સુરતમાં નકલી ડોક્ટરનો રાફડો ફાડ્યો છે. અવાર-નવાર નકલી પોલીસ, નકલી તબીબ ઝડપાવાના કિસ્સાઓ પ્રકાસમાં આવે છે. તેવામાં હવે સુરતમાં લસકાણાના ડાયમંડનગરમાં વધુ એક નકલી તબીબ ઝડપાયો છે.
ગુજરાતમાં નકલીનો ખેલ પૂરો થવાનું નામ લેતું નથી. નકલી જજ, નકલી વકીલ , નકલી DySP, નકલી ડોક્ટર, નકલી PMO, નકલી ઘી, નકલી શાકભાજી બધું જ નકલી તો અસલી શું? વિશ્વાસ કરવો તો કરવો કોના પર? તાજેતરમાં સુરતમાં LCBએ લસકાણાના ડાયમંડનગરમાં દરોડા પાડીને નકલી ડોક્ટર આર.કે.ડોંગાને ઝડપ્યો છે. 12 પાસ નકલી ડોક્ટર આર.કે.ડોંગા કમ્પાઉન્ડર તરીકે નોકરી કરીને ડોક્ટર બનીને 4 વર્ષથી ક્લિનિક ચલાવતો હતો. જેમાં દરેક પ્રકારના ઈલાજ કરતો હોવાના પણ બેનર લગાવામાં આવ્યા છે. ડીગ્રી વગરનો આ નકલી તબીબ લોકોના આરોગ્ય સાથે ચેડા કરતો LCBએ રંગે હાથ ઝડ્પી પાડ્યો છે.
