Himachal Accident: કુલ્લુમાં યાત્રિકો ભરેલી બસ ખીણમાં પડી, અનેક મોતની આશંકા

હિમાચલ પ્રદેશના કુલ્લુમાં એક દર્દનાક માર્ગ અકસ્માત થયો હોવાનું સામે આવ્યું છે. એક ખાનગી બસ ઉંડી ખાઈમાં પડી ગઇ. આ દુર્ઘટના શકેલહડ પાસે થયો હોવાનું સામે આવ્યું છે. ઘટનામાં અનેક લોકોના મોત થયા હોવાની આશંકા છે. મળતી માહિતી મુજબ, કુલ્લુના અની સબ-ડિવિઝનના શ્વા઼-નગાન રોડ પર એક ખાનગી બસને અકસ્માત નડ્યો હતો. પ્રાથમિક માહિતીમાં જાણવા મળ્યું છે કે બસમાં 20 થી 25 લોકો હતા અને આ બસ કારસોગથી આની આવી રહી હતી તે દરમિયાન જ અધવચ્ચે રસ્તામાં બસને અકસ્માત નડ્યો.

અનેક લોકો ઇજાગ્રસ્ત 

ઘટનાને પગલે મોટી સંખ્યામાં લોકો એકઠા થઇ ગયા હતા. બસના તો કૂરચે કૂરચા ઉડી ગયા હતા. 200 મીટર નીચે બસ પડી ગઇ હોવાનું જાણવા મળ્યુ છે. ઇજાગ્રસ્તોને સારવાર હેઠળ ખસેડાયા છે.  બચાવ ટીમ તથા પોલીસ પ્રશાસન પણ ઘટના સ્થળે પહોંચી ગયું હતું. લોકો પોતાના ખાનગી વાહનોમાં ઘાયલોને હોસ્પિટલ લઈ ગયા. એવું અનુમાન લગાવવામાં આવી રહ્યું છે કે એક તીવ્ર વળાંક પર ડ્રાઈવરે બસ પરનો કાબૂ ગુમાવ્યો અને બસ સીધી ખીણમાં પડી ગઇ. 

સ્થાનિકો આવ્યા મદદે 

કયા કારણોસર આ અકસ્માત થયો તે જાણી શકાયુ નથી પરંતુ કેટલા લોકોના મોત થયા છે, કેટલા લોકો ઇજાગ્રસ્ત છે તે આંકડો સામે આવ્યો નથી. એક નજરે જોનારનું કહેવુ છે કે બસના તો કૂરચે કૂરચા ઉડી ગયા છે. અંદરના લોકો મદદ માટે બુમો પાડી રહ્યા હતા. તમામ લોકોએ ભેગા થઇને લોકોને બહાર કાઢ્યા.