BJP President Election: જૂનમાં સુકાનીનું નામ થશે જાહેર, પક્ષમાં હલચલ શરુ

જે.પી નડ્ડા બાદ ભાજપ પક્ષના રાષ્ટ્રીય અધ્યક્ષ કોણ હશે. કોને મળશે સત્તાનું સુકાન તે મામલે ગતિવિધીઓ તેજ બની છે. જૂન મહિનામાં ચૂંટણી યોજાશે અને બાદમાં સત્તાવાર જાહેરાત કરાશે કે કોને મળી છે સત્તાની ગાદી. ભાજપના આગામી રાષ્ટ્રીય અધ્યક્ષ માટે હલચલ શરુ થઇ ગઇ છે. હાલ કેન્દ્રીય મંત્રી જે.પી.નડ્ડા નેશનલ પ્રેસિડેન્ટનું કામ સંભાળી રહ્યા છે. ત્યારે જે.પી.નડ્ડાનો કાર્યભાર હવે કોને સોંપવો તે અંગે અટકળો શરુ થઇ છે.

જે.પી.નડ્ડા બાદ કોણ ?

ભાજપ પક્ષના રાષ્ટ્રીય અધ્યક્ષ માટે આગામી મહિને જૂનમાં ચૂંટણી યોજાઇ શકે છે. હાલ ભાજપ સંગઠનમાં બદલાવની પ્રક્રિયાઓ જોવા મળી રહી છે. અને તેમાં નવા વળાંક પણ સામે આવી રહ્યા છે. ચૂંટણી માટેની તૈયારીઓ પક્ષમાં શરુ કરવામાં આવી છે. વર્ષ 2024ની લોકસભા ચૂંટણી બાદ ભાજપમાં પુનર્ગઠનની પ્રક્રિયા જોવા મળી રહી છે. વર્તમાન સમયમાં જે.પી.નડ્ડા રાષ્ટ્રીય અધ્યક્ષ તરીકે ફરજ બજાવી રહ્યા છે. અને તેમનો કાર્યકાળ અગાઉ એક વખત વધારવામાં આવ્યો છે. હવે આ પદ માટે નવા નામની જાહેરાત લગભગ જૂન મહિનામાં થઇ શકે છે. આગામી સમયમાં જૂન મહિનામાં વિવિધ રાજ્યોમાં વિવિધ ચૂંટણીઓ પૂર્ણ થઇ જશે. અને રાષ્ટ્રીય સ્તરે પણ ચૂંટણીઓ પૂર્ણ થશે. ચૂંટણી પ્રક્રિયાઓ દરમિયાન પાર્દશિતાની પ્રક્રિયાઓ જોવા મળશે.

નવા અધ્યક્ષ સામે હશે આ પડકારો?

ભાજપ પક્ષના રાષ્ટ્રીય અધ્યક્ષ તરીકે જે.પી.નડ્ડા ફરી ઉમેદવાર હશે કે નહીં તે અંગે કોઇ માહિતી સ્પષ્ટ થઇ નથી. પરંતુ જેને પણ ભાજપ પક્ષના રાષ્ટ્રીય અધ્યક્ષ તરીકે સુકાન મળશે તેમની સામે આગામી મિશનનું માળખુ તૈયાર હશે. ખાસ કરીને 2026ની વિધાનસભા ચૂંટણીઓ અને 2029ની સામાન્ય ચૂંટણીઓ માટે વ્યૂહરચના ઘડવામાં મહત્વપૂર્ણ ભૂમિકા ભજવવી પડશે. તેથી રાષ્ટ્રીય અધ્યક્ષની ચૂંટણીમાં જે પણ વિજેતા હશે તે ભાજપ માટે આગામી દિશા નક્કી કરશે. નેતા, કાર્યકર્તાઓ માટે નવા રાષ્ટ્રીય અધ્યક્ષ નવી રણનીતિ તૈયાર કરશે. રાષ્ટ્રીય અધ્યક્ષની ચૂંટણી પર વિરોધ પક્ષની પણ નજર મંડાયેલી છે. તેથી જૂન મહિનો ભાજપ માટે મહત્વનો સાબિત થશે.