EDનો દાવો કહ્યું, "બંગાળમાં દરોડા દરમિયાન 800 થી 1000 લોકોએ હુમલો કર્યો"

• પશ્ચિમ બંગાળમાં ED અધિકારીઓ પર જીવલેણ હુમલો
  
• અમારી ટીમ પર 800 થી 1000 લોકોએ હુમલો કર્યો: ED
• અમારા ત્રણ લોકો હોસ્પિટલમાં સારવાર હેઠળ: ED

પશ્ચિમ બંગાળના ઉત્તર 24 પરગણા જિલ્લામાં ED અધિકારીઓ પરના હુમલા અંગે મોટો દાવો કર્યો હતો. EDએ કહ્યું કે અમારી ટીમ પર 800 થી 1000 લોકોએ હુમલો કર્યો હતો. આ દરમિયાન હુમલાખોરોએ મોબાઈલ, લેપટોપ અને રોકડની લૂંટ ચલાવી હતી. પશ્ચિમ બંગાળમાં દરોડા દરમિયાન ED અધિકારીઓ પર થયેલા હુમલા અંગે તપાસ એજન્સીએ કહ્યું કે, અમારા ત્રણ લોકો ઘાયલ થયા છે.

સમગ્ર ઘટનાને લઇ EDએ જણાવ્યું હતું કે, ED પશ્ચિમ બંગાળ PDS કૌભાંડ કેસમાં ઉત્તર 24 પરગણા TMCના કન્વીનર શાહજહાં શેખના 3 જગ્યાઓ પર સર્ચ કરી રહ્યું હતું. સર્ચ દરમિયાન EDની ટીમ અને CRPFના જવાનો પર 800-1000 લોકોએ હુમલો કર્યો હતો, કારણ કે આ લોકો લાકડીઓ, પથ્થરો અને ઈંટો જેવા હથિયારોથી સજ્જ હતા. EDએ વધુમાં કહ્યું કે, આ ઘટનામાં EDના ત્રણ અધિકારીઓ ગંભીર રીતે ઘાયલ થયા છે. ઘાયલ ED અધિકારીઓને સારવાર માટે હોસ્પિટલમાં દાખલ કરવામાં આવી રહ્યા છે. હિંસક ટોળાએ ED અધિકારીઓના મોબાઈલ ફોન, લેપટોપ, રોકડ, પાકીટ વગેરે જેવી અંગત અને સત્તાવાર વસ્તુઓ પણ લૂંટ ચલાવી છે. EDના કેટલાક વાહનોને પણ ખરાબ રીતે નુકસાન પહોંચાડ્યું છે.

વાહનોમાં તોડફોડ કરી હુમલો કર્યો હતો

TMC નેતા શાહજહાંના સમર્થકો દ્વારા ED અધિકારીઓ પર હુમલો કરવામાં આવ્યો હતો અને તેમના વાહનોની તોડફોડ કરવામાં આવી હતી. રાશન વિતરણ કેસની તપાસના સંદર્ભમાં તપાસ એજન્સી ઉત્તર 24 પરગણા જિલ્લામાં શાહજહાંના ઘરે દરોડા પાડવા પહોંચી હતી.

કેન્દ્ર સરકારે શું કહ્યું?

રાજ્ય સરકારોએ કેન્દ્રીય તપાસ એજન્સીના અધિકારીઓને યોગ્ય સુરક્ષા અને અન્ય સંસાધનો આપવા જોઈએ, પરંતુ પશ્ચિમ બંગાળમાં આવું બન્યું નથી. પ્રામાણિકે કહ્યું, 'કેન્દ્રએ આને ગંભીરતાથી લીધું છે. લેવામાં આવી છે અને અમે એ પણ જોઈશું કે પશ્ચિમ બંગાળમાં આવી ઘટનાઓ વારંવાર કેમ બની રહી છે.