાસ્ત્ર અનુસાર આ દિવસે ચંદ્ર 16 કલાએ ખીલે છે. શરદ પૂર્ણિમાની રાત્રે ચંદ્ર પૃથ્વીની સૌથી નજીક હોય છે. તેમજ આ દિવસે ચંદ્રના કિરણો અમૃત વરસાવે છે. આ વર્ષે શરદ પૂર્ણિમા 16 ઓક્ટોબરે ઉજવવામાં આવી રહી છે. ચાલો જાણીએ શુભ સમય, પૂજા પદ્ધતિ...

શરદ પૂર્ણિમા 2024 શુભ સમય અને ચંદ્રોદય સમય

વૈદિક કેલેન્ડર અનુસાર, આ દિવસે ચંદ્રોદય સાંજે 05:06 વાગ્યે થશે

બ્રહ્મ મુહૂર્ત: 04:42થી 05:33 સુધી

વિજય મુહૂર્ત: બપોરે 02:01થી 02:48 સુધી

સંધ્યાકાળનો સમય: સાંજે 05:51થી 06:16 સુધી

નિશિથ મુહૂર્ત: 17 ઓક્ટોબરે, બપોરે 11:42 થી 12:33 સુધી

આ શુભ યોગ બની રહ્યો છે

પંચાંગ અનુસાર શરદ પૂર્ણિમાએ ધ્રુવ યોગ સાથે ઉત્તરાભાદ્રપદ અને રેવતી નક્ષત્રનો સંયોગ છે. આ યોગોને જ્યોતિષમાં વિશેષ માનવામાં આવે છે.

શરદ પૂર્ણિમા પૂજા વિધિ

શરદ પૂર્ણિમાના દિવસે સવારે વહેલા ઊઠીને સ્નાન કરો અને પછી સ્વચ્છ વસ્ત્રો પહેરો. આ પછી, પૂજા સ્થાન પર બાજોઠ ઢાળી તેના પર પીળા અથવા લાલ કપડાને પાથરો. આ પછી, લક્ષ્મી અને ભગવાન વિષ્ણુની તસવીર અથવા મૂર્તિ સ્થાપિત કરો. ઘીનો દીવો અને અગરબત્તી પ્રગટાવો અને પછી તેને સુગંધ, અક્ષત, ફૂલ, ધૂપ, દીવો, નૈવેદ્ય, તાંબુલ, સોપારી અને દક્ષિણા વગેરે અર્પિત કરો. આ પછી હાથમાં ગંગા જળ લઈને પૂજા અને ઉપવાસ કરવાનો સંકલ્પ લો. તેમજ રાત્રે ખીરને નાના વાસણમાં રાખો અને ચાંદનીમાં ચાળણીથી ઢાંકી દો. આ પછી બીજા દિવસે સવારે સ્નાન કરી દેવી લક્ષ્મીને ખીર ચઢાવો અને પછી પરિવારના તમામ સભ્યોમાં ખીર વહેંચો. એવું માનવામાં આવે છે કે આ કરવાથી જીવનમાં સુખ, સમૃદ્ધિ અને સ્વાસ્થ્ય આવશે.