લોકસભા ચૂંટણી પહેલા આંધ્રપ્રદેશમાં TDP-BJP અને જનસેના વચ્ચે ગઠબંધન

• ભાજપ દક્ષિણમાં પોતાનો કિલ્લો મજબૂત કરવા માટે સજ્જ
  
• ત્રણેય પક્ષો વચ્ચે સીટોની વહેંચણીની ફોર્મ્યુલા પર સહમતી
• ચંદ્રબાબુ નાયડુની પાર્ટી ટીડીપી અને જનસેવા સાથે ગઠબંધન

લોકસભા ચૂંટણી પહેલા ભાજપે આંધ્રપ્રદેશમાં ચંદ્રબાબુ નાયડુની પાર્ટી ટીડીપી અને પવન કલ્યાણની પાર્ટી જનસેના સાથે ગઠબંધન કર્યું છે. માહિતી આવી રહી છે કે સીટ વહેંચણીને લઈને ત્રણેય પક્ષો વચ્ચે સમજૂતી થઈ ગઈ છે અને ટૂંક સમયમાં તેની જાહેરાત કરવામાં આવશે.

ભાજપ દક્ષિણમાં પોતાનો કિલ્લો મજબૂત કરવા કવાયત હાથધરી

દેશમાં આગામી સામાન્ય ચૂંટણીને હવે થોડો જ સમય બાકી છે. લોકસભાની ચૂંટણી માટે રાજકીય પક્ષોએ તૈયારીઓ શરૂ કરી દીધી છે. બીજી તરફ ભાજપ દક્ષિણમાં પોતાનો કિલ્લો મજબૂત કરવા માટે પ્રાદેશિક પક્ષો સાથે વાત કરી રહી છે.

ત્રણેય પક્ષો વચ્ચે સીટ વહેંચણીની ફોર્મ્યુલા પર સહમતિ બની

હવે એવી માહિતી આવી રહી છે કે BJP, ચંદ્રબાબુ નાયડુની તેલુગુ દેશમ પાર્ટી (TDP) અને પવન કલ્યાણની પાર્ટી જનસેનાએ આગામી લોકસભા અને વિધાનસભા ચૂંટણી એકસાથે લડવાનો નિર્ણય કર્યો છે. ત્રણેય પક્ષો વચ્ચે સીટ વહેંચણીની ફોર્મ્યુલા પર સહમતિ બની ગઈ છે અને ટૂંક સમયમાં તેની જાહેરાત થઈ શકે છે.

'ટીડીપી-ભાજપ અને જનસેના વચ્ચે ગઠબંધન'

બીજેપી અને જનસેના સાથેના ગઠબંધન વિશે વાત કરતા ચંદ્રબાબુ નાયડુએ ઈન્ડિયા ટુડેને જણાવ્યું કે ગઠબંધન પર મુખ્ય સહમતિ બની ગઈ છે. એકાદ બે દિવસમાં અંતિમ બેઠકોની જાહેરાત કરવામાં આવશે. વર્ષ 2018માં ભાજપ સાથેના સંબંધો તોડવાના પ્રશ્ન પર બોલતા તેમણે કહ્યું કે વર્ષ 2018માં કોઈ અંગત મતભેદ નથી. તે સમયે રાજકીય મતભેદ હતા, હવે ફરી સાથે મળીને કામ કરીશું.

ચંદ્રાબાબુ પીએમ સાથે રેલી કરશે?

સૂત્રોનું એ પણ કહેવું છે કે PM મોદી 17 માર્ચે ગુંટુર જિલ્લામાં TDP ચંદ્રબાબુ નાયડુ સાથે મોટી સંયુક્ત રેલી કરી શકે છે. જો કે, આ અંગેની સત્તાવાર માહિતી હજુ સામે આવી નથી.

ટૂંક સમયમાં જ બેઠકોની જાહેરાત કરવામાં આવશે

સૂત્રોએ ઈન્ડિયા ટુડે ટીવીને જણાવ્યું કે આંધ્ર પ્રદેશમાં ભાજપ, ચંદ્રાબાબુ નાયડુની તેલુગુ દેશમ પાર્ટી (ટીડીપી) અને અભિનેતામાંથી રાજકારણી બનેલા પવન કલ્યાણની જનસેના વચ્ચે સીટ વહેંચણીની ફોર્મ્યુલા નક્કી કરવામાં આવી છે. ત્રણેય પક્ષો વચ્ચે બેઠકોની વહેંચણી અંગે સહમતિ ટૂંક સમયમાં જાહેર થવાની આશા છે.

ભાજપ અને જનસેનાને આટલી બધી બેઠકો મળી શકે છે

સૂત્રોએ જણાવ્યું કે શુક્રવારે ભાજપ, ટીડીપી અને જનસેનાની બેઠક યોજાઈ હતી અને તે દરમિયાન મધરાતે ત્રણેય પક્ષો વચ્ચે સમજૂતી થઈ હતી. ભાજપ અને જનસેનાને 24 લોકસભા બેઠકોમાંથી લગભગ આઠ બેઠકો મળે તેવી શક્યતા છે. ઉપરાંત, આંધ્ર પ્રદેશ વિધાનસભા ચૂંટણીમાં બંને પક્ષોને 28 થી 32 બેઠકો મળવાની ધારણા છે અને ટીડીપી બાકીની તમામ બેઠકો પર ચૂંટણી લડશે. તમને જણાવી દઈએ કે આંધ્ર પ્રદેશમાં 25 લોકસભા અને 175 વિધાનસભા સીટો છે.

આ દરમિયાન ટીડીપીના વરિષ્ઠ નેતા કિંજરાપુ અતચનાયડુએ વિજયવાડામાં મીડિયા સાથે વાત કરતા કહ્યું કે ચંદ્રબાબુ નાયડુ ભાજપના નેતાઓના આમંત્રણ પર દિલ્હી પહોંચ્યા છે. વાટાઘાટોનો પ્રારંભિક રાઉન્ડ પૂર્ણ થઈ ગયો છે. TDP, BJP અને જનસેનાએ રાજ્યમાં સાથે મળીને ચૂંટણી લડવાનો નિર્ણય કર્યો છે.