ભાજપે 9 ઉમેદવારોની ત્રીજી યાદી જાહેર કરી, અન્નામલાઈ કોઈમ્બતુરથી ચૂંટણી લડશે

• ભાજપે અગાઉ લોકસભા ઉમેદવારોની બે યાદીની જાહેરાત કરી હતી
  
• તમિલનાડુના પ્રદેશ અધ્યક્ષ અન્નામલાઈ કોઈમ્બતુરથી ચૂંટણી લડશે
• ટી સુંદરરાજનને ચેન્નાઈ દક્ષિણથી ઉમેદવાર બનાવવામાં આવ્યા

ભારતીય જનતા પાર્ટીએ લોકસભા ચૂંટણી માટે પોતાના ઉમેદવારોની ત્રીજી યાદી જાહેર કરી છે. ટી સુંદરરાજનને ચેન્નાઈ દક્ષિણથી ઉમેદવાર બનાવવામાં આવ્યા છે. બીજેપીના તમિલનાડુ પ્રદેશ અધ્યક્ષ અન્નામલાઈ કોઈમ્બતુરથી ચૂંટણી લડશે. આ યાદીમાં ભાજપે 9 નામોને સ્થાન આપ્યું છે.

પાર્ટીએ તમિલનાડુ માટે તમામ 9 નામો જાહેર કર્યા છે જે નીચે મુજબ છે-

1- ચેન્નાઈ દક્ષિણ- તમિલિસાઈ સુંદરરાજન

2- ચેન્નાઈ સેન્ટ્રલ- વિનોજ પી સેલ્વમ

3- વેલ્લોર-એ. સી શણમુગમ

4- કૃષ્ણગિરી- સી નરસિમ્હન

5- નીલગીરી- એલ મુરુગન

6- કોઈમ્બતુર- કે. અન્નામલાઈ

7- પેરામ્બલુર- T.R. પરિવેન્દ્ર

8- થૂથુકુડી- નૈનાર નાગેન્દ્રન

9- કન્યાકુમારી- પો. રાધાકૃષ્ણન

તેલંગાણાના પૂર્વ રાજ્યપાલ ડૉ. તમિલિસાઈ સુંદરરાજન પોતાના પદ પરથી રાજીનામુ આપ્યું હતું

તમને જણાવી દઈએ કે થોડા દિવસો પહેલા તેલંગાણાના પૂર્વ રાજ્યપાલ ડૉ. તમિલિસાઈ સુંદરરાજન પોતાના પદ પરથી રાજીનામું આપીને ભારતીય જનતા પાર્ટીમાં જોડાઈ ગયા હતા. તમિલનાડુમાં તમિલિસાઈ ભાજપ કાર્યાલય પર પહોંચ્યા બાદ ફટાકડા ફોડવામાં આવ્યા હતા. તેમણે કહ્યું કે હું તમિલનાડુમાં ભાજપનો વિકાસ જોઈને ખુશ છું. રાજ્યમાં અમે જે ગઠબંધન કર્યું છે તે વિકાસ દર્શાવે છે.

નોંધનીય છે કે ભાજપે તમિલનાડુમાં ઘણી પ્રાદેશિક પાર્ટીઓ સાથે ગઠબંધન કર્યું છે, જેમાંથી કેટલીકને સીટોની ફાળવણી પણ કરવામાં આવી છે અને કેટલીક સીટો પર જાહેરાત કરવાની બાકી છે.

પીએમકે: 10

• ટીટીવી ધિનાકરણની AMMK: 2
• પુથિયા નીધી કાચી (AC શણમુગમ): 1 સીટ
• ટીએમએમકે (જ્હોન પાંડિયન): 1 સીટ
• ભારત જનનયાગા કચ્છી (ડૉ. પરિવેન્ધર પાર્ટી): હજુ જાહેરાત કરવાની બાકી છે
• તમિલ મનીલા કોંગ્રેસ (જીકે વસન પાર્ટી): હજુ જાહેરાત કરવાની બાકી છે
• ઓ પનીરસેલ્વમ જૂથ: નિર્ણય લેવાનો બાકી છે

તમિલનાડુમાં એક તબક્કામાં ચૂંટણી યોજાશે

તમિલનાડુમાં પ્રથમ તબક્કામાં એટલે કે 19મી એપ્રિલે ચૂંટણી છે. અહીં એક જ દિવસે 39 બેઠકો પર મતદાન થશે. તમિલનાડુમાં 39 બેઠકોમાંથી 7 અનામત બેઠકો છે. તામિલનાડુમાં 20 માર્ચે નોટિફિકેશન બહાર પાડવામાં આવ્યું છે. અહીં નામાંકન માટેની છેલ્લી તારીખ 27મી માર્ચ છે. તમિલનાડુમાં કુલ 6.18 કરોડ મતદારો છે. જેમાં 3.14 કરોડ મહિલા અને 3.03 કરોડ પુરૂષ મતદારોનો સમાવેશ થાય છે.