- 12 કલાક સુધી ચાલેલા ઓપરેશન બાદ ભારતીય નેવીને મળી સફળતા
- ભારતીય નેવીએ 23 પાકિસ્તાની નાગરિકોને ચાંચિયાઓથી બચાવ્યા
- FV જહાજ પર સવાર 9 ચાંચિયાઓએ કર્યું આત્મસમર્પણ
ભારતીય નૌકાદળે અરબી સમુદ્રમાં બંધક બનેલા ઈરાની માછીમારી જહાજ અને તેના ક્રૂ મેમ્બર તરીકે કામ કરતા 23 પાકિસ્તાની નાગરિકોને ચાંચિયાઓથી બચાવ્યા હતા. 12 કલાક સુધી ચાલેલા ઓપરેશન બાદ ભારતીય નૌકાદળે સોમાલી ચાંચિયાઓથી તમામને બચાવ્યા હતા.
નૌકાદળના પ્રવક્તા દ્વારા જારી કરાયેલા સત્તાવાર નિવેદન અનુસાર, ભારતીય નૌકાદળની નિષ્ણાત ટીમો માછીમારીના જહાજની સંપૂર્ણ તપાસ કરી રહી છે જેથી કરીને તેને માછીમારીની કામગીરી ફરી શરૂ કરવા માટે સુરક્ષિત વિસ્તારમાં લઈ જઈ શકાય. ભારતીય નૌકાદળે શુક્રવારે (29 માર્ચ) મોડી રાત્રે જણાવ્યું હતું કે તે હાઇજેક કરાયેલા માછીમારીના જહાજને બચાવવાની કામગીરીમાં રોકાયેલ છે જેમાં નવ સશસ્ત્ર ચાંચિયાઓ અને તેના ક્રૂ દ્વારા સવારી કરવામાં આવી છે.
