અરબી સમુદ્રમાં આવ્યો ભૂકંપનો આચકો, રિક્ટર સ્કેલ પર 4.1 તીવ્રતા નોંધાઇ

• અરબી સમુદ્રમાં 4.1ની તીવ્રતાનો આવ્યો ભૂકંપનો આચકો 
  
• મહારાષ્ટ્ર અને ગુજરાતના અનેક વિસ્તારોમાં હળવા આંચકા
•  ભૂકંપનું કેન્દ્રબિંદુ પૃથ્વીથી 10 કિમી નીચે નોંધાયું

અરબી સમુદ્રમાં આવેલા ભૂકંપના કારણે મહારાષ્ટ્ર અને ગુજરાતના અનેક વિસ્તારોમાં હળવા આંચકા અનુભવાયા હતા. નેશનલ સિસ્મોલોજી સેન્ટરે જણાવ્યું હતું કે, શુક્રવારે રાત્રે 9.52 વાગ્યે 4.1ની તીવ્રતાનો ભૂકંપનો આચકો અનુભવાયો હતો. જોકે ભૂકંપના કારણે કોઈ નુકસાનીના સમાચાર નથી.

ભારતના પશ્ચિમમાં સ્થિત અરબી સમુદ્રમાં ભૂકંપ

ભારતના પશ્ચિમમાં સ્થિત અરબી સમુદ્રમાં ભૂકંપ આવ્યો છે. આ ભૂકંપની તીવ્રતા રિક્ટર સ્કેલ પર 4.1 માપવામાં આવી છે. નેશનલ સેન્ટર ફોર સિસ્મોલોજી અનુસાર, અરબી સમુદ્રમાં અક્ષાંશ: 20.18 અને રેખાંશ: 72.24 પર રાત્રે 9:52 કલાકે ભૂકંપનો આંચકો અનુભવાયો હતો. મળતી માહિતી મુજબ, ભૂકંપનું કેન્દ્રબિંદુ પૃથ્વીથી 10 કિમી નીચે હતું.

મિઝોરમમાં ભૂકંપના આંચકા અનુભવાયા 

આજે વહેલી સવારે પણ મિઝોરમમાં ભૂકંપના આંચકા અનુભવાયા હતા. અહીંના લુંગલી વિસ્તારમાં વહેલી સવારે ભૂકંપના આંચકા અનુભવાયા હતા. ભૂકંપની તીવ્રતા રિક્ટર સ્કેલ પર 3.5 નોંધવામાં આવી હતી. આ ભૂકંપના આંચકા ત્રિપુરાના કેટલાક વિસ્તારોમાં પણ અનુભવાયા હતા. આ સાથે પાડોશી દેશ મ્યાનમારના કેટલાક વિસ્તારોમાં પણ લોકોએ ભૂકંપનો આંચકો અનુભવ્યો હતો.

ભૂકંપ શા માટે થાય છે?

વાસ્તવમાં, પૃથ્વીનો જાડો પડ, જેને ટેક્ટોનિક પ્લેટ્સ કહેવામાં આવે છે, તેની જગ્યાએથી સરકી જતી રહે છે. આ પ્લેટો સામાન્ય રીતે દર વર્ષે લગભગ 4-5 મીમી તેમના સ્થાનેથી ખસી જાય છે. તેઓ તેમના સ્થાનેથી આડા અને ઊભા બંને રીતે ખસી શકે છે. આ ક્રમમાં, ક્યારેક એક પ્લેટ બીજી પ્લેટની નજીક જાય છે અને ક્યારેક તે દૂર ખસી જાય છે. આ દરમિયાન ક્યારેક આ પ્લેટો એકબીજા સાથે અથડાય છે. આવા સંજોગોમાં જ ધરતીકંપ આવે છે અને ધરતી ધ્રૂજે છે. આ પ્લેટ્સ સપાટીથી લગભગ 30-50 કિમી નીચે છે.

ભૂકંપ આવે તો શું કરવું?

જો અચાનક ભૂકંપ આવે તો ઘરની બહાર ખુલ્લામાં જાવ. જો તમે ઘરમાં ફસાયેલા હોવ તો પલંગ અથવા મજબૂત ટેબલની નીચે સંતાઈ જાઓ. ઘરના ખૂણામાં ઉભા રહીને પણ તમે તમારી જાતને બચાવી શકો છો. ભૂકંપ વખતે લિફ્ટનો બિલકુલ ઉપયોગ કરશો નહીં. ખુલ્લી જગ્યાઓ પર જાઓ, વૃક્ષો અને પાવર લાઈનોથી દૂર રહો. આ ઉપરાંત ભૂકંપ પ્રતિરોધક મકાનો પણ એટલા જ મહત્વપૂર્ણ છે. જો કે તે બહુ મોંઘું નથી, પરંતુ લોકોમાં તેના વિશે જાગૃતિના અભાવને કારણે, લોકો ઘણીવાર તેની અવગણના કરે છે.