MP સરકારની મોટી કાર્યવાહી, આ જિલ્લામાં 56 મદરેસાઓની માન્યતા રદ, જાણો કારણ

• મધ્યપ્રદેશના શ્યોપુર જિલ્લામાં બંધ મળી આવેલી 56 મદરેસાઓ
  
• 56 મદરેસાઓની માન્યતા રદ કરવાની મોટી કાર્યવાહી કરવામાં આવી 
• જિલ્લા શિક્ષણાધિકારીના રિપોર્ટના આધારે કાર્યવાહી હાથ ધરી

મધ્યપ્રદેશના શ્યોપુર જિલ્લામાં તપાસ દરમિયાન બંધ મળી આવેલી 56 મદરેસાઓની માન્યતા રદ કરવાની મોટી કાર્યવાહી કરવામાં આવી છે. જિલ્લા શિક્ષણાધિકારીના રિપોર્ટના આધારે રાજ્ય સરકારે આ કાર્યવાહી કરી છે.

જિલ્લા શિક્ષણ અધિકારીના રિપોર્ટમાં કહેવામાં આવ્યું છે કે શ્યોપુર જિલ્લામાં 80 માન્ય મદરેસા ચાલી રહી છે. આ પૈકી 54 એવી મદરેસા છે જે રાજ્ય સરકાર પાસેથી અનુદાન મેળવી રહી છે. મધ્ય પ્રદેશ મદરેસા બોર્ડના સચિવે કહ્યું કે, રાજ્યભરના તમામ જિલ્લા શિક્ષણ અધિકારીઓને તેમના ક્ષેત્રમાં ચાલતા મદરેસાનું ફિલ્ડ સ્ટાફ દ્વારા શારીરિક નિરીક્ષણ કરવા સૂચના આપવામાં આવી છે.

નિરીક્ષણ દરમિયાન, જે મદરેસાઓ રાજ્ય સરકારના નિયમો અનુસાર ચલાવવામાં આવી રહી નથી, તેમને માન્યતા રદ કરવાની દરખાસ્ત મધ્ય પ્રદેશ મદ્રેસા બોર્ડને મોકલવી જોઈએ. શાળા શિક્ષણ વિભાગ તરફથી જે મદરેસાઓ નિયમ મુજબ ચાલતા નથી તેમને મળતી સહાય તાત્કાલિક બંધ કરવામાં આવશે.

શાળા શિક્ષણ મંત્રીએ સૂચનાઓ આપી

શાળા શિક્ષણ મંત્રી ઉદય પ્રતાપ સિંહે રાજ્યના તમામ જિલ્લા શિક્ષણ અધિકારીઓને તેમના વિસ્તારની તમામ શૈક્ષણિક સંસ્થાઓનું ફિલ્ડ સ્ટાફ સાથે સતત નિરીક્ષણ કરવાનો નિર્દેશ આપ્યો છે. શાળાએ જતા વિદ્યાર્થીઓને રાજ્ય સરકારની વિભાગીય યોજનાઓનો લાભ મળે અને વિદ્યાર્થીઓને ગુણવત્તાયુક્ત શિક્ષણ મળે તેની ખાતરી કરવા તેમણે અધિકારીઓને જણાવ્યું છે.