વડોદરામાં 31 ડિસેમ્બરને લઇને પોલીસ દ્વારા ડ્રિંક એન્ડ ડ્રાઇવ ઝુંબેશ હાથ ધરવામાં આવી છે. RC બુક, લાયસન્સ ન હોવાથી 58 વાહન કબજે કરવામાં આવી છે. પોલીસે 54 ટુ વ્હીલર, 4 ફોર વ્હીલર પોલીસે કબજે કર્યા છે. 8 જેટલા ડ્રિંક એન્ડ ડ્રાઇવના કેસ કરાયા છે.
થર્ટી ફર્સ્ટ ડિસેમ્બરને લઇ વડોદરા ગ્રામ્ય પોલીસ અધિક્ષક દ્વારા કામગીરી સઘન બનાવવાના ભાગરૂપે આજરોજ પાદરા પોલીસ સ્ટેશન દ્વારા બુલેટ ડ્રાઈવ યોજવામાં આવી હતી. જેમાં રોડ રોમિયો જેવાઓ દ્વારા સાઇલેન્સરોનો ઘોંઘાટ ઉભો કરી રૂઆબ જમાવતા તત્વો સામે પગલાં ભરવાનો આરંભ તંત્ર દ્વારા કરાયો છે. આવા રોમિયો સામે પાદરા પોલીસે આજે લાલ આંખ કરી હતી.
