ગુજરાતમાં એક બાદ એક નકલી કૌભાંડ સામે આવી રહ્યાં છે. હવે રાજ્યમાં આવ્યો નકલી એડમિશનનો કિસ્સો સામે આવ્યો છે. પાદરાના યુવાનના નામે અન્ય કોલેજમાં એડમિશન થયા હોવાનો ઘટસ્ફોટ થયો છે. સ્વાગત કાર્યક્રમમાં યુવાને CMને રજૂઆત કરાતા તાત્કાલિક ફરિયાદ દાખલ કરવા આદેશ કરવામાં આવ્યા છે.
મળતી માહિતી મુજબ, રાજ્યમાં નકલી પોલીસ, નકલી અધિકારી, નકલી જજ બાદ હવે નકલી એડમિશન કૌભાંડ સામે આવ્યું છે. વડોદરામાં આવેલા પાદરાના યુવાનનો ચોંકાવનારો કિસ્સો સામે આવ્યો છે. પાદરાના 12 પાસ પ્રતીક પરમારના નામે અન્ય કોલેજમાં એડમિશન થઈ ગયું હોવાની ઘટના સામે આવી છે. આ યુવકનું ગાંધીનગર દહેગામના એફ.ડી.મુબિન ઇન્સ્ટિટ્યૂટ ઓફ એન્જીનીયરીંગ કોલેજમાં એડમિશન થઈ ગયું હોવાની વિગતો મળી રહી છે.
