Madhyapradeshના ભોપાલમાં તસ્કરોએ ભગવાનને પણ ના છોડયા, શિવલિંગની કરી ચોરી

મધ્યપ્રદેશના ભોપાલની સુભાષ કોલોનીમાં શિવલિંગની ચોરીની ઘટના સામે આવી છે.આ મામલે સ્થાનિક લોકોએ પોલીસમાં ફરિયાદ કરી છે. પોલીસ શિવલિંગની શોધમાં વ્યસ્ત છે.મધ્યપ્રદેશની રાજધાની ભોપાલમાં ચોરીનો એક ચોંકાવનારો કિસ્સો સામે આવ્યો છે. અહીં ચોરોએ ખૂબ જ ચતુરાઈથી શિવલિંગને પીપળના ઝાડ નીચેથી ગાયબ કરાવી દીધું. આ ઘટના ભોપાલના અશોક ગાર્ડન પોલીસ સ્ટેશન વિસ્તારની સુભાષ કોલોનીમાં બની હતી.

હાલ પોલીસ શિવલિંગની શોધમાં વ્યસ્ત છે

ચોરાયેલ શિવલિંગ પીપળના ઝાડ નીચે સ્થાપિત કરવામાં આવ્યું હતું. સવારે જ્યારે કોલોનીના લોકો પૂજા કરવા આવ્યા ત્યારે ત્યાં શિવલિંગ નહોતું, જેને જોઈને લોકો આશ્ચર્યચકિત થઈ ગયા. આ અંગે વિસ્તારના લોકોએ અશોકા ગાર્ડન પોલીસ સ્ટેશનને જાણ કરી હતી. માહિતી મળતા જ પોલીસે તપાસ શરૂ કરી હતી. જો કે, હાલમાં ફરિયાદ નોંધવામાં આવી નથી.

પીપળના ઝાડ નીચેથી શિવલિંગની ચોરી

અશોકા ગાર્ડન પોલીસ સ્ટેશનના ઈન્ચાર્જ હેમંત શ્રીવાસ્તવનું કહેવું છે કે પોલીસ ઘટનાસ્થળે પહોંચી અને જોયું કે પથ્થર નંદીજી ત્યાં હતો. માત્ર શિવલિંગ ગાયબ હતું. પોલીસ નજીકના રહેવાસીઓની પૂછપરછ કરી રહી છે. આ ઉપરાંત આસપાસના વિસ્તારના સીસીટીવી ફૂટેજની પણ ચકાસણી કરવામાં આવી રહી છે.કહેવામાં આવી રહ્યું છે કે દિનેશ ગોસ્વામી નામના વ્યક્તિ પીપળના ઝાડની પાસે રહે છે જેની નીચે શિવલિંગ આવેલું છે. દરરોજની જેમ શુક્રવારે સવારે તેઓ શિવલિંગની પૂજા કરવા આવ્યા હતા. પરંતુ શિવલિંગ ન મળવાને કારણે લોકો ભારે ગુસ્સે થયા અને એકઠા થઈને પોલીસ સ્ટેશન પહોંચ્યા જ્યાં પોલીસ આ મામલે તપાસ કરી રહી છે.

શિવલિંગ જલ્દી મળી જશે

આ ઘટનાથી સ્થાનિક લોકોમાં રોષ જોવા મળી રહ્યો છે. લોકોએ કહ્યું કે ચોર હવે ભગવાનને પણ છોડતા નથી. પોલીસને આશંકા છે કે કોઈ અસામાજિક તત્વોએ આ ઘટનાને અંજામ આપ્યો હોઈ શકે છે. જો કે, પોલીસે શાંતિ જાળવવાની અપીલ કરી છે અને સ્થાનિક લોકોને ખાતરી આપી છે કે શિવલિંગ શક્ય તેટલું જલ્દી મળી જશે.