Jharkhand વિધાનસભા ચૂંટણી માટે કોંગ્રેસે 7 નામોની બીજી યાદી કરી જાહેર

કોંગ્રેસે ગુરુવારે ઝારખંડ વિધાનસભા ચૂંટણી માટે તેના 7 ઉમેદવારોની બીજી યાદી જાહેર કરી છે. આ સાથે પાર્ટીએ ઝારખંડ માટે અત્યાર સુધીમાં 28 ઉમેદવારોની યાદી જાહેર કરી છે. કોંગ્રેસે હવે માત્ર બે બેઠકો માટે તેના ઉમેદવારોની જાહેરાત કરવાની બાકી છે. જેએમએમ અને રાષ્ટ્રીય જનતા દળ સાથે ગઠબંધનમાં કોંગ્રેસને કુલ 45 બેઠકો મળી હતી.

RJDની બેઠકો માટે પણ ઉમેદવારો મેદાનમાં

ઝારખંડના શાસક ગઠબંધનમાં કોંગ્રેસ સિવાય RJDને 6 અને JMMને કુલ 45 બેઠકો મળી છે. ડાબેરીઓએ અલગથી ચૂંટણી લડવાની જાહેરાત કરી છે. કોંગ્રેસની બાકીની બે બેઠકો બોકારો અને ધનબાદ માટેના ઉમેદવારોની જાહેરાત કરવાના બાકી છે. જ્યારે જેએમએમએ અત્યાર સુધીમાં 40 ઉમેદવારોની જાહેરાત કરી છે. કોંગ્રેસે પણ આરજેડીની એક સીટ પર ઉમેદવારો ઉભા રાખ્યા છે.

વિશ્રામપુર સીટ પર આરજેડી સાથે મૈત્રીપૂર્ણ લડાઈ

વિશ્રામપુર બેઠકને લઈને કોંગ્રેસ અને આરજેડી વચ્ચેનું ગઠબંધન તૂટી ગયું છે. બન્ને પક્ષોએ અહીંથી પોતાના ઉમેદવારો ઉભા રાખ્યા છે. કોંગ્રેસે આરજેડીની વિશ્રામપુર બેઠક પરથી સુધીર કુમાર ચંદ્રવંશીને પોતાના ઉમેદવાર બનાવ્યા છે. મળતી માહિતી અનુસાર વિશ્રામપુર સીટ પર આરજેડી અને કોંગ્રેસ વચ્ચે મૈત્રીપૂર્ણ મુકાબલો થશે.

કોંગ્રેસે પ્રથમ યાદી જાહેર કરી હતી

સીટ શેરિંગ ડીલ ફાઇનલ થયા બાદ એક દિવસ પહેલા એટલે કે સોમવારે, કોંગ્રેસે ઝારખંડ ચૂંટણી માટે ઉમેદવારોની પ્રથમ યાદી પણ બહાર પાડી હતી. કોંગ્રેસ પાર્ટીએ લોહરદગાથી રામેશ્વર ઉરાં અને જમશેદપુર પૂર્વથી અજય કુમારને ટિકિટ આપી છે. અજય કુમાર ઝારખંડના પૂર્વ કોંગ્રેસ અધ્યક્ષ છે. બાકીની 9 બેઠકો પર હાલ ચર્ચા ચાલી રહી છે, જેના ઉમેદવારો આગામી સમયમાં જાહેર કરવામાં આવશે.

બે તબક્કામાં મતદાન, 23મીએ પરિણામ

ચૂંટણી પંચે ઝારખંડની 81 વિધાનસભા બેઠકો માટે બે તબક્કામાં ચૂંટણી કરાવવાનો નિર્ણય લીધો છે. પ્રથમ તબક્કા માટે 13મી નવેમ્બરે અને બીજા તબક્કા માટે 20મી નવેમ્બરે મતદાન થશે. આ પછી 23 નવેમ્બરે ચૂંટણીના પરિણામો જાહેર થશે. મહારાષ્ટ્ર વિધાનસભા ચૂંટણીના પરિણામો પણ એ જ દિવસે જાહેર થશે.