આજે ભારતના બે મુખ્ય રાજ્યો જમ્મુ-કાશ્મીર અને હરિયાણામાં વિધાનસભાની ચૂંટણીના પરિણામોએ લોકોમાં ઉત્સાહનું મોજુ ફરી વળ્યું છે. જમ્મુ અને કાશ્મીરમાં કોંગ્રેસ અને નેશનલ કોન્ફરન્સના ગઠબંધનને 48 બેઠકો સાથે જીત મળી છે, જ્યારે હરિયાણા વિધાનસભા ચૂંટણી 2024 માં, ભારતીય જનતા પાર્ટીએ 49 બેઠકો સાથે જીત મેળવી છે. ચૂંટણી જીતનો ઉત્સાહ પક્ષના કાર્યકરોની સાથે સાથે લોકોમાં પણ જોવા મળી રહ્યો છે.
આ ઉત્સાહ માત્ર બહાર જ નહીં પણ ઈન્ટરનેટ પર પણ ચાલુ છે. લોકો પોતાની ખુશી અને દુ:ખ પોસ્ટ દ્વારા વ્યક્ત કરી રહ્યા છે. કેટલીક પોસ્ટ એવી પણ છે, જે લોકોને હસાવવા માટે પૂરતી છે. તમને જણાવી દઈએ કે સોશિયલ મીડિયા પ્લેટફોર્મ એક્સ પર જમ્મુ-કાશ્મીરની ચૂંટણી કરતાં હરિયાણાની ચૂંટણી વધુ ટ્રેન્ડ કરી રહી છે અને તેના પર આવા ઘણા મીમ્સ જોવા મળી રહ્યા છે. અહીં તમને કેટલાક આવા જ ખાસ મીમ્સ જોવા મળશે જેને જોઈને તમે તમે હસવાનું રોકી નહીં શકો.
