ભારત વિરોધી નિવેદન બાદ માલદીવના મંત્રીઓ બરોબરના ભેરવાયા, દેશ-વિદેશમાં વ્યાપી નારાજગી

• ભારત-માલદીવના સંબંધોમાં ખટાશ
  
• માલદીવના ભૂતપૂર્વ વિદેશ મંત્રીનું નિવેદન
• 'માલદીવના વિકાસમાં સહાયક બનશે ભારત'

ભારત વિરોધી નિવેદનો માટે ત્રણેય મંત્રીઓની માત્ર ભારતમાં જ નહીં પરંતુ માલદીવમાં પણ નિંદા થઈ રહી છે. વાસ્તવમાં, માલદીવના ભૂતપૂર્વ વિદેશ મંત્રી દુન્યા મૌમુને વડા PM મોદીની લક્ષદ્વીપની મુલાકાતને લઇ માલદીવના મંત્રીઓની જાતિવાદી અને અપમાનજનક ટિપ્પણીઓની નિંદા કરવામાં આવી રહી છે.

માલદીવના ભૂતપૂર્વ વિદેશ મંત્રીને ભારત-માલદીવ સંબંધો પર ચાલી રહેલી ઘટનાઓની અસર અને માલદીવના રાષ્ટ્રપતિની ચીન અને તુર્કીની તાજેતરની મુલાકાતોના મહત્વ વિશે પણ ચર્ચા કરી. જેમાં ખાસ કરીને માલદીવ રાષ્ટ્રપતિ મોહમ્મદ મુઇઝુએ કોન્ફરન્સને છોડી દેવા મજબૂર થયા હતા. ભૂતપૂર્વ વિદેશ મંત્રીએ કહ્યું કે, માલદીવના રાષ્ટ્રપતિ માટે ભારતને તેમનું પ્રથમ વિદેશી સ્થળ બનાવવું સમજદારી ભર્યું રહેશે. પરંતુ તાજેતરમાં આ પ્રવાસો તુર્કી અને ચીનની હશે. જો કે, આ મુલાકાતો કોઈ પણ રીતે ભારત સાથેના અમારા સંબંધોને નબળા પાડતી નથી. તે આપણા પડોશમાં સૌથી મજબૂત શક્તિ છે અને અમે આ મજબૂત મિત્રતાને મહત્વ આપીએ છીએ.

અપમાનજનક ટિપ્પણીઓની સખત નિંદા

માલદીવના વિદેશ મંત્રાલય દ્વારા વ્યક્ત કરાયેલી ભાવનાઓને પડઘો પાડતા, મૌમુને જાતિવાદી અને અપમાનજનક ટિપ્પણીની સખત નિંદા કરી. તેમણે ભારપૂર્વક જણાવ્યું હતું કે અભિવ્યક્તિની સ્વતંત્રતા મૂલ્યવાન છે, પરંતુ તાજેતરની ઘટનાઓમાં વપરાયેલી કેટલીક ભાષા અસ્વીકાર્ય છે.

'ભારત દેશના વિકાસમાં સહાયક બનશે'

મૌમુને સંરક્ષણ, આરોગ્ય, સંસ્કૃતિ, કૃષિ અને પર્યટન સહિતના વિવિધ ક્ષેત્રોમાં ભારતની સહાય માટે આભાર પણ વ્યક્ત કર્યો હતો. વધુમાં જણાવ્યું હતું કે, ભારત આપણા સૌથી નજીકના મિત્રો અને સમર્થકોમાંનું એક રહ્યું છે, ખાસ કરીને આ દેશના વિકાસમાં. મને ઇન્દિરા ગાંધી મેમોરિયલ હોસ્પિટલ અને અન્ય ઘણા મહત્વપૂર્ણ પ્રોજેક્ટ્સ યાદ છે. જે વિકાસમાં મદદરૂપ સાબિત થયું છે.