- આસામ વિધાનસભાએ આજે મોટો નિર્ણય
- મુસ્લિમ ધારાસભ્યોને આપવામાં આવતો જુમ્મા બ્રેક નાબૂદ કરાયો
- CM હિમંતા બિસ્વા શર્માએ ટ્વીટ કરીને આ જાણકારી આપી
આસામ વિધાનસભાએ આજે મોટો નિર્ણય લીધો છે. હવે મુસ્લિમ ધારાસભ્યોને શુક્રવારની નમાજ પઢવામાં મુશ્કેલીનો સામનો કરવો પડશે કારણ કે રાજ્ય સરકારે મુસ્લિમ ધારાસભ્યોને આપવામાં આવતો જુમ્મા બ્રેક નાબૂદ કરી દીધો છે. ખુદ મુખ્યમંત્રી હિમંતા બિસ્વા શર્માએ ટ્વીટ કરીને આ જાણકારી આપી છે. તમને જણાવી દઈએ કે બ્રિટિશ કાળથી અત્યાર સુધી મુસ્લિમ ધારાસભ્યોને શુક્રવારની નમાઝ અદા કરવા માટે 2 કલાકનો બ્રેક મળતો હતો.
મુખ્યમંત્રીએ ટ્વીટ કર્યું
મુખ્યમંત્રી હિમંતા બિસ્વા શર્માએ ટ્વિટ કર્યું, 2 કલાકના જુમ્મા વિરામને નાબૂદ કરીને, આસામ વિધાનસભાએ ઉત્પાદકતાને પ્રાથમિકતા આપી છે અને વસાહતી બોજનો બીજો અવશેષ દૂર કર્યો છે. આ પ્રથા 1937માં મુસ્લિમ લીગના સૈયદ સાદુલ્લાહ દ્વારા શરૂ કરવામાં આવી હતી. આ ઐતિહાસિક નિર્ણય બદલ સ્પીકર બિશ્વજીત દૈમર ડાંગોરિયા અને અમારા ધારાસભ્યોનો હું આભાર માનું છું.
બેઠકમાં લેવાયેલ નિર્ણય
પ્રાપ્ત માહિતી અનુસાર, આસામ વિધાનસભાના અધ્યક્ષ બિસ્વજીત દૈમરની હાજરીમાં એક બેઠક યોજાઈ હતી જેમાં સર્વસંમતિથી આ નિર્ણય લેવામાં આવ્યો હતો, જેમાં અન્ય ધારાસભ્યોએ પણ સમર્થન આપ્યું હતું. એક અભ્યાસમાં જાણવા મળ્યું છે કે અન્ય રાજ્યોમાં લોકસભા, રાજ્યસભા અને વિધાનસભા ગૃહોમાં નમાઝ અદા કરવા માટે રજા આપવાની કોઈ જોગવાઈ નથી. આવી સ્થિતિમાં આસામ વિધાનસભાના અધ્યક્ષે પણ આ બ્રિટિશ જમાનાના શાસનને ખતમ કરવાનો નિર્ણય લીધો છે.
