અવારનવાર થતા માઇગ્રેનના દુખાવાને સામાન્ય માથાનો દુખાવો સમજીને અવગણવાની ભૂલ ભારે પડી શકે છે. તાજેતરમાં સામે આવેલા એક રિસર્ચમાં દાવો કરવામાં આવ્યો છે કે માઇગ્રેન અને દિલની સેહત (હાર્ટ હેલ્થ) વચ્ચે સીધો સંબંધ હોઈ શકે છે. સ્પ્રિંગર નેચરના જર્નલ 'ધ જર્નલ ઓફ હેડેક એન્ડ પેઇન' (The Journal of Headache and Pain) માં પ્રકાશિત એક અહેવાલ અનુસાર, વારંવાર માઇગ્રેનનો સામનો કરતા લોકોમાં હૃદય રોગનું જોખમ વધી જાય છે.
સ્ટડીમાં શું સામે આવ્યું?
રિસર્ચર્સના જણાવ્યા અનુસાર, માઇગ્રેનથી પીડિત લોકોમાં કાર્ડિયોવેસ્ક્યુલર ડિસીઝ (CVD), કોરોનની હાર્ટ ડિસીઝ અને ઇસ્કેમિક સ્ટ્રોકનું જોખમ વધુ જોવા મળ્યું છે. આ અભ્યાસ દર્શાવે છે કે માઇગ્રેન માત્ર માથાનો દુખાવો નથી, પરંતુ તે હૃદય અને રક્તવાહિનીઓની સેહત સાથે પણ જોડાયેલો હોઈ શકે છે. ખાસ કરીને 45 વર્ષથી ઓછી ઉંમરની મહિલાઓમાં આ જોખમ વધુ મજબૂત રીતે જોવા મળ્યું છે. આ ઉપરાંત, જે લોકો માઇગ્રેનની સાથે ધૂમ્રપાન, મેદસ્વીતા (મોટાપો) કે હાઈ બ્લડ પ્રેશર જેવી સમસ્યાઓ ધરાવે છે, તેમના માટે જોખમ બમણું થઈ જાય છે. જોકે, આ સ્ટડી બંને વચ્ચેનો સંબંધ દર્શાવે છે, તે સાબિત નથી કરતું કે માઇગ્રેન જ હાર્ટ ડિસીઝનું મુખ્ય કારણ છે.
