આમોદ બાઈક અને ટેમ્પો વચ્ચે અકસ્માતમાં બે ના મોત

• લગ્નની કંકોત્રી વહેંચવા માટે નીકળ્યા હતા બંને ભાઈ
  
• ઓવરટેક સમયે બંને એકબીજાની સામ સામે ભટકાયા
• ટેમ્પો મૂકીને ભાગી ગયો ડ્રાઈવર

ભરૂચ જિલ્લાના આમોદ થી આશરે પાંચ કિલોમીટર દૂર આવેલ નાહિયેર અને આશનેરા ગામ વચ્ચે બાઈક અને છોટાહાથી ટેમ્પા વચ્ચે અકસ્માત સર્જાયો હતો. જેમાં અકસ્માતમાં અનોર ગામનાં બે યુવાનોના ઘટના સ્થળે જ કમકમાટીભર્યા મોત નિપજયા હોવાની વિગતો સામે આવી છે.

આ અંગેની માહિતી અનુસાર, આમોદ તાલુકાના નાહિયેર અને ગામ આશનેરા વચ્ચે ભરૂચ તરફથી આવતા છોટાહાથી ટેમ્પા નંબર GJ-16 A 1453 સાથે આમોદ તરફથી આવતી બાઈક નંબર GJ-5 CR 2086 ઓવરટેક મારતા સામ સામે ભટકાયા હતા.

આ વચ્ચે આમોદ તાલુકાના અનોર ગામના રહેવાસી સોલંકી મુકેશ સોમા તેમજ સોલંકી સુરેશ બચુ બંનેવ કાકા મોટાના ભાઈઓ પોતાની ભત્રીજ ના લગ્નની કંકોત્રી વહેંચવા માટે જંબુસર તાલુકાના ગામડાઓમાં ગયેલ હતા. જે વહેંચી પરત ફરતા નાહિયેર ગામ થી આગળ અકસ્માત થતા ઘટના સ્થળે મૃત્યુ નીપજ્યું હતું.

અકસ્માત અંગે માહિતી મળતાં આમોદ પીએસઆઇ સહિતનો પોલીસ સ્ટાફ તાત્કાલિક ઘટના સ્થળે પહોંચી હતી. મૃત્યુ પામનાર બંને યુવાનોને ખાનગી વાહનમાં આમોદ સામૂહિક આરોગ્ય કેન્દ્ર ખાતે મોકલી આપેલ હતા. જ્યારે ટેમ્પા ચાલક ઘટના સ્થળેથી ટેમ્પો મૂકી ભાગી જતા પોલીસ દ્વારા જેની શોધ ખોળના ચક્રો ગતિમાન કરેલ છે.