- રેવાડીમાં ધરુહેરા ફેક્ટરીમાં બોઈલર બ્લાસ્ટ
- બોઈલર બ્લાસ્ટ થતા ફેક્ટરીના 100 થી વધુ કામદારો દાઝ્યા
- ઇજાગ્રસ્તોને સારવાર અર્થે હોસ્પિટલ ખસેડાયા
હરિયાણાના રેવાડીમાં શનિવારે સાંજે એક કંપનીમાં બોઈલર બ્લાસ્ટ થયાની ઘટના સામે આવી છે. બોઈલર બ્લાસ્ટ થતા ફેક્ટરીના 100 થી વધુ કામદારો દાઝી ગયા હતા. જેમાંથી 30 જેટલા કર્મચારીઓની હાલત ગંભીર હોવાની જાણકારી મળી રહી છે. ઇજાગ્રસ્તોને રેવાડીના ટ્રોમા સેન્ટરમાં લાવવામાં આવ્યા છે. ઘટનામાં અનેક લોકોના મોત થયાની આશંકા છે.
મળતી માહિતી મુજબ હરિયાણાના રેવાડીમાં શનિવારે સાંજે એક ફેક્ટરીમાં અચાનક બોઈલર બ્લાસ્ટ થતા આસપાસના વિસ્તારમાં હડકંપ મચી ગયો હતો. ફેક્ટરીમાં બોઈલર બ્લાસ્ટ થતા 100થી વધુ શ્રમિકો દાઝ્યા હોવાના સમાચાર સામે આવ્યા છે. અન્ય 30 જેટલા કર્મચારીઓની હાલત હાલ ગંભીર છે. ઘાયલોને રેવાડીના ટ્રોમા સેન્ટરમાં લાવવામાં આવ્યા છે. ફેક્ટરીમાં બોઇલર બ્લાસ્ટ થતા ફાયર વિભાગ અને પોલીસ ઘટનાસ્થળે પહોંચી હતી. કયા કારણે ફેક્ટરીમાં બ્લાસ્ટ થયો તે અંગે તપાસના ચક્રો ગતિમાન કર્યા છે.
