Chardham Yatra 2024: બદ્રીનાથધામ જવા નવો રોડ તૈયાર,જાણો કયો છે રૂટ

• બદરીનાથ ધામની યાત્રા 12મેએ શરૂ
  
• જૂનો રસ્તો ક્ષતિગ્રસ્ત થતા બનાવાયો નવો રોડ
• સાકેત 3 રસ્તાથી અલકનંદા કિનારા સુધીનો નવો માર્ગ

12મેથી બદરીધામ યાત્રાની શરૂઆત થઇ રહી છે. તેવામાં બદરીનાથ ધામ જતા શ્રદ્ધાળુઓ માટે નવી સુવિધા શરૂ થવા જઇ રહી છે. યાત્રીઓને કોઇ અગવડતા ન પડે તે માટે માર્ગ નવો બનાવવામાં આવી રહ્યો છે. ત્યારે આવો જાણીએ ભક્તોએ હવે કયા માર્ગેથી જવાનું રહેશે.

ક્ષતિગ્રસ્ત રસ્તો બની રહ્યો છે નવો

બદ્રીનાથ ધામમાં માસ્ટર પ્લાનનું કામ તેજ ગતિએ ચાલી રહ્યું છે. અહીં આસ્થાના માર્ગમાં પણ પરિવર્તન આવ્યું છે. બદ્રીનાથ ધામ તરફ જતા જૂનો રસ્તો આસ્થા પથ તૂટી જતા હવે સાકેત 3 રસ્તાથી અલકનંદા કાંઠે થઈને લગભગ 100 મીટરનો નવો રસ્તો બનાવવામાં આવી રહ્યો છે. આ માર્ગને નગર પંચાયત બદ્રીનાથ દ્વારા અંતિમ સ્વરૂપ આપવામાં આવી રહ્યું છે. જ્યારે બામણી ગામથી બદ્રીનાથ મંદિર સુધી પહોંચવા માટે લગભગ 300 મીટરનો નવો રોડ બનાવવામાં આવી રહ્યો છે. અહીં રિવર ફ્રન્ટના કામોને કારણે જૂનો રસ્તો ક્ષતિગ્રસ્ત થયો છે.

અંતિમ તબક્કામાં નવા રોડનું બાંધકામ

બદ્રીનાથ ધામ સંકુલની આસપાસ હોટલ, ધર્મશાળા અને રહેણાંક મકાનો હતા જે દૂર કરવામાં આવ્યા છે. જાહેર બાંધકામ વિભાગ પણ PIU વતી કાટમાળનો નિકાલ કરી રહ્યું છે. તેમજ નગર પંચાયતના 45 પર્યાવરણ મિત્રો બદ્રીનાથ ધામ પહોંચ્યા છે. નગર પંચાયતના કાર્યકારી અધિકારી સુનિલ પુરોહિતે જણાવ્યું હતું કે, ધામમાં નવા આંતરિક રસ્તાઓ બનાવવાની કામગીરી ચાલી રહી છે. સાકેત તિરાહાથી નવા રોડનું બાંધકામ અંતિમ તબક્કામાં છે.