- રેલવેમાં દિલ્હીથી બિહાર, પશ્ચિમ બંગાળ, ઓડિશા જતી ટ્રેનોમાં વધુ ભીડ
- વેઈટિંગ લિસ્ટને ધ્યાને રાખેની 9111 સ્પેશિયલ ટ્રેનો ચલાવવાનો નિર્ણય
- ભારતીય રેલવે દ્વારા ગયા વર્ષે 37 કરોડ લોકોએ ટ્રેનમાં મુસાફરી કરી હતી
નવી દિલ્હી, વિશેષ સંવાદદાતા. એપ્રિલના માત્ર 21 દિવસમાં રેકોર્ડ સંખ્યામાં 41 કરોડથી વધુ મુસાફરોએ ટ્રેનમાં મુસાફરી કરી છે. ગયા વર્ષે આ આંકડો 37 કરોડ હતો. આ જ કારણ છે કે રેગ્યુલર ટ્રેનોમાં લાંબી વેઇટિંગ લિસ્ટને ધ્યાનમાં રાખીને રેલવે બોર્ડે આ વર્ષે ઉનાળાની રજાઓમાં દેશભરમાં 9111 સ્પેશિયલ ટ્રેનો ચલાવવાનો નિર્ણય લીધો છે. ગયા વર્ષે આ સમયગાળા દરમિયાન 6369 વિશેષ ટ્રેનો દોડાવવામાં આવી હતી. રેલવેમાં એપ્રિલ મહિનામાં મુસાફરીનો તૂટ્યો રેકોર્ડ,
1 એપ્રિલથી 21 એપ્રિલ સુધીમાં 41.16 કરોડ લોકોએ મુસાફરી કરી
રેલવે બોર્ડના એક વરિષ્ઠ અધિકારીએ જણાવ્યું કે, 1 એપ્રિલથી 21 એપ્રિલ સુધીમાં 41.16 કરોડ લોકોએ મુસાફરી કરી છે. તેમાંથી 3.38 કરોડ મુસાફરોએ માત્ર બે દિવસ એટલે કે 20-21 એપ્રિલના રોજ મુસાફરી કરી છે. તેમણે કહ્યું કે દિલ્હીથી બિહાર, પશ્ચિમ બંગાળ, ઓડિશા જતી ટ્રેનોમાં વધુ ભીડ જોવા મળી રહી છે.
રેગ્યુલર વેઇટીંગ લિસ્ટના આધારે સ્પેશિયલ ટ્રેનોની સંખ્યા વધારી
આ ઉપરાંત, તે તમિલનાડુ, મહારાષ્ટ્ર, ગુજરાત, પશ્ચિમ બંગાળ, કર્ણાટક, આંધ્રપ્રદેશ, તેલંગાણા, ઝારખંડ, મધ્યપ્રદેશ, રાજસ્થાન જેવા રાજ્યોના મુસાફરો માટે વિશેષ ટ્રેનો ચલાવી રહી છે. રેલ્વે બોર્ડે તમામ ઝોનલ રેલ્વેને સૂચના જારી કરી છે કે રેગ્યુલર ટ્રેનોમાં વેઇટીંગ લિસ્ટના મૂલ્યાંકનના આધારે સ્પેશિયલ ટ્રેનોની સંખ્યા વધારી શકાય છે.
રેલવે સ્ટેશનો પર ભીડ નિયંત્રણ માટે વ્યાપક વ્યવસ્થા કરવામાં આવી
રેલવે સ્ટેશનો પર પીવાના પાણીની ઉપલબ્ધતા સુનિશ્ચિત કરવા સૂચના આપવામાં આવી છે. તમામ મોટા અને મહત્વપૂર્ણ રેલવે સ્ટેશનો પર ભીડ નિયંત્રણ માટે વ્યાપક વ્યવસ્થા કરવામાં આવી છે. વ્યવસ્થિત રીતે ભીડને નિયંત્રિત કરવા માટે તમામ પ્રવૃત્તિઓ પર દેખરેખ રાખવા માટે આ સ્ટેશનો પર વરિષ્ઠ અધિકારીઓ તૈનાત કરવામાં આવ્યા છે.
