- જમ્મુ-કાશ્મીરમાં સુજવાન આર્મી બેઝ પર આતંકી હુમલો
- આતંકીઓએ બેઝ પાસે તૈનાત એક સૈનિકને ગોળી મારી
- સેનાએ વિસ્તારને કોર્ડન કરીને સર્ચ ઓપરેશન શરૂ
સોમવારે સવારે આતંકવાદીઓએ જમ્મુ-કાશ્મીરમાં સુજવાન આર્મી બેઝ પર હુમલો કર્યો હતો. આતંકીઓએ બેઝ પાસે તૈનાત એક સૈનિકને ગોળી મારી હતી. ફાયરિંગમાં જવાન ઘાયલ થયો છે. અથડામણમાં સેના દ્વારા પણ ફાયરિંગ કરવામાં આવ્યું હતું. સેનાએ વિસ્તારને કોર્ડન કરીને સર્ચ ઓપરેશન શરૂ કરી દીધું છે.
રક્ષા વિભાગના પ્રવક્તાએ જણાવ્યું કે સવારે 10.50 વાગ્યે જમ્મુની બહાર સ્થિત સુંજવાન મિલિટરી સ્ટેશન પર કેટલાક રાઉન્ડ ફાયરિંગ થયું. આ ઘટનામાં એક જવાન ગંભીર રીતે ઘાયલ થયો હતો. સંત્રી પોસ્ટ પર ગોળીબાર કરનારા હુમલાખોરો વિશે વિગતવાર માહિતી આપ્યા વિના, પ્રવક્તાએ કહ્યું કે હુમલાખોરોને પકડવા માટે ઓપરેશન શરૂ કરવામાં આવ્યું છે અને આ સંદર્ભમાં વધુ માહિતી આપવામાં આવશે.
