Ayodhya: એ...ધડાંમ... પ્રથમ વરસાદે તંત્રની ખોલી પોલ, જાણો ભષ્ટાચારના ભૂવા પાછળનું સત્ય

• અયોધ્યાનો રામપથ પહેલા વરસાદમાં જ તંત્રની પોલી ખોલી
  
• રસ્તા પર જઇ રહેલી મહિલા અચાનક ભૂવામાં ખાબકી
• સમગ્ર મામલે ત્રણ લોકો સામે કેસ પણ નોંધવામાં આવ્યો

સોશિયલ મીડિયા પર એક વીડિયો વાયરલ થઈ રહ્યો છે જેમાં કહેવામાં આવ્યું છે કે તે અયોધ્યાનો છે. વીડિયોમાં દાવો કરવામાં આવ્યો છે કે કરોડોના ખર્ચે બનેલો અયોધ્યાનો રામપથ પહેલા વરસાદમાં જ તંત્રની પોલી ખોલી છે. જેમાં એક મહિલા ભૂવામાં પડી હોવાના અહેવાલ છે. હવે આ વીડિયો પર અયોધ્યા પોલીસનું નિવેદન આવ્યું છે. પોલીસનું કહેવું છે કે, આ વિડિયો સંપૂર્ણપણે ભ્રામક છે અને આ મામલામાં ત્રણ લોકો સામે કેસ પણ નોંધવામાં આવ્યો છે. જાણો, આ વીડિયો ક્યાંનો છે? 

શું છે વાયરલ વીડિયોનું સત્ય?

સોશિયલ મીડિયા પર ઝડપથી વાયરલ થઈ રહેલા આ વીડિયોનો દાવો ભ્રામક છે કે તે અયોધ્યાનો છે. વીડિયોમાં બતાવવામાં આવ્યું છે કે અયોધ્યા રામપથ પહેલા વરસાદમાં જ તૂટી પડ્યો અને એક મહિલા તેમાં પડી ગઈ. વાયરલ વીડિયોની સત્યતા એ છે કે તે બે વર્ષથી વધુ જૂનો છે અને બ્રાઝિલનો છે. તપાસમાં જાણવા મળ્યું કે આ ઘટના જૂન 2022માં બની હતી. બ્રાઝિલના સમાચાર અહેવાલોમાં જાણવા મળ્યું છે કે મારિયા રોઝિલિન નામની મહિલા બ્રાઝિલના શહેર કાસ્કેવેલમાં ખાડામાં પડી હતી. વાયરલ વીડિયોમાં જોવા મળી રહ્યું છે કે નજીકના લોકોએ મહિલાને બચાવી હતી. તેને સામાન્ય ઈજાઓ થઈ હતી. જે વિસ્તારમાં રોડ ખોદવામાં આવ્યો હતો તે સિમેન્ટના સ્તર સાથે નવો બનાવવામાં આવ્યો હતો, જે જ્યારે તેને ચલાવવામાં આવ્યો ત્યારે તૂટી પડ્યો હતો.