Vapi: આલોક કંપનીને બોમ્બથી ઉડાવાની ધમકી, પોલીસે એક શકમંદની અટકાયત કરી

જમ્મુ કાશ્મીરમાં થયેલા આતંકી હુમલા બાદ સમગ્ર દેશમાં પોલીસ દ્વારા સતત ચેકિંગ હાથ ધરાયું છે. ત્યારે વાપીની આલોક કંપનીને બોમ્બથી ઉડાવી દેવાની ધમકી મળી છે. આ ધમકીને પગલે વલસાડ જિલ્લા પોલીસને કાફલો કંપનીમાં પહોંચ્યો હતો. પોલીસે કંપનીમાં સર્ચ ઓપરેશન હાથ ધર્યું હતું. પોલીસે એક શકમંદની અટકાયત કરીને પુછપરછ હાથ ધરી છે.

પોલીસનો કાફલો તાત્કાલિક કંપનીમાં પહોંચી ગયો

પ્રાપ્ત વિગતો પ્રમાણે જમ્મુ કાશ્મીરમાં થયેલા આતંકી હુમલા બાદ સમગ્ર ગુજરાતમાં જાહેર અને ધાર્મિક સ્થળો પર એલર્ટ અપાયું છે. પોલીસ દ્વારા શકમંદ લોકની તપાસ હાથ ધરવામાં આવી છે. તેવામાં વાપીની આલોક કંપનીને બોમ્બથી ઉડાવી દેવાની ધમકી મળતાં ચકચાર મચી જવા પામી છે. આ ધમકીને પગલે વલસાડ જિલ્લા પોલીસનો કાફલો તાત્કાલિક કંપનીમાં પહોંચી ગયો હતો. પોલીસે કંપનીમાં જઈને સર્ચ ઓપરેશન હાથ ધર્યું હતું. પોલીસે આ ધમકીને પગલે એક શકમંદની અટકાયત કરીને પુછપરછ હાથ ધરી છે.

કંપનીના સંચાલકોમાં ભયનો માહોલ ફેલાયો

બોમ્બથી ધમકી મળતા જ કંપનીના સંચાલકોમાં ભયનો માહોલ ફેલાયો હતો. પોલીસ આ ધમકી આપનારની શોધખોળ કરી રહી છે. પોલીસની ટીમો દ્વારા સમગ્ર કંપનીમાં સર્ચ ઓપરેશન હાથ ધરાયું છે. વાપી ટાઉન પોલીસ અને લોકલ ક્રાઈમ બ્રાન્ચની ટીમો આ સર્ચ ઓપરેશનમાં જોડાઈ છે. કંપનીને ધમકી આપનાર એક શકમંદ શખ્સની અટકાયત કરીને તેની પુછપરછ હાથ ધરાઈ છે.