22 જાન્યુઆરી પહેલા UP સરકારની મોટી જાહેરાત, 6 જિલ્લાઓને આપી ખાસ ભેટ

• PM મોદી 22 જાન્યુઆરીએ અયોધ્યા રામ મંદિરમાં પ્રાણ પ્રતિષ્ઠા કરશે
  
• લખનૌ, ગોરખપુર, પ્રયાગરાજ, વારાણસી, આગ્રા અને મથુરાને આપી ભેટ
• હેલિકોપ્ટરમાં એકસાથે 5 શ્રદ્ધાળુઓ અયોધ્યા જઈ શકશે

વડાપ્રધાન નરેન્દ્ર મોદી 22 જાન્યુઆરીએ અયોધ્યા રામ મંદિરમાં પ્રાણ પ્રતિષ્ઠા કરશે. કેન્દ્ર સરકારે પણ આ અંગે જોરશોરથી તૈયારીઓ કરી લીધી છે. ઉપરાંત, કેટલાક રાજ્યોમાં તે દિવસે રજા જાહેર કરવામાં આવી હતી. હવે 22 જાન્યુઆરી પહેલા UP સરકારે એક મોટી જાહેરાત કરી છે અને 6 જિલ્લાઓને ખાસ ભેટ આપી છે. 

યુપી સરકાર લોકોને રામલલાના દર્શન કરાવશે. આ માટે શ્રદ્ધાળુઓની સુવિધા માટે યુપીના 6 જિલ્લામાં હેલિકોપ્ટર સેવા શરૂ કરવામાં આવશે. જેમાં ખાસ કરીને લખનૌ, ગોરખપુર, પ્રયાગરાજ, વારાણસી, આગ્રા અને મથુરાનો સમાવેશ થાય છે. એક વ્યક્તિ પોતાની સાથે 5 કિલો સામાન લઈ જશે. હેલિકોપ્ટરમાં એકસાથે 5 શ્રદ્ધાળુઓ અયોધ્યા જઈ શકશે.

તમને જણાવી દઈએ કે મુખ્યમંત્રી યોગી આદિત્યનાથે હાલમાં જ અયોધ્યાના લોકોને 50 ઈ-બસ અને 25 ઈ-ઓટો ભેટ આપી હતી. ત્યારથી આ બસોએ મુસાફરોને સેવા આપવાનું શરૂ કર્યું છે. રામપથ પર મોટી સંખ્યામાં લોકો EV બસોની રાહ જોતા જોવા મળે છે. આ રૂટ પર સૌથી વધુ ક્રેઝ જોવા મળી રહ્યો છે. આ બસોમાં મોટી સંખ્યામાં મુસાફરો મુસાફરી કરી રહ્યા છે. જેનાથી બહારગામથી આવતા યાત્રિકો અને શ્રદ્ધાળુઓને ઘણી રાહત મળી રહી છે.