- દિલ્હી કોચિંગ સેન્ટર અકસ્માત કેસમાં વધુ 5ની ધરપકડ
- MCDએ અત્યાર સુધીમાં કોચિંગ સેન્ટરના 13 બેઝમેન્ટ સીલ કર્યા
- અકસ્માતમાં 3 ઉમેદવારોના મોત બાદ વિદ્યાર્થીઓનું પ્રદર્શન યથાવત
દિલ્હીના રાજેન્દ્ર નગર પોલીસ સ્ટેશને રાવ આઇએએસ સ્ટડી સેન્ટરમાં થયેલા અકસ્માત મામલે 5 લોકોની ધરપકડ કરી છે. જેમાં બેઝમેન્ટના માલિકનો પણ સમાવેશ થાય છે. આ મામલે પોલીસે જણાવ્યું કે આ કેસમાં સંડોવાયેલા તમામ લોકો સામે સખતમાં સખત કાર્યવાહી કરવા અમે પ્રતિબદ્ધ છીએ. નવી દિલ્હી રાજેન્દ્ર નગર કોચિંગ સેન્ટર અકસ્માત કેસમાં દિલ્હી પોલીસે વધુ પાંચ આરોપીઓની ધરપકડ કરી છે. જેમાં ચાર બિલ્ડિંગ માલિકો અને એક થાર કાર માલિકનો સમાવેશ થાય છે.
5 લોકોની ધરપકડ
પોલીસે ધરપકડ કરેલા લોકોમાં ચાર તો બિલ્ડિંગ માલિક છે. સરબજીત સિંહ, તેજિંદર સિંહ, હરવિંદર સિંહ અને પરવિંદર સિંહ છે. ચારેય પિતરાઈ ભાઈઓ છે. આ લોકો કરોલ બાગમાં રહે છે. તેણે રાવ IAS કોચિંગ સેન્ટરના માલિક અભિષેક ગુપ્તાને 4 લાખ રૂપિયાના માસિક ભાડા પર બિલ્ડિંગનો બેઝમેન્ટ વિસ્તાર આપ્યો હતો.
રવિવારે 2 લોકોની ધરપકડ
મહત્વનું છે કે દિલ્હી પોલીસે કોચિંગ સેન્ટર ઘટનામાં માલિક અને કોઓર્ડિનેટરની ધરપકડ બાદ રાજેન્દ્ર નગર પોલીસ સ્ટેશનમાંથી કોર્ટમાં રજૂ કરવામાં આવ્યા હતા. પોલીસે આ બે આરોપીઓ વિરૂદ્ધ બિલ્ડીંગ મેનેજમેન્ટ, ડ્રેનેજ સિસ્ટમની દેખરેખ રાખતા કોર્પોરેશનના કામદારો અને અન્યો સામે ગુનેગાર હત્યા સહિતની કલમો હેઠળ ગુનો નોંધ્યો છે. કોર્ટે બંને આરોપીઓને 14 દિવસની ન્યાયિક કસ્ટડીમાં મોકલી દીધા છે. કેસ નોંધ્યા બાદ પોલીસે રાવ IAS કોચિંગના માલિક અભિષેક ગુપ્તા અને સંયોજક દેશપાલ સિંહની ધરપકડ કરી હતી.
વિદ્યાર્થીઓને શાંતિ જાળવવા અપીલ
ડીસીપી સેન્ટ્રલ એમ. હર્ષવર્ધને કહ્યું કે બેઝમેન્ટના માલિકો અને વાહન ચલાવનાર વ્યક્તિ સહિત પાંચ વધુ લોકોની ધરપકડ કરવામાં આવી છે. ભોંયરામાં વાણિજ્યિક પ્રવૃતિ કરવા માટે કોઈ પરવાનગી ન હતી. અમે MCD પાસેથી કેટલીક માહિતી માંગી છે અને અમે તેમની ભૂમિકાની પણ તપાસ કરીશું. અમે વિરોધ કરી રહેલા વિદ્યાર્થીઓને શાંતિ જાળવવા અને ચક્કાજામ ન કરવા અપીલ કરીએ છીએ.
એક ડ્રાઇવરનો પણ સમાવેશ
દિલ્હી પોલીસના જણાવ્યા અનુસાર આ કેસમાં ધરપકડ કરાયેલા લોકો પૈકી એક ડ્રાઇવર પણ છે. તેણે ખૂબ જ ઝડપથી કાર ચલાવી હતી જેના કારણે કોચિંગ સેન્ટરનો ગેટ તૂટી ગયો હતો. જો કે તે બિલ્ડિંગના ગેટ સાથે અથડાય તે પહેલાં એક સ્ટ્રીટ વેન્ડરે તેને રોકવાનો પ્રયાસ કર્યો.
