ભાજપની બીજી યાદી જાહેર: આ પૂર્વ મુખ્યમંત્રીઓ લડશે ચૂંટણી,આ મંત્રીઓને કર્યા રિપીટ

• ભાજપે લોકસભા ચૂંટણી માટે બીજી યાદી કરી જાહેર 
  
• કરનાલથી પૂર્વ સીએમ મનોહર લાલ ખટ્ટરને ટિકિટ
• કેન્દ્રીય મંત્રી નીતિન ગડકરીને નાગપુરથી ટિકિટ

ભાજપે લોકસભા ચૂંટણી માટે બીજી યાદી જાહેર કરી છે. કરનાલથી પૂર્વ સીએમ મનોહર લાલ ખટ્ટરને ટિકિટ આપવામાં આવી છે. કેન્દ્રીય મંત્રી નીતિન ગડકરીને નાગપુરથી ટિકિટ મળી છે. કેન્દ્રીય મંત્રી અનુરાગ ઠાકુરને હમીરપુરથી મેદાનમાં ઉતારવામાં આવ્યા છે. બીજી યાદીમાં ભાજપે 72 ઉમેદવારોના નામ જાહેર કરવામાં આવ્યા છે.

ભાજપે 72 ઉમેદવાર ઉતાર્યા મેદાનમાં

ભારતીય જનતા પાર્ટીએ લોકસભા ચૂંટણી માટે 72 ઉમેદવારોની બીજી યાદી જાહેર કરી છે. આ યાદી અનુસાર પૂર્વ મુખ્યમંત્રી બસવરાજ બોમાઈને કર્ણાટકના હાવેરીથી ટિકિટ આપવામાં આવી છે. હરિયાણાના પૂર્વ મુખ્યમંત્રી મનોહર લાલ ખટ્ટરને કરનાલ લોકસભા સીટ પરથી ઉમેદવાર બનાવવામાં આવ્યા છે. ઉત્તરાખંડના પૂર્વ મુખ્યમંત્રી ત્રિવેન્દ્ર સિંહ રાવતને પણ ભાજપે હરિદ્વાર લોકસભા બેઠક પરથી મેદાનમાં ઉતાર્યા છે.

બીજી યાદીમાં આ મંત્રીઓના નામ

મંત્રીઓની વાત કરીએ તો કેન્દ્રીય મંત્રી નીતિન ગડકરી નાગપુરથી ચૂંટણી લડશે. ભાજપે કેન્દ્રીય મંત્રી પીયૂષ ગોયલને મહારાષ્ટ્રના મુંબઈ (ઉત્તર) લોકસભા મતવિસ્તારમાંથી પોતાના ઉમેદવાર બનાવ્યા છે. કેન્દ્રીય મંત્રી અનુરાગ ઠાકુરને હિમાચલના હમીરપુર લોકસભા સીટથી અને કેન્દ્રીય મંત્રી પ્રહલાદ જોશીને ધારવાડથી ઉમેદવાર બનાવવામાં આવ્યા છે. બીજેપીના રાષ્ટ્રીય મીડિયા પ્રભારી અનિલ બલુનીને પૌરી ગઢવાલ સંસદીય બેઠક પરથી ઉમેદવાર બનાવવામાં આવ્યા છે. કેન્દ્રીય મંત્રી પીયૂષ ગોયલને ઉત્તર મુંબઈથી ટિકિટ આપવામાં આવી છે. કેન્દ્રીય મંત્રી ભગવંત કુબાને બિદર મોકલવામાં આવ્યા છે.

ગૌતમ ગંભીરની જગ્યાએ હર્ષ મલ્હોત્રાને ટિકિટ મળી

ભાજપે પૂર્વ વડાપ્રધાન એચડી દેવગૌડાના જમાઈ સીએન મંજુનાથને બેંગલુરુ ગ્રામીણ લોકસભા બેઠક પરથી તેના ઉમેદવાર તરીકે ઉતાર્યા છે જ્યાં તેનો મુકાબલો કર્ણાટકના નાયબ મુખ્યમંત્રી ડીકે શિવકુમારના ભાઈ ડીકે સુરેશ સાથે થશે. પાર્ટીએ પૂર્વ દિલ્હીથી ગૌતમ ગંભીરના સ્થાને હર્ષ મલ્હોત્રા અને ઉત્તર-પશ્ચિમ દિલ્હીથી હંસરાજ હંસના સ્થાને યોગેન્દ્ર ચંદૌલિયાને ઉમેદવાર બનાવ્યા છે. અગાઉ, પાર્ટીએ દિલ્હીની પાંચમાંથી ચાર બેઠકો પરથી વર્તમાન સાંસદોની ટિકિટ રદ કરી હતી અને મનોજ તિવારીને ફરીથી ઉત્તર પૂર્વ દિલ્હીથી ઉમેદવાર બનાવ્યા હતા.

બેંગલુરુ દક્ષિણ તરફથી મેદાનમાં તેજસ્વી સૂર્યા

કર્ણાટકના ભૂતપૂર્વ મુખ્ય પ્રધાન બીએસ યેદિયુરપ્પાના પુત્ર બીવાય રાઘવેન્દ્ર શિમોગાથી ચૂંટણી લડશે જ્યારે ભાજપની યુવા પાંખ ભારતીય જનતા યુવા મોરચાના વડા તેજસ્વી સૂર્યા બેંગલુરુ દક્ષિણથી ફરીથી ચૂંટણી લડશે. અગાઉના મૈસૂર રાજવી પરિવારના વંશજ યદુવીર કૃષ્ણદત્ત વાડિયાર મૈસૂર બેઠક પરથી ભાજપના ઉમેદવાર તરીકે પ્રતાપ સિમ્હાનું સ્થાન લેશે.

ભાજપના કુલ 267 ઉમેદવારો જાહેર

તમને જણાવી દઈએ કે આ મહિનાની શરૂઆતમાં ભાજપે લોકસભા ચૂંટણી માટે 195 ઉમેદવારોની પ્રથમ યાદી જાહેર કરી હતી. આમ, લોકસભા ચૂંટણીની જાહેરાત પહેલા જ ભાજપે કુલ 267 ઉમેદવારોના નામની યાદી જાહેર કરી દીધી છે.