Indigoના બંને પાયલટ તપાસ પૂરી થાય ત્યાં સુધી પ્લેન નહી ઉડાડી શકે

દિલ્હીથી શ્રીનગર જતી ઇન્ડિગોની ફ્લાઇટ 21 મેના રોજ કરા અને ખરાબ હવામાનને કારણે ભારે ટર્બ્યુલન્સમાં ફસાઈ ગઈ હતી. દરમિયાન, DGCA એટલે કે નાગરિક ઉડ્ડયન મહાનિર્દેશાલયે તપાસ પૂર્ણ ન થાય ત્યાં સુધી બંને પાઇલટ્સને ઉડાન ભરવા પર પ્રતિબંધ મૂક્યો છે. ડીજીસીએના એક અધિકારીના જણાવ્યા અનુસાર, તપાસ પૂર્ણ ન થાય ત્યાં સુધી બંને પાઇલટ વિમાન ઉડાડી શકશે નહીં. દરમિયાન, નાગરિક ઉડ્ડયન મંત્રી રામ મોહન નાયડુએ બંને પાઇલટ્સની પ્રશંસા કરી છે.

અમે બંને પાઇલટ્સના આભારી છીએ.

ઉડ્ડયન મંત્રી નાયડુએ કહ્યું કે અમે ઘટનાની તપાસ કરી રહ્યા છીએ. મારી પાસે રહેલી માહિતીના આધારે, હું બંને પાઇલટ્સની પ્રશંસા કરવા માંગુ છું. બંનેએ ખૂબ ધીરજ બતાવી. અમે બંને પાઇલટ્સનો આભાર માનીએ છીએ કે કોઈ ઘટના બની નથી અને બધા સુરક્ષિત છે. અમે હાલમાં તપાસ કરી રહ્યા છીએ કે ખરેખર શું થયું?

21 મે ના રોજ શું થયું?

આ ઘટના બાદ DGCA એ એક નિવેદન બહાર પાડીને કહ્યું કે 21 મેના રોજ ઈન્ડિગો ફ્લાઇટ નંબર A321 દિલ્હીથી શ્રીનગર જઈ રહી હતી. આ સમય દરમિયાન, પંજાબના પઠાણકોટમાં અચાનક હવામાન બગડ્યું અને કરા પડવા લાગ્યા. પાઇલટના જણાવ્યા મુજબ, તેણે ભારતીય વાયુસેના પાસેથી આંતરરાષ્ટ્રીય સરહદ તરફ વળવાની પરવાનગી માગી હતી, જેને વાયુસેનાએ નકારી કાઢી હતી. પાયલોટે લાહોર એટીસીનો સંપર્ક કર્યો અને તેમના હવાઈ ક્ષેત્રમાં પ્રવેશવાની પરવાનગી માગી પરંતુ લાહોર એટીસીએ મંજૂરી આપી નહીં. આ પછી પાયલોટે ફ્લાઇટ પાછી વાળવાનો પ્રયાસ કર્યો પરંતુ વિમાન જોરદાર તોફાન અને વરસાદમાં ફસાઈ ગયું.

આખરે ફ્લાઇટનું શ્રીનગર એરપોર્ટ પર સલામત ઉતરાણ થયું.

ડીજીસીએના જણાવ્યા અનુસાર, આ સમય દરમિયાન ફ્લાઇટની ગતિ વધારવામાં આવી હતી. આખરે ફ્લાઇટનું શ્રીનગર એરપોર્ટ પર સલામત ઉતરાણ થયું. આનાથી વિમાનના આગળના ભાગને નુકસાન થયું. હાલમાં સમગ્ર મામલાની તપાસ DGCA દ્વારા કરવામાં આવી રહી છે.