સંજયસિંહ બાદ મનીષ સિસોદિયા થશે જેલમુક્ત ?જાણો કોર્ટમાં વકીલે શું કરી દલીલ

• દિલ્હી લીકર સ્કેમ પોલિસીનો મામલો
  
• સંજયસિંહ બાદ મનીષ સિસોદિયા રાહતની જોઇ રહ્યા છે રાહ
• દિલ્હી રાઉઝ એવન્યુ કોર્ટમાં શું થઇ દલીલ ?

દિલ્હી લીકર સ્કેમ પોલિસી મામલે આપના વરિષ્ઠ નેતા અને રાજ્યસભા સાંસદ સંજયસિંહને રાહત મળી છે. તેઓને 6 મહિના બાદ જામીન મળ્યા છે. ત્યારે હવે આપના વધુ એક નેતા મનીષ ફેબ્રુઆરી 2023થી જેલમાં છે. તેઓ પણ રાહતની રાહ જોઈ રહ્યા છે. તેમણે ઘણી વખત જામીન અરજી કરી છે. પરંતુ તેને વારંવાર ફગાવી દેવામાં આવી છે.

રાઉઝ એવન્યુ કોર્ટમાં શું થઇ સુનાવણી ?

મનીષ સિસોદિયાની જામીન અરજી પર મંગળવારે દિલ્હીની રાઉઝ એવન્યુ કોર્ટમાં સુનાવણી થઈ હતી. આ દરમિયાન સિસોદિયા વતી કોર્ટમાં હાજર રહેલા વરિષ્ઠ વકીલ મોહિત માથુરે કહ્યું કે તેમના અસીલ જામીન માટે લાયક છે, કારણ કે તેમના કારણે સરકારી તિજોરીને કોઈ નુકસાન નથી થયું. વિશેષ ન્યાયાધીશ કાવેરી બાવેજાની બેંચ સમક્ષ સિસોદિયાના વકીલે કહ્યું કે તેમના કારણે કોઈ વ્યક્તિને કોઈ નુકસાન થયું નથી.

સિસોદિયાના વકીલે શું કર્યો દાવો ?

સિસોદિયાના વકીલે સુનાવણી દરમિયાન દાવો કર્યો હતો કે અત્યાર સુધી ED એ સાબિત કરી શક્યું નથી કે પૂર્વ ડેપ્યુટી સીએમ સુધી કોઈ પૈસા પહોંચ્યા છે. તપાસ પૂર્ણ થયાને 11 મહિના વીતી ગયા છે. વકીલે કહ્યું કે તે છેલ્લા 13 મહિનાથી જેલમાં છે. તેણે આ સમયગાળા દરમિયાન કોર્ટ દ્વારા આપવામાં આવેલી કોઈપણ સ્વતંત્રતાનો દુરુપયોગ કર્યો નથી. સુનાવણી દરમિયાન સિસોદિયાએ કહ્યું કે મને હવે જેલમાં રાખીને કોઈ હેતુ પૂરો નથી થઈ રહ્યો.

કોર્ટની કોઈપણ શરત સ્વીકારવા તૈયાર: મનીષ સિસોદિયા

દિલ્હીના પૂર્વ મુખ્યમંત્રીએ કહ્યું કે તેમની સામે EDના મની લોન્ડરિંગ કેસની તપાસ પૂર્ણ થઈ ગઈ છે. મારા તરફથી તપાસમાં અવરોધ ઊભો કરવાની કે કેસ સંબંધિત પુરાવાનો નાશ કરવાની કોઈ શક્યતા નથી. તેઓએ ન્યાયાધીશને એમ પણ કહ્યું કે જો કોર્ટ જામીન આપવાનો નિર્ણય કરે છે, તો તે કોર્ટ દ્વારા નિર્ધારિત કોઈપણ શરતોનું પાલન કરવા તૈયાર છે. સિસોદિયાની જામીન અરજી પર હવે 6 એપ્રિલે સુનાવણી થવાની છે. હાલ તેઓ તિહાડ જેલમાં બંધ છે.