- છત્તીસગઢના મુખ્યમંત્રીના કાફલામાં એક ગાડીની નંબર પ્લેટ હટાવી દેવામાં આવી
- મુખ્યમંત્રી સચિવાલયની માર્ગદર્શિકા બાદ આ નંબર પ્લેટ બદલવામાં આવી હતી
- આ નંબરવાળું વાહન પૂર્વ સીએમ ભૂપેશ બેઘલના કાફલામાં સામેલ હતું
છત્તીસગઢમાં સરકાર બદલાતાની સાથે જ પરિવર્તનો દેખાવા લાગ્યા છે. છત્તીસગઢના મુખ્યમંત્રીના કાફલામાં મુસાફરી કરી રહેલા વાહનની નંબર પ્લેટ હટાવી દેવામાં આવી છે. આ નંબર BB-0023 હતો. આ નંબરવાળું વાહન પૂર્વ સીએમ ભૂપેશ બેઘલના કાફલામાં સામેલ હતું. જો કે સત્તાના સમીકરણ બદલતાની સાથે જ છત્તીસગઢના મુખ્યમંત્રીના કાફલામાંરહેલી આ કારની નંબર પ્લેટ બદલી દેવામાં આવી છે. આ કારનું સીધુ કનેક્શન પૂર્વ-સીએમ ભૂપેશ બઘેલ સાથે હતુ કારનો સીલેક્ટેડ નંબર હતો આ જ કારણ છે કે કાફલામાં સામેલ આ કારની નંબર પ્લેટ બદલી દીધી છે.
કાફલામાંથી BB-0023 નંબર પ્લેટ દૂર કરવામાં આવી
BB એટલે ભૂપેશ બઘેલ અને 0023નો અર્થ તેમનો જન્મ તારીખ હતો. જોકે છત્તીસગઢમાં સરકાર બદલાયા બાદ મુખ્યમંત્રીના કાફલામાં મુસાફરી કરતા આ વાહનની નંબર પ્લેટ હટાવી દેવામાં આવી છે. મુખ્યમંત્રી સચિવાલયની માર્ગદર્શિકાને પગલે આ નંબર પ્લેટ બદલવામાં આવી છે.
બઘેલે અલગથી નંબર લીધો હતો
તમને જણાવી દઈએ કે હાલમાં સીએમ વિષ્ણુ દેવ સાઈની કારનો નંબર CG-03-9502 છે. અગાઉ મુખ્યમંત્રીના કાફલામાં CG-02 નંબરનો ઉપયોગ થતો હતો. પૂર્વ સીએમ બઘેલે તેમના કાફલામાં સામેલ વાહનો માટે અલગ નંબર લીધો હતો, પરંતુ હવે તેમાં ફેરફાર કરવામાં આવ્યો છે.
કાર નંબર 0004 પૂર્વ સીએમ રમણ સિંહના કાફલામાં હતી.
આ સિવાય પૂર્વ મુખ્યમંત્રી રમણ સિંહે પોતાના કાફલામાં સામેલ વાહનોના નંબર પણ બદલ્યા હતા. પૂર્વ સીએમ રમણસિંહના કાફલામાં સામેલ મિત્સુબિશી પજેરોમાં 0004 નંબર રાખવામાં આવ્યો હતો. જો કે, જ્યારે 2018 માં રાજ્યમાં સરકાર બદલાઈ, ત્યારે તેમણે પજેરોને તેમના કાફલામાંથી હટાવી દીધી. ઉલ્લેખનીય છે કે છત્તીસગઢમાં CG-01, CG-02 અને CG-04નું રજિસ્ટ્રેશન રાયપુર RTO દ્વારા કરવામાં આવે છે, જ્યારે CG-03નું રજિસ્ટ્રેશન પોલીસ હેડક્વાર્ટર દ્વારા કરવામાં આવે છે.
