દિવાળી વચ્ચે દવાઓનો ડોઝ લેતા ચેતજો, આટલી દવાના સેમ્પલ ફેલ..!

સેન્ટ્રલ ડ્રગ્સ સ્ટાન્ડર્ડ કંટ્રોલ ઓર્ગેનાઈઝેશન (CDSCO)એ સપ્ટેમ્બરમાં સ્ટાન્ડર્ડ ક્વોલિટી ટેસ્ટમાં નિષ્ફળ ગયેલી દવાઓની માસિક યાદી જાહેર કરવામાં આવી છે. ગુરુવારે બહાર પાડવામાં આવેલી આ યાદીમાં CDSCOએ કેલ્શિયમ સપ્લિમેન્ટ શેલ્કલ 500 અને એન્ટાસિડ પૈન ડી સહિત ચાર દવાઓના પસંદ કરેલા બેચને નકલી જાહેર કર્યા અને 49 દવાઓ અને ફોર્મ્યુલેશનને પ્રમાણભૂત ગુણવત્તાને અનુરૂપ ન હોવાનું જાહેર કર્યું.

CDSCO દ્વારા યાદી જાહેર કરાઈ

એક અહેવાલ મુજબ CDSCO દ્વારા સપ્ટેમ્બર માટે તાજેતરમાં બહાર પાડવામાં આવેલ માસિક અપડેટમાં નકલી જાહેર કરાયેલી અન્ય દવાઓમાં યૂરિમેક્સ ડીનો સમાવેશ થાય છે, જેનો ઉપયોગ સૌમ્ય પ્રોસ્ટેટ હાયપરપ્લાસિયા (BPH) અથવા પ્રોસ્ટેટ ગ્રંથિના વિસ્તરણ માટે થાય છે. આ સાથે ડેકા-ડુરાબોલિન 25 ઇન્જેક્શન પણ આ યાદીમાં છે જેનો ઉપયોગ મેનોપોઝ પછીની સ્ત્રીઓમાં ઑસ્ટિયોપોરોસિસની સારવાર માટે થાય છે. કારણ કે આ દવાઓના ઉત્પાદકો હજુ તપાસ હેઠળ છે, તેઓનું નામ CDSCO એલર્ટમાં નથી, જેમ કે ગયા મહિને થયું હતું.

આ દવાઓ ટેસ્ટમાં ફેલ

નોંધનીય છે કે, CDSCOની તપાસમાં 4 દવાઓના સેમ્પલ જે ફેલ થયા હતા તે નકલી કંપનીઓ દ્વારા બનાવવામાં આવી રહ્યી હતી અને સેમ્પલ નકલી દવાઓના હતા. 3,000 દવાઓમાંથી 49 દવાઓ ગુણવત્તા પરીક્ષણમાં ફેલ ગઈ હોવાનું જણાયું હતું, આને CDSCO દ્વારા બેચ મુજબ પાછા બોલાવવામાં આવ્યા છે. CSDCO દ્વારા લેવાયેલી આ સતર્કતાપૂર્ણ માસિક કાર્યવાહી બિન-માનક ગુણવત્તાયુક્ત દવાઓની ટકાવારીને 1% સુધી ઘટાડે છે.

આ દવાઓના સેમ્પલ નકલી નીકળ્યા

CDSCO પ્રમુખે જણાવ્યું હતું કે, સેમ્પલ લેવામાં આવેલી કુલ દવાઓમાંથી માત્ર 1.5% ઓછી અસરકારક હોવાનું જણાયું હતું. તેમાં હિન્દુસ્તાન એન્ટીબાયોટીક્સ દ્વારા મેટ્રોનીડાઝોલ ટેબ્લેટ, રેઈન્બો લાઈફ સાયન્સ દ્વારા ડોમ્પેરીડોન ટેબ્લેટ, પુષ્કર ફાર્મા દ્વારા ઓક્સીટોસિન, સ્વિસ બાયોટેક પેરેન્ટેરલ્સ દ્વારા મેટફોર્મિન, લાઈફ મેક્સ કેન્સર લેબોરેટરીઝ દ્વારા કેલ્શિયમ 500 મિલિગ્રામ અને વિટામિન ડી3 250 આઈયુ ટેબ્લેટ, અલ્કેમ લેબ્સ દ્વારા PAN 40 વગેરેનો સમાવેશ થાય છે.