delhi excise policy: સિસોદિયાએ વચગાળાની જામીન અરજી પાછી ખેંચી,CBIએ કૌભાંડના માસ્ટમાઇન્ડ ગણાવ્યા

• મનીષ સિસોદિયાએ વચગાળાની જામીન અરજી પાછી ખેંચી લીધી હતી
  
• જામીન આપવામાં આવશે તો તપાસ અને સાક્ષીઓ પર અસર પડશે - CBI
• સિસોદિયાની નિયમિત જામીન અરજી પર નિર્ણય 30 એપ્રિલ સુધી અનામત રાખવામાં આવ્યો છે

દિલ્હીની રાઉઝ એવન્યુ કોર્ટે દારૂ નીતિ કૌભાંડ સંબંધિત મની લોન્ડરિંગ કેસમાં જેલમાં બંધ પૂર્વ નાયબ મુખ્યમંત્રી મનીષ સિસોદિયાની નિયમિત જામીન માંગતી અરજી પર પોતાનો આદેશ અનામત રાખ્યો છે. આ અંગે કોર્ટ 30 એપ્રિલે ચુકાદો આપશે. સીબીઆઈએ જામીન અરજીનો વિરોધ કરતા કહ્યું કે જો સિસોદિયાને જામીન મળે તો તે આગળની તપાસ અને સાક્ષીઓને પ્રભાવિત કરી શકે છે.

રેગ્યુલર જામીન અંગેનો નિર્ણય 30 એપ્રિલ સુધી અનામત રાખવામાં આવ્યો છે

રાઉઝ એવન્યુ કોર્ટના વિશેષ ન્યાયાધીશ કાવેરી બાવેજાએ મનીષ સિસોદિયાની નિયમિત જામીન અરજી પર 30 એપ્રિલે ચુકાદો અનામત રાખ્યો હતો. સુનાવણી દરમિયાન સિસોદિયા વતી હાજર રહેલા એડવોકેટ વિવેક જૈને કોર્ટને જણાવ્યું હતું કે સિસોદિયાની નિયમિત જામીન અરજી પર કોર્ટ આજે પોતાનો નિર્ણય અનામત રાખશે, આવી સ્થિતિમાં સિસોદિયાની વચગાળાની જામીન અરજી બિનઅસરકારક બની જશે.