- ભારતીય કોસ્ટ ગાર્ડના મહાનિર્દેશકે ચેન્નાઈમાં અધિકારીઓ સાથે મિટીંગ યોજી
- કોસ્ટ ગાર્ડના મહાનિર્દેશક રાકેશ પાલે ICG સ્ટેશન કૃષ્ણપટ્ટનમની મુલાકાત લીધી
- માળખાકીય સુવિધાઓ અને રાષ્ટ્રમાં દરિયાઈ સુરક્ષાને મજબૂત અંગે ચર્ચાઓ કરી
ભારતીય કોસ્ટ ગાર્ડના મહાનિર્દેશક રાકેશ પાલ આજે પ્રથમ વાર ચેન્નાઈમાં ઓપરેશનલ સજ્જતા અને અનુરૂપ માળખાકીય વિકાસની સમીક્ષા માટે પહોંચ્યા હતાં. ઈન્ડિયન કોસ્ટ ગાર્ડ દ્વારા બહાર પાડવામાં આવેલા એક નિવેદનમાં જણાવવામાં આવ્યું હતું કે, મહાનિર્દેશક રાકેશ પાલ દ્વારા સલામત, સુરક્ષિત અને સ્વચ્છ સમુદ્રના સામાન્ય ધ્યેય તરફના તેમના બહોળા વિઝનને રજૂ કરતાં અધિકારીઓ સાથે વાતચીત કરી હતી.
ICG સ્ટેશન કૃષ્ણપટ્ટનમની મુલાકાત લઈને ઇન્ફ્રાસ્ટ્રક્ચર પ્રોજેક્ટ્સની સમીક્ષા કરી
આ મીટીંગ માત્ર માળખાકીય સુવિધાઓ વિશે જ ન હતી પરંતુ તે રાષ્ટ્રમાં દરિયાઈ સુરક્ષાની રક્ષા કરતી ઢાલને મજબૂત બનાવવા માટે હતી અને તેમાં માત્ર ભૌતિક અવરોધો ઉભા કરવા જ નહીં પરંતુ દરિયાકાંઠાના સમુદાયોમાં તકેદારી અને તત્પરતાની સંસ્કૃતિને પ્રોત્સાહન આપવાના મહત્વ પર ભાર મૂક્યો હતો અને ભારતીય કોસ્ટ ગાર્ડના મુખ્ય મહાનિર્દેશક રાકેશ પાલ દરિયાઈ સુરક્ષા માટે મહત્વપૂર્ણ માળખાકીય પ્રોજેક્ટ્સની દેખરેખ માટે શહેરમાં પહોંચ્યા હતાં અને ભારતીય કોસ્ટ ગાર્ડના DG રાકેશ પાલ, AVSM, PTM, TM અને DG, ICGના પૂર્વીય ક્ષેત્રની ચાલુ મુલાકાતના ભાગરૂપે તેમણે ICG સ્ટેશન કૃષ્ણપટ્ટનમની મુલાકાત લીધી અને ઇન્ફ્રાસ્ટ્રક્ચર પ્રોજેક્ટ્સની પ્રથમ સમીક્ષા કરી.
ભારતીય કોસ્ટ ગાર્ડના મુખ્ય મહાનિર્દેશક અધિકારીઓ સાતે ચર્ચા કરી
આ મુલાકાત દરમિયાન તેમણે સ્ટેશન પર અધિકારીઓ સાથે ચર્ચાઓ કરી હતી. ભારતીય કોસ્ટ ગાર્ડ, ભારતીય સેના, નૌકાદળ અને વાયુસેના એ સંરક્ષણ મંત્રાલય હેઠળના ચાર દળો છે અને તેમના વિવિધ કાર્યો દ્વારા તે કાર્યરત રહે છે.
રાકેશ પાલે આગામી કોસ્ટ ગાર્ડ એર એન્ક્લેવ પ્રોજેક્ટનું વિઝન રજુ કર્યું
પુડુચેરીના ICJ સ્ટેશન પર અધિકારીઓ દેશના દરિયાકાંઠાના સંરક્ષણને વધારવામાં એક મુખ્ય સંકેત આપે છે. મક્કમ મનોબળ અને ચોક્કસ નજર સાથે રાકેશ પાલે આગામી કોસ્ટ ગાર્ડ એર એન્ક્લેવ પ્રોજેક્ટ માટે તેમનું વિઝન રજુ કર્યું હતુ.
પાડોશી દેશો સાથે ભાગીદારી બનાવવા માટે વ્યૂહરચનાઓ પર વિચાર વિમર્શ કર્યો
રાકેશ પાલના માર્ગદર્શન હેઠળ અધિકારીઓ દ્વારા અદ્યતન સર્વેલન્સ સિસ્ટમને એકીકૃત કરવા અને સ્થાનિક કર્મચારીઓને તાલીમ આપવા અને દરિયાઈ જોખમોનો અસરકારક રીતે સામનો કરવા માટે પાડોશી દેશો સાથે ભાગીદારી બનાવવા માટે વ્યૂહરચનાઓ પર વિચાર વિમર્શ કર્યો હતો.
