- રિષભ પંતની ન્યુટ્રિશનિસ્ટ શ્વેતા શાહે ખુલાસો કર્યા છે
- રિષભ પંતના સ્વસ્થ થવામાં ખીચડીએ મહત્વની ભૂમિકા ભજવી છે
- જાણો કેવી રીતે ખિચડી તમારા સ્વાસ્થ્ય માટે વરદાન સાબિત થઈ શકે છે
ભારતીય ક્રિકેટના સ્ટાર રિષભ પંત સાથે થયેલી દુર્ઘટનાએ દેશને હેરાન કરી દીધો હતો. ડિસેમ્બર 2022માં, તેની કારને દિલ્હી-દેહરાદૂન હાઈવે પર અકસ્માત થયો હતો, જેમાં તે બચી ગયો હતો. આ અકસ્માત બાદ આખી દુનિયાએ રિષભ પંતના સાજા થવા માટે પ્રાર્થના કરી હતી. આ અકસ્માતને લઈને રિષભ પંતે પોતે એક ઈન્ટરવ્યુમાં કહ્યું હતું કે તેને લાગ્યું કે આ દુનિયામાં તેનો સમય પૂરો થઈ ગયો છે.
આ અકસ્માતમાં રિષભને જમણા ઘૂંટણમાં ગંભીર ઈજાઓ થઈ હતી અને તેને ઘણી સર્જરી કરવી પડી હતી. પરંતુ રિષભ પંતે હાર ન માની અને પોતાના જીવનની બીજી ઈનિંગ શરૂ કરી. તેના સંઘર્ષે માત્ર ક્રિકેટ ફેન્સને જ નહીં પરંતુ સમગ્ર દેશને પ્રેરણા આપી. મીડિયા રિપોર્ટ મુજબ તાજેતરમાં જ રિષભ પંતની ન્યુટ્રિશનિસ્ટ શ્વેતા શાહે કહ્યું હતું કે રિષભ પંતના સ્વસ્થ થવામાં ખીચડીએ મહત્વની ભૂમિકા ભજવી છે.
